Layb

<!-- وپ:پَرَگرَپہ -->
“ھَلَو۔”
<!-- /وپ:پَرَگرَپہ -->

<!-- وپ:پَرَگرَپہ -->
“ھاں۔ ھَلَو۔”
<!-- /وپ:پَرَگرَپہ -->

<!-- وپ:پَرَگرَپہ -->
“کِتاب رَسِت؟”
<!-- /وپ:پَرَگرَپہ -->

<!-- وپ:پَرَگرَپہ -->
“ھَو۔ مَرچی۔”
<!-- /وپ:پَرَگرَپہ -->

<!-- وپ:پَرَگرَپہ -->
“چۆن آُرت ئِے؟ جاگَہ ئِے زانت؟”
<!-- /وپ:پَرَگرَپہ -->

<!-- وپ:پَرَگرَپہ -->
“ھَو۔ پَون ئِے کُت۔ گُشت ئِے ھَمے دُکّان ءَ کہ کِتاب اێر کَنَگی اِنت، اِے بَند اِنت۔ مَن گُشت بۆشت یَکّے دێم دَیاں۔”
<!-- /وپ:پَرَگرَپہ -->

<!-- وپ:پَرَگرَپہ -->
“تَو مات دێم نَدات نہ؟”
<!-- /وپ:پَرَگرَپہ -->

<!-- وپ:پَرَگرَپہ -->
“اِنّاااں۔ مات تَئی کِتاب ءَ بِگِندیت مَنی جِند ءَ کُشیت۔ تَئی سَر ءَ گُنج ءَ زَہر اِنت۔”
<!-- /وپ:پَرَگرَپہ -->

<!-- وپ:پَرَگرَپہ -->
“چی ءَ ؟”
<!-- /وپ:پَرَگرَپہ -->

<!-- وپ:پَرَگرَپہ -->
“گُشیت جِنِکّ ءِ دِشتار ئِے بَراێنتَگ۔”
<!-- /وپ:پَرَگرَپہ -->

<!-- وپ:پَرَگرَپہ -->
“ھاااں؟ دِشتار وَ تَو وَت یَلَہ دات۔”
<!-- /وپ:پَرَگرَپہ -->

<!-- وپ:پَرَگرَپہ -->
“ھَو بلے مَن مات ءِ کِرّا تَئی نام ءَ کُتَگ۔”
<!-- /وپ:پَرَگرَپہ -->

<!-- وپ:پَرَگرَپہ -->
“تَو زَبر ئے۔ کار ءَ وَت کن ئے، نام ءَ مَنی کن ئے؟”
<!-- /وپ:پَرَگرَپہ -->

<!-- وپ:پَرَگرَپہ -->
“چۆن کَناں۔ مات ٹَہێنَگی اِنت۔”
<!-- /وپ:پَرَگرَپہ -->

<!-- وپ:پَرَگرَپہ -->
“تَو چُشێں ٹَہێنۆکے ئے گُڈا مارا ھَم ٹَہێں گۆں۔”
<!-- /وپ:پَرَگرَپہ -->

<!-- وپ:پَرَگرَپہ -->
“مات ءِ دَست ءَ دَیاں، تَرا وَت ٹَہێنیت۔”
<!-- /وپ:پَرَگرَپہ -->

<!-- وپ:پَرَگرَپہ -->
“مَن ءَ ھَیر اِنت۔ بِچار کاسِد ءَ مات ءِ دَست ءَ نَرَو ئے ئے کہ دُمی پادا ئِے مَپرۆشیت۔”
<!-- /وپ:پَرَگرَپہ -->

<!-- وپ:پَرَگرَپہ -->
“لَنگے زاناں؟”
<!-- /وپ:پَرَگرَپہ -->

<!-- وپ:پَرَگرَپہ -->
“ھَو۔”
<!-- /وپ:پَرَگرَپہ -->

<!-- وپ:پَرَگرَپہ -->
“اَلّ ئے۔ مَن نَزانتَگ۔ مَن بَزَّگ ءَ را داں نێم کَلاک ءَ ھَمۆدا اوشتارێنتَگ۔”
<!-- /وپ:پَرَگرَپہ -->

