<!-- وپ:پَرَگرَپہ -->
گُل ءِ مَلگۆراں مِسک ءُ اَمبَرێناں
کَناں یات ءُ وَتی کُلّ ءَ زَرێناں
<!-- /وپ:پَرَگرَپہ -->
<!-- وپ:پَرَگرَپہ -->
مَنی سُستێں رَواجاں چۆش مَچارِت
شُمارا یَک پہ یَکّ ءَ مَن رَسێناں
<!-- /وپ:پَرَگرَپہ -->
<!-- وپ:پَرَگرَپہ -->
اَگاں اوماں بَنت اِنت دَرد ءُ اَرماں
گَمانی پُرّێں دُمبالاں سْرَپێناں
<!-- /وپ:پَرَگرَپہ -->
<!-- وپ:پَرَگرَپہ -->
مَن ءَ بَسّ اِنت وَتی لَسّائیں آہُوگ
مَیارِت پہ مَن گۆراں ماہَلێناں
<!-- /وپ:پَرَگرَپہ -->
<!-- وپ:پَرَگرَپہ -->
زَہیرُن بیت پِر بَنداں دو سئے گال
اَگاں بے گَم بَیاں ٹَپّاں کُدێناں
<!-- /وپ:پَرَگرَپہ -->
<!-- وپ:پَرَگرَپہ -->
پہ ھَرَّنگے کَناں نْیادے گۆں دۆست ءَ
کہ بَدواہانی بَہت ءَ را نَسێناں
<!-- /وپ:پَرَگرَپہ -->
<!-- وپ:پَرَگرَپہ -->
مَنی کُلّ ءِ چِراگیا بِمَنّ ئے
تَرا چَہ مَلکَمُوت ءَ ھَم زِہێناں
<!-- /وپ:پَرَگرَپہ -->
<!-- وپ:پَرَگرَپہ -->
تَرا مَرچی پہ بانۆری بِگِنداں
بلے بْیا مَن تَرا وَت سَمبَہێناں
<!-- /وپ:پَرَگرَپہ -->
<!-- وپ:پَرَگرَپہ -->
مَنی ھانُل بْیا کہ ھِنّیاں تَئی
وَتی زَگرێں دِل ءِ ھۆناں گۆں مێناں
<!-- /وپ:پَرَگرَپہ -->
<!-- وپ:پَرَگرَپہ -->
سَیَد مۆہ دَئے دِل ءِ ھۆناں وَتیگاں
چَہ چَمّانی رَہ ءَ مَرچی شَلێناں
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
<!-- وپ:پَرَگرَپہ -->
(بُلۆرداں، کَسِرکَند
آدێنَگ ءِ سَباہ ءِ سَر ءَ
یَکّ اَکتۆبَر 1954)
<!-- /وپ:پَرَگرَپہ -->
Sayad Háshomi