Á ke tai zolpáni newáná rast* nakant
Á hejbar cha pohle sarátá gwast nakant
Dur naent tai gam cha delá man jazm goshán
Dán ke delá gón dard watá paywast nakant
Taw tahná, koll donyá par taw chágerd ent
Man tahná, kass gón man watá hamdast nakant
Balkén manárá champaché chátá dawr bedant
Kór manárá kawrá cha ádast nakant
Róch dar atkag, halk pa kárá sar geptag
Hast ganóké angat cherágán past nakant
Taw balkén gón zolpán márá péch dayay
Donyá gón zamzilán márá bast nakant
É emróz ent harka wati gégá chárit
Noks bebit nap, kass haptádá shast nakant
Hast hamésh ent néstay shoházá nést bebit
Nést hamá ent hast bolóthit hast nakant
Balken mani eshkay mósom éraht bebit
Tai hosnay hámén kadi per gwast nakant
Johd kanán man johd ke johd imán mani
Baht begenday bód byárit dast nakant
Kázi anchén gál katárán man pa golá
Paygambar ham shayr choshén per bast nakant
...............
*raset
...............
Mobárek Kázi
Mobárek Kázi