<!-- وپ:پَرَگرَپہ -->
“پَرواہ نێست، وَتیگے۔ اگں زَہم جَنت شَیرے بَندیت۔”
<!-- /وپ:پَرَگرَپہ -->

<!-- وپ:پَرَگرَپہ -->
“اُو بابی۔ شاِرے زاناں؟”
<!-- /وپ:پَرَگرَپہ -->

<!-- وپ:پَرَگرَپہ -->
“ھَو۔ بَلاہێں۔ تَو کَریم کاسِد ءِ نام نَِشکُتَگ؟”
<!-- /وپ:پَرَگرَپہ -->

<!-- وپ:پَرَگرَپہ -->
“اِشکُتَگ۔ اِے ھَمے کَریم کاسِد اِنت؟ مَن گُشتَگ زاناں اَنچُنائیں کاسِدے۔”
<!-- /وپ:پَرَگرَپہ -->

<!-- وپ:پَرَگرَپہ -->
“نہ بابا۔ اِے اَسلی کاسِدے۔”
<!-- /وپ:پَرَگرَپہ -->

<!-- وپ:پَرَگرَپہ -->
“کَریم کاسِد تُمپ ءَ نَنِشتَگ؟”
<!-- /وپ:پَرَگرَپہ -->

<!-- وپ:پَرَگرَپہ -->
“نِشتَگ تُمپ ءَ بلے مَرچاں تَئی شَہر ءَ اِنت۔ سَبز بات ٹیوی ءَ کار ءَ اِنت۔”
<!-- /وپ:پَرَگرَپہ -->

<!-- وپ:پَرَگرَپہ -->
“گُڈا گِندَگ نَبیت؟”
<!-- /وپ:پَرَگرَپہ -->

<!-- وپ:پَرَگرَپہ -->
“کاسِدے نہ۔ چێرُکائی کار کَنت… ھاہاہا۔ پُشت ءَ نِشتَگ، رَجانک کَنت۔”
<!-- /وپ:پَرَگرَپہ -->

<!-- وپ:پَرَگرَپہ -->
“چے کَنت؟”
<!-- /وپ:پَرَگرَپہ -->

<!-- وپ:پَرَگرَپہ -->
“رَجانک۔ تْرَنسلَتیُن۔ تَو بَلۆچی نَزان ئے؟”
<!-- /وپ:پَرَگرَپہ -->

<!-- وپ:پَرَگرَپہ -->
“زاناں وَتی کَچّ ءَ ۔ تَو گْرانێں بَلۆچی کن ئے، مَن سَرپَد نَباں۔ بلے شَرّ اِنت۔ بِکَن۔ مَن سِکّاں۔ تَو مَن ءَ رۆچے لَبزے بُگُش گۆں۔”
<!-- /وپ:پَرَگرَپہ -->

<!-- وپ:پَرَگرَپہ -->
“مَن ءَ اِینچُک سَردَردی تَہمبُل نَکَنت۔ وَت بِسِکّ۔ کاسِد ءَ زان ئے چۆن کُتَگ؟”
<!-- /وپ:پَرَگرَپہ -->

<!-- وپ:پَرَگرَپہ -->
“ھاں۔”
<!-- /وپ:پَرَگرَپہ -->

<!-- وپ:پَرَگرَپہ -->
“ٹیوی ءِ جِنِکّے ءَ مَنی کِتابے داتَگ ئِے۔ گُشتَگ ئِے اِشیا بواں تَئی بَلۆچی شَرّ بیت۔ مَن کاسِد ءَ را گُشت۔ دَُوت! تَو مَنی کِتابانی سَر ءَ آشِکی کَنَگ ءَ ئے؟ چِست ءَ دَرّاێنت ئِے تَو بارێں مُنیر مُمِن ئے شَیرانی سَر ءَ آشِکی کن ئے۔”
<!-- /وپ:پَرَگرَپہ -->

<!-- وپ:پَرَگرَپہ -->
“ھاہاہا۔ راست گُشیت۔”
<!-- /وپ:پَرَگرَپہ -->

<!-- وپ:پَرَگرَپہ -->
“راست گُشیت؟”
<!-- /وپ:پَرَگرَپہ -->

<!-- وپ:پَرَگرَپہ -->
“ھَو، تَو گۆں مَن اَنچۆ کَنَگ ءَ ئے۔”
<!-- /وپ:پَرَگرَپہ -->

