Mani bacch Shaymoridén Razá Jahángiray námá
Didagén Shaymorid
Taw kojá ay mani didagén Shaymorid
Nágatá éoká taw kojá raptagay
Kammo byá o bechár métag o halkay ráh drost wayránag ant
Bass damánéá byá o bechár
Déwánagén Shaymorid
Taw ke nayáay padá mósománi delá kahrén emrózá sáchánay gam pash kapit
Taw ke nayáay padá kuchagáni sará sabzén káháni warnái damtós bit
Taw ke nayáay padá malkamutay samá duriáni negáhán cha rangán polit
Taw ke nayáay abadmánén gam sambahant
Zenday kollén matáh gimorant biragá
Sohrén áshóbi perband o gál hónay arsán rajant
Kahrén dhokkálay delbandá angár balant
Tai padáni neshánán neheng sangarant
Kéch ón wayrán bit
Dasht pashómán bit
Kólwáhay damag arsay morwáredán didagán kabr kant
Taw ke nayáay godhá hambaláni gelag pahká táwán bant
Sangatáni gamán ach tará rand kay ent, arzán kant
Byá ke nendén dobar má nehengay kashá kessahé bágén Tompá o Mandá gwapén
Kessahé anchén ásar mabit
Zendá ásar mabit margá sóbé madant
Bass damánéá byá
Bass damánéá byá
Karimah Balóch
Karimah Balóch