<!-- وپ:پَرَگرَپہ -->
<!-- /وپ:پَرَگرَپہ -->
<!-- وپ:پَرَگرَپہ -->
پُلّ بِچکَند اَنت گَل ءَ بَنت بال، تَئی نام ءَ گِر اَنت
سَرزِمین ءِ ھُشک ءُ تَرّێں ٹال تَئی نام ءَ گِر اَنت
<!-- /وپ:پَرَگرَپہ -->
<!-- وپ:پَرَگرَپہ -->
زِند ءِ ھِچ ساہَت کہ چَہ تَئی کُدرَتاں ھالی نَہ اِنت
ماہ نازێنیت تَرا ءُ سال تَئی نام ءَ گِر اَنت
<!-- /وپ:پَرَگرَپہ -->
<!-- وپ:پَرَگرَپہ -->
چَہ زِر ءَ مَست اَنت ءُ اُمّێت ءِ دَیار ءَ سَر نَہ اَنت
چَول کَندی ءَ پْرُش اَنت چیہال تَئی نام ءَ گِر اَنت
<!-- /وپ:پَرَگرَپہ -->
<!-- وپ:پَرَگرَپہ -->
ھَرکَس ءِ دێم ءِ سَر ءَ اَلّاہ نِبِشتَہ اِنت گْوَش ئے
کہ تَئی آشِک پَمِشکا لال تَئی نام ءَ گِر اَنت
<!-- /وپ:پَرَگرَپہ -->
<!-- وپ:پَرَگرَپہ -->
کُدرَتانی بادشاہ! تَو زاہِر ئے ماں کُدرَتاں
آزمان ءِ بالی مُرگ پہ بال تَئی نام ءَ گِر اَنت
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
Mir Omar Mir