<!-- وپ:پَرَگرَپہ -->
“مَن بَرے بَرے جۆش ءَ باں مُنیر ئے شَیرے دَپگال کَناں بلے گۆں تَو آشِکی کَنَگ ءَ نَہ آں۔”
<!-- /وپ:پَرَگرَپہ -->

<!-- وپ:پَرَگرَپہ -->
“ھاااں۔ گُڈا چے کَنَگ ءَ اِنت، واجَہ؟”
<!-- /وپ:پَرَگرَپہ -->

<!-- وپ:پَرَگرَپہ -->
“اِشک۔”
<!-- /وپ:پَرَگرَپہ -->

<!-- وپ:پَرَگرَپہ -->
“مانا یَکّ اِنت۔”
<!-- /وپ:پَرَگرَپہ -->

<!-- وپ:پَرَگرَپہ -->
“یَکّ نَہ اِنت۔ آشِکی سُبَکّێں چیزے، اِشک گْرانێں چیزے۔”
<!-- /وپ:پَرَگرَپہ -->

<!-- وپ:پَرَگرَپہ -->
“ھاہاہا۔ باز زان ئے تَو۔ تَئی اِشک اَنت ءُ دِگِرانی آشِکی، ھَو؟”
<!-- /وپ:پَرَگرَپہ -->

<!-- وپ:پَرَگرَپہ -->
“ھَو۔ آشِکی گۆں ھَرکَس ءَ بیت، اِشک گۆں یَکّے ءَ بیت۔”
<!-- /وپ:پَرَگرَپہ -->

<!-- وپ:پَرَگرَپہ -->
“شَرّ اِنت۔ شَرّ اِنت۔ گُڈا ھما جِنِکّ ءِ بَلۆچی شَرتِر بیتَگ؟”
<!-- /وپ:پَرَگرَپہ -->

<!-- وپ:پَرَگرَپہ -->
“اِنّاں۔ اِشی ئے بَلۆچی بِہ شَرّ نَبیت۔”
<!-- /وپ:پَرَگرَپہ -->

<!-- وپ:پَرَگرَپہ -->
“تَو چۆن زان ئے؟ بَلکێں تَو ھَم وَتی جُہداں کَنَگ ءَ ئے؟”
<!-- /وپ:پَرَگرَپہ -->

<!-- وپ:پَرَگرَپہ -->
“ھاہاہا۔ اِنّاں۔ کاسِد مَن ءَ کُج ءَ وار دَنت۔”
<!-- /وپ:پَرَگرَپہ -->

<!-- وپ:پَرَگرَپہ -->
“پَو! اِے لَنگ ھَم دارَگ نَبیت۔ چِتَو لَنگ بیتَگ؟ بَلکێں ھَمے آشِکیانی سَر ءَ ؟”
<!-- /وپ:پَرَگرَپہ -->

<!-- وپ:پَرَگرَپہ -->
“ھاہاہا۔ اِنّاں۔ کَسانی ءَ تَپے ءَ گِپتَگ پَدا لَنگ بیتَگ۔”
<!-- /وپ:پَرَگرَپہ -->

<!-- وپ:پَرَگرَپہ -->
“اِلاج نَبیت؟”
<!-- /وپ:پَرَگرَپہ -->

<!-- وپ:پَرَگرَپہ -->
“اِنّاں۔ پَکّائیں اِلاج نێست۔”
<!-- /وپ:پَرَگرَپہ -->

<!-- وپ:پَرَگرَپہ -->
“مَنی بَلُّک ھَم لَنگ اِنت۔ داکتَر گُش اَنت نَبیت۔”
<!-- /وپ:پَرَگرَپہ -->

<!-- وپ:پَرَگرَپہ -->
“دَرکَسانی لَنگ اِنت؟”
<!-- /وپ:پَرَگرَپہ -->

<!-- وپ:پَرَگرَپہ -->
“اِنّاں۔ اَنّی چیزے سال اِنت۔ کۆنڈ ئِے نَبَنت۔ داکتَر گُش اَنت پَہرێز لۆٹیت۔ کۆنڈاں دُتَل مَکَن۔ سَرسُلۆنٹُکی مَنِند۔ بُن ءِ بَدَل ءَ تَہسَرا بِنِند۔”
<!-- /وپ:پَرَگرَپہ -->

