<!-- وپ:پَرَگرَپہ -->
<!-- /وپ:پَرَگرَپہ -->
<!-- وپ:پَرَگرَپہ -->
وَتی بُرواناں مُروارِد سُرێنیت
دِگِہ سازے دِل ءِ ٹَپّاں کُدێنیت
<!-- /وپ:پَرَگرَپہ -->
<!-- وپ:پَرَگرَپہ -->
تَئی اِے پَرپُکێں لُنٹانی گَرمی
مَن ءَ چَہ مَلکَمیت ءَ ھَم زِہێنیت
<!-- /وپ:پَرَگرَپہ -->
<!-- وپ:پَرَگرَپہ -->
چُشێں بَہتے کُج ءَ بْیاراں کہ پہ مَن
اَمُل جاں شَکَّل ءُ شیراں بِمێنیت
<!-- /وپ:پَرَگرَپہ -->
<!-- وپ:پَرَگرَپہ -->
گُل ءِ آبرێشُمێں دَست ءِ سَمارے
مَنی شۆر گِپتَگێں زِرد ءَ تْرَہێنیت
<!-- /وپ:پَرَگرَپہ -->
<!-- وپ:پَرَگرَپہ -->
دَپی جُست ئِے نَکَنت اَنُّون مَن ءَ را
بلے مَن کہ مِراں، اَرساں شَلێنیت
<!-- /وپ:پَرَگرَپہ -->
<!-- وپ:پَرَگرَپہ -->
اَگاں گُل بْیَیت مُلا ءِ بَہِشت ءَ
مَن زاناں جَنَّتی ھُوراں گُڈێنیت
<!-- /وپ:پَرَگرَپہ -->
<!-- وپ:پَرَگرَپہ -->
اَمُلّ! یَکّ زَہرکَنِکّێں چِراگے تَئی
دِل ءِ پاد اَتکَگێں بَہت ءَ نَسێنیت
<!-- /وپ:پَرَگرَپہ -->
<!-- وپ:پَرَگرَپہ -->
زِیات کَنت اِنت زَہیراں ھانُلَیگاں
اَگاں لال ءِ وَت ءَ را سَمبَہێنیت
<!-- /وپ:پَرَگرَپہ -->
<!-- وپ:پَرَگرَپہ -->
دِل ءَ مِہر اِنت مَن ھَرجاہے کہ نِنداں
وَت ءَ کْرام ءُ کِہێباں گۆں رَسێنیت
<!-- /وپ:پَرَگرَپہ -->
<!-- وپ:پَرَگرَپہ -->
گُن پُلّێں کَندَگاں ٹَپّاں دَوا کَنت
چَہ آسکی دیدَگاں تیراں شِپێنیت
<!-- /وپ:پَرَگرَپہ -->
<!-- وپ:پَرَگرَپہ -->
سَیَد اَنُّون کِہێبانی پَری رَوت
تَئی دیوان ءِ نِندۆکاں زَرێنیت
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
<!-- وپ:پَرَگرَپہ -->
(<اِم>تُربَت، کێچ 13-02-1955</اِم>)
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
Sayad Háshomi