Mani Ke Maddhi Ent Tayáb

Mani ke maddhi ent tayáb
Mani omét ent mojjati
Mani hayálay wáhag ent
Golén gománay dróshom ent
Mani tayáb Balóchiay
Yalén lesánay dróshom ent
Mani ke mál o maddhi ent
Mani ke zéd o kahchar ent
Mani tayáb! Pázolay
Golén bayánay dróshom ent
Mani ke zend ent mojjati
Mani matáh o melkat ent
Mani ke goddhi menzel ent
Mani ke ráh ent mojjati
Mani samá o lékah ent
Mani ke bráh ent mojjati
Mani é thokkor ent delay
Ragáni sáh ent mojjati
Mani ke mehray ásar ent
Máni wapá ent mojjati
Mani tayáb Hánol ent
Mani tayáb gamjatén
Moriday grastagén del ent
Chetawr tará gesed mani
Chetawr tará oo zend mani
Gón saht o nograhán dayán
Gón mesk o mehlabán dayán
Mani ke óstay darwar ent
O mehrbán o wáhag ent
Pa man hodók o deljam ent
Mani ke mehray mólom ent
Mani shapáni dróshom ent
Mani ke didag ent tayáb
Mani ke zenday préshtag ent
Golén sabáhay washtábén
Gón dróshomán rawáni ent
É rozhnay máhekáni ent
Mani é mahkajén tayáb
Mehray may nesháni ent
Mani tayáb kódeki
Mani tayáb jawáni ent
Mani ke johday sangar ent
Mani ke maddhi ent tayáb
Mani omét ent mojjati

1974
Barkatali Sajjád