<!-- وپ:پَرَگرَپہ -->
تَچ اَنت نۆد ءُ دَریا تَچیت زِندَگی
کَدی بارێں تْیاب ءَ رَسیت زِندَگی
<!-- /وپ:پَرَگرَپہ -->
<!-- وپ:پَرَگرَپہ -->
چَہ سَرگواپ ئے دَستانی زۆراکی ءَ
تَئی مُودے سِدیت، مئے سِدیت زِندَگی
<!-- /وپ:پَرَگرَپہ -->
<!-- وپ:پَرَگرَپہ -->
آ وَہدے کہ پُلّانی سَیل ءَ بُرَوت
گۆں نۆدانی تْرَمپاں کَپیت زِندَگی
<!-- /وپ:پَرَگرَپہ -->
<!-- وپ:پَرَگرَپہ -->
مَن دِہکان ءِ دَستانی کُرباں باں
کِشیت مَلکَمُوت ءَ ، رُدیت زِندَگی
<!-- /وپ:پَرَگرَپہ -->
<!-- وپ:پَرَگرَپہ -->
مَرۆچاں مَن بے مَتلَب ءَ زِندَگ آں
کہ بے تَو مَن ءَ دۆست بیت زِندَگی
<!-- /وپ:پَرَگرَپہ -->
<!-- وپ:پَرَگرَپہ -->
دَمانے چا مَرگ ءَ پِرامۆش باں
پَدا دَست ءُ پاداں اَڈیت زِندَگی
<!-- /وپ:پَرَگرَپہ -->
<!-- وپ:پَرَگرَپہ -->
مَن اِمرُزا اَنچێں وَڈے پْرُشتَگاں
دِل ءَ دَر کَناں ھَم کُدیت زِندَگی
<!-- /وپ:پَرَگرَپہ -->
<!-- وپ:پَرَگرَپہ -->
مَن کَبر ءَ شُتاں داں تَئی شۆہازَگ ءَ
تَرا دیت مَن ڈَولی، نَدیت زِندَگی
<!-- /وپ:پَرَگرَپہ -->
<!-- وپ:پَرَگرَپہ -->
3 نَوَمبَر 2007 (زِمینتۆک)
<!-- /وپ:پَرَگرَپہ -->
Dhawli Bég