Byá padá shatkén taláráni delá derrán kanén
Gránbaháén dósti o mehrá padá arzán kanén
Tai doén gálán mani násarpadén del gón jatag
Byá padá gáláni rabbálaw zeri nódán kanén
Márá cha ráhá gesar kortag é béráhén sarán
É delay hónán cha, sohrén mádené randán kanén
Pollén diwan o marágáháni kóhén háterá
Dahsari sut o hazárganjén napán táwán kanén
Mán tarrant Hánol o Mahgol agán démá may
Mennatánesh zurén bandigesh wati kawlán kanén
Dur naent menzel hazárganj o hazárnázén, Sayad
Hambalán zurén chó kawrá dursarén rombán kanén
Bahren
Ádénagay sabáhay 5:20
20-Aprél-1956
Sayad Háshomi
Sayad Háshomi