<!-- وپ:پَرَگرَپہ -->
“شَست ءُ شِکَست۔”
<!-- /وپ:پَرَگرَپہ -->

<!-- وپ:پَرَگرَپہ -->
“چے؟”
<!-- /وپ:پَرَگرَپہ -->

<!-- وپ:پَرَگرَپہ -->
“شَست ءُ شِکَست۔ بَلۆچی بَتَلے۔ بِزاں مَردُم شَست سال ءِ اُمبر ءَ رَسیت پَدا شِکَست ءُ آجِز بیت۔”
<!-- /وپ:پَرَگرَپہ -->

<!-- وپ:پَرَگرَپہ -->
“اِنّاں۔ اَنچێں پیرێں ھَست سَد ءَ سَر اَنت، اَنگَت تْرَدَّگ ءَ اَنت۔”
<!-- /وپ:پَرَگرَپہ -->

<!-- وپ:پَرَگرَپہ -->
“کَمُّکے کَمتِر ئِے نَوَر ئے؟”
<!-- /وپ:پَرَگرَپہ -->

<!-- وپ:پَرَگرَپہ -->
“راستی۔ گِنِزبُکّا مان اِنت سَد سالی بَلُّکے ءَ اُلِمپِک گْوازیاں پیرێنانی تاچ کَٹِّتَگ۔”
<!-- /وپ:پَرَگرَپہ -->

<!-- وپ:پَرَگرَپہ -->
“اِشیا شَرّ نَکُتَگ۔”
<!-- /وپ:پَرَگرَپہ -->

<!-- وپ:پَرَگرَپہ -->
“چۆن؟”
<!-- /وپ:پَرَگرَپہ -->

<!-- وپ:پَرَگرَپہ -->
“بایَد اِنت بَلُّک ءَ شَست ءُ شِکَست ئے ھَیال بِداشتێں۔”
<!-- /وپ:پَرَگرَپہ -->

<!-- وپ:پَرَگرَپہ -->
“ھاہاہا۔ تَو کہ شَست ءَ رَس ئے شَست ءُ شِکَست ئے ھَیال ءَ بِدار۔ بَلُّک ءَ بِلّ کہ تَچیت۔”
<!-- /وپ:پَرَگرَپہ -->

<!-- وپ:پَرَگرَپہ -->
“تَچَگ پیرێنی لَیبے نَہ اِنت۔”
<!-- /وپ:پَرَگرَپہ -->

<!-- وپ:پَرَگرَپہ -->
“کَسے تَتک کَنت، بِلّ ئِے تَچیت۔”
<!-- /وپ:پَرَگرَپہ -->

<!-- وپ:پَرَگرَپہ -->
“مُپتا چی ءَ کَماشاں پْرۆشائین ئے؟ پیرانَسریا دِگِہ لَیب ھَم بیت کَنت۔”
<!-- /وپ:پَرَگرَپہ -->

<!-- وپ:پَرَگرَپہ -->
“چے؟ پَتّائی؟”
<!-- /وپ:پَرَگرَپہ -->

<!-- وپ:پَرَگرَپہ -->
“اِنّاں۔ دِگِہ۔”
<!-- /وپ:پَرَگرَپہ -->

<!-- وپ:پَرَگرَپہ -->
“دِگِہ کُجام؟”
<!-- /وپ:پَرَگرَپہ -->

<!-- وپ:پَرَگرَپہ -->
“وَڈ وَڈێں۔”
<!-- /وپ:پَرَگرَپہ -->

<!-- وپ:پَرَگرَپہ -->
“کُجام وَڈێں؟”
<!-- /وپ:پَرَگرَپہ -->

<!-- وپ:پَرَگرَپہ -->
“ھما وَڈێں۔ ھاہاہا۔”
<!-- /وپ:پَرَگرَپہ -->

<!-- وپ:پَرَگرَپہ -->
“سْتُوپید!”
<!-- /وپ:پَرَگرَپہ -->

<!-- وپ:پَرَگرَپہ -->
“راست گُشاں۔ لَہتے لَیب پیرانسَری ءَ شَرّتِر بَنت۔ کَسانی ءِ گَپّے۔ مارا ھَمساہِگے ھَست اَت۔”
<!-- /وپ:پَرَگرَپہ -->

