<!-- وپ:پَرَگرَپہ -->
<!-- /وپ:پَرَگرَپہ -->
<!-- وپ:پَرَگرَپہ -->
وَہدے کہ سَمبَہیت تَئی بالاد دِلبَرێں
مئے گَمجَتێں دِل ءَ چۆ گُش ئے آس ءُ اَنگَرێں
<!-- /وپ:پَرَگرَپہ -->
<!-- وپ:پَرَگرَپہ -->
کَد بارێں چۆن دَر چِتَگ رَنگ ءُ دانَگ ءِ
مَن چے کَناں سَتا ھما دَستانی مِہتِرێں
<!-- /وپ:پَرَگرَپہ -->
<!-- وپ:پَرَگرَپہ -->
ھاکے، بُتے یا نُورے سازۆک کئے بِزانت
بَرگَشتَگ چَہ ھُدا اوں وَتی دین ءَ کاپِرێں
<!-- /وپ:پَرَگرَپہ -->
<!-- وپ:پَرَگرَپہ -->
سَمُّل گۆں جۆڈێں دْرۆشُم ءَ کَنت مَست ءَ بے سَما
مئے بے وَتی تَئی دُتُّکێں بالاد ءِ آسَرێں
<!-- /وپ:پَرَگرَپہ -->
<!-- وپ:پَرَگرَپہ -->
بۆے رِچیت پہ مَن کہ گُل سیری مَنَّہے
دْرَنزیت دَرامَدے مئے سَر ءَ بۆ ءُ اَمبَرێں
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
Golám Mahmad Gol