<!-- وپ:پَرَگرَپہ -->
<!-- /وپ:پَرَگرَپہ -->
<!-- وپ:پَرَگرَپہ -->
کَرپاسُکێں بْرَمشے ماں تَواران اِنت بار ئِے گۆں
نێمچَمّی چَڈِکّایے کہ چاران اِنت بار ئِے گۆں
<!-- /وپ:پَرَگرَپہ -->
<!-- وپ:پَرَگرَپہ -->
دَردے کہ مَنی زێمِراں پێچان اِنت مَجێڈ ئِے
زَہیرے کہ تَئی کِسَّہ ءَ آران اِنت بَر ئِے گۆں
<!-- /وپ:پَرَگرَپہ -->
<!-- وپ:پَرَگرَپہ -->
بے سُدّ چَہ وَت، ءُ وَتی دُنیا ءَ گَنۆکے
تَئی مُہرَگاں دابانی شُماران اِنت بَر ئِے گۆں
<!-- /وپ:پَرَگرَپہ -->
<!-- وپ:پَرَگرَپہ -->
دَرد ءِ ھَمے ڈیوا کہ نَکُشتَگ شَپ ءِ گْوات ءَ
اِے چَمّ دِگِہ وابے ءِ کُماران اِنت بَر ئِے گۆں
<!-- /وپ:پَرَگرَپہ -->
<!-- وپ:پَرَگرَپہ -->
چاڈے کہ تَئی دیدَگ ءِ تاس ءَ اِنت بِرێچ ئِے
تُرسے کہ مَنی شَہر ءِ گُباران اِنت بَر ئِے گۆں
<!-- /وپ:پَرَگرَپہ -->
<!-- وپ:پَرَگرَپہ -->
اِے گْوات کہ اَرواہ ءِ سَر ءَ شَنزیت زَباداں
سازانی دِل ءَ دَست سَماران اِنت بَر ئِے گۆں
<!-- /وپ:پَرَگرَپہ -->
<!-- وپ:پَرَگرَپہ -->
اِے مۆسُم ءَ گۆناپے نَکِشتَگ ماں دَریگاں
اِے اوست گُش ئے جَمبَرے گْواران اِنت بَر ئِے گۆں
<!-- /وپ:پَرَگرَپہ -->
<!-- وپ:پَرَگرَپہ -->
دَنزے کہ مُنیر رَہسَراں اوشتاتَگ ماچار ئِے
شَہمے کہ وَتی دامُن ءَ داران اِنت بَر ئِے گۆں
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
<!-- وپ:پَرَگرَپہ -->
(<اِم>یَکّ بِچیلے آزماں</اِم>)
<!-- /وپ:پَرَگرَپہ -->
Monir Mómen