<!-- وپ:پَرَگرَپہ -->
شَپ بۆجیگے سازَگ بیت
واب چِراگے ھالَگ بیت
<!-- /وپ:پَرَگرَپہ -->
<!-- وپ:پَرَگرَپہ -->
گْوات ءَ جُستے دَست ءَ اِنت
دَریا چۆن بادێنَگ بیت
<!-- /وپ:پَرَگرَپہ -->
<!-- وپ:پَرَگرَپہ -->
تَئی مَلگۆر ءِ کَیپ ءِ مُج ءَ
بے گاہ چَمّے سْرُومَگ بیت
<!-- /وپ:پَرَگرَپہ -->
<!-- وپ:پَرَگرَپہ -->
آپ کَوار ءَ نِشت نَکَنت
آس دِل ءَ پَہرێزَگ بیت
<!-- /وپ:پَرَگرَپہ -->
<!-- وپ:پَرَگرَپہ -->
اَنچۆکہ تَو راست گُش ئے
دْرۆگ اوں اَنچۆ بَندَگ بیت
<!-- /وپ:پَرَگرَپہ -->
<!-- وپ:پَرَگرَپہ -->
گْوات ءَ مَکتَب مَٹّ کُتَگ
آس ءَ رَسم، رَبێدَگ بیت
<!-- /وپ:پَرَگرَپہ -->
<!-- وپ:پَرَگرَپہ -->
گۆں ما زِندَگ بُو زان ئے
لَہتے زَہر ھَوادَگ بیت
<!-- /وپ:پَرَگرَپہ -->
<!-- وپ:پَرَگرَپہ -->
سێنَگ ھَلکے آبادێں
مِہر مَبیت تَ کێنَگ بیت
<!-- /وپ:پَرَگرَپہ -->
<!-- وپ:پَرَگرَپہ -->
لَبزاں ھَرکَس سِتر کُتَگ
گُنگێں اَہد وَ چێدَگ بیت
<!-- /وپ:پَرَگرَپہ -->
<!-- وپ:پَرَگرَپہ -->
زێبائی تَئی رَنج مَبیت
دِل وَ پَدا رێپێنَگ بیت
<!-- /وپ:پَرَگرَپہ -->
<!-- وپ:پَرَگرَپہ -->
اِینچ چِراگانی نْیام ءَ
تَہنا شَپ دِلوارَگ بیت
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
Monir Mómen