<!-- وپ:پَرَگرَپہ -->
“شُت کِسَّہ!”
<!-- /وپ:پَرَگرَپہ -->

<!-- وپ:پَرَگرَپہ -->
“ھاہاہا۔ ھَو۔ بے کِسَّہ ءَ تَو سَرپَد نَبَئے۔ اِے مَرد ءِ جِند پیر اَت بلے جَن ئِے کَسان اَت۔ دُمی جَن اَت ئِے۔ اَنچۆ کہ سَرشَپ بُوت زال ءِ کِٹی کِٹیانی تَوار اَتک۔ مێتَگ ءِ لۆگ کَرگین ءُ کُڈُّو اَت اَنت۔ دیوال ءُ کَمپاں نێست اَت۔ پَمِشکا ھَر یَکّے ءَ وَتی ھَمساہِگانی بْرَمش ءُ چِڈِکّا اِشکُت اَنت۔ مَن مُدام ھَیراں بیتَگاں اَنچۆ کہ سَرشَپ بیت اِے زال چی ءَ کَندیت؟ رۆچ ءَ گِندان ئِے، بِہ نَکَندیت۔”
<!-- /وپ:پَرَگرَپہ -->

<!-- وپ:پَرَگرَپہ -->
“آ وَتی کَندَگاں شَپ ءَ کُٹّێنیت نہ!”
<!-- /وپ:پَرَگرَپہ -->

<!-- وپ:پَرَگرَپہ -->
“ھاہاہا۔ ھَو۔ مَزَن بیتاں گُڈا سَہیگ بیتاں کہ پیرمَرد ءَ کِلی کُتَگ ءُ آئی ءَ کَندِتَگ”
<!-- /وپ:پَرَگرَپہ -->

<!-- وپ:پَرَگرَپہ -->
“یااا! کِلی کُتَگ ئِے؟ چی ءَ ؟”
<!-- /وپ:پَرَگرَپہ -->

<!-- وپ:پَرَگرَپہ -->
“اَنچۆ۔ لَیب لَبائی۔ پیری ءِ لَیب ھَمِش اَنت۔ مَردُم دِگِہ ھِچّ کُت نَکَنت، نِندیت، ڈێک ءَ کِلی کَنت۔”
<!-- /وپ:پَرَگرَپہ -->

<!-- وپ:پَرَگرَپہ -->
“یااا!”
<!-- /وپ:پَرَگرَپہ -->

<!-- وپ:پَرَگرَپہ -->
“مَن پیر باں اَنچۆ کَناں۔”
<!-- /وپ:پَرَگرَپہ -->

<!-- وپ:پَرَگرَپہ -->
“سْتُوپید!”
<!-- /وپ:پَرَگرَپہ -->

<!-- وپ:پَرَگرَپہ -->
“دِگِہ چے۔ پیرانسَری ءَ مَردُم چونایا دِگِہ کار کُت نَکَنت۔”
<!-- /وپ:پَرَگرَپہ -->

<!-- وپ:پَرَگرَپہ -->
“کُت کَنت۔”
<!-- /وپ:پَرَگرَپہ -->

<!-- وپ:پَرَگرَپہ -->
“چے کُت کَنت؟”
<!-- /وپ:پَرَگرَپہ -->

<!-- وپ:پَرَگرَپہ -->
“تَو نَزان ئے؟”
<!-- /وپ:پَرَگرَپہ -->

<!-- وپ:پَرَگرَپہ -->
“اِنّاں۔”
<!-- /وپ:پَرَگرَپہ -->

<!-- وپ:پَرَگرَپہ -->
“نۆرۆز ءُ اَکبَرا چے کُت؟ ھَیر بَکش ءُ ماما کَدیر چے کَنَگ ءَ اَنت؟”
<!-- /وپ:پَرَگرَپہ -->

<!-- وپ:پَرَگرَپہ -->
دْراجکَشّێں بے وانکی…
<!-- /وپ:پَرَگرَپہ -->

<!-- وپ:پَرَگرَپہ -->
<!-- /وپ:پَرَگرَپہ -->