<!-- وپ:پَرَگرَپہ -->
<!-- /وپ:پَرَگرَپہ -->
<!-- وپ:پَرَگرَپہ -->
داں دْوازدَہ پاس کُت، مَن نَزانت کہ چے بْوانان ءُ اِپ اِس سی (پ۔سک) کَنَگ ءَ پَد چے چے وانَگ بیت! پہ نَکل اِپ اِس سی (پ۔سک) پاس بُوت بلے بے زَرّیا مَن دێم ءَ وَنت نَکُت گُڈا مێتَگ ءَ اَتک ءُ پْراِوِٹ اِسکۆلے ءَ گْوَنڈُو وانێنت۔ اِنگرێزی کَمّ جۆڈ اَت پَمِشکا سَنگَتاں وَتی اِسکۆل ءَ جاگَہ دات۔
<!-- /وپ:پَرَگرَپہ -->
<!-- وپ:پَرَگرَپہ -->
وانَگجاہ ءِ مۆکَل اَت اَنت۔ اُتَّل ءَ شُتاں تَرَّگ ءَ، ھَمۆدا کہ مَن اِپ اِس سی (پ۔سک) کُتَگَت۔ یَکّ شَپے داکتَر شَُیبا نام گِپت کہ اُتَّل ءِ دانِشگاہ ءَ اِسکالَرشِپ ھَست، اگں تَو وان ئے۔ اَوَلسَرا مَن ءَ تُشے ھَم وانَگ ءِ ھَیال نَیَتک۔ داکتَر ءَ مَن ءَ زۆر دات کہ بواں بَلکێں اِسکالَرشِپ رَسیت۔ مَن داں دێراں جێڈِت ءُ پَیسَلَہ کُت کہ وانان ءُ جُہد کَناں کہ اِسکالَرشِپ بِرَسیت۔
<!-- /وپ:پَرَگرَپہ -->
<!-- وپ:پَرَگرَپہ -->
سُہب بُوت مَن گُشت واناں۔ بے گاہ ءَ مَن داکتَر شَُیب ءُ داکتَر مَجید دیست اَنت۔ واجَہ کَییُوم ھَم گۆن اَت۔ واجَہ داکتَر گُل ھَسَن ءِ لۆگ ءَ شُتێں۔ واجَہ گُل ھَسَن ءَ گُشت اَنّی مارا 5 اِسکالَرشِپ دَیَگ ءَ اَنت، اگں تَو 5ایں لَمبَرانی تَہا گۆں کَپت ءِ گُڈا اِسکالَرشِپ رَسیت، دِگِہ وَڈ ئِے نێست۔
<!-- /وپ:پَرَگرَپہ -->
<!-- وپ:پَرَگرَپہ -->
داکتَر شَُیبا مَشوَرَہ دات کہ کَمّ رۆچ ءَ بُرَو بواں گۆں، پَدا بِچار۔
<!-- /وپ:پَرَگرَپہ -->
<!-- وپ:پَرَگرَپہ -->
مَن ھَم تَوکَل کُت، سُہبا شُتاں وانَگ ءَ۔ سَکّ گَل اَتاں کہ یُونی ءَ کِلاس گِرَگ ءَ آں بلے نێمگادَگێں گَلیے اَت، پَرچاکہ اَنگَت اِسکالَرشِپ پَکّ ءَ نَہ اَت۔
<!-- /وپ:پَرَگرَپہ -->
<!-- وپ:پَرَگرَپہ -->
چیز ءِ رۆچ ءِ وانَگ ءُ وَتی ھَمجُماِتانی آپ ءِ گْواز کَنگ ءَ پَد مَن پَیسَلَہ کُت کہ وانان ءُ اِسکالَرشِپ ھَم گِراں۔
<!-- /وپ:پَرَگرَپہ -->
<!-- وپ:پَرَگرَپہ -->
گُڈا مَن یُونی ءَ یَلَو اَتاں، گَل ءَ بال اَتاں۔ گێشتِر وَہد یُونی ءَ گْوازێنت۔ وانَگ ءَ دَزمۆہ بیتاں گُڈا گۆں داکتَر شَُیب، داکتَر مَجید ءُ واجَہ کَییُوما وَہد گْوَست۔ سَنگَت ءُ ھَمراہ گێشتِر بیت اَنت۔ ھَمے سَنگَتانی تَہا رَپیک جَبۆل ھَوار کَپت ءُ ما سَکّ نَزّیک بیتێں۔ رَپیک مَنی ھَمجُماِت اَت ءُ مَن وَتی کُوٹیا آُرت، بارێں پَرچا مَن ءَ دۆست بُوت ءُ مَن آئی ءَ ۔
<!-- /وپ:پَرَگرَپہ -->
<!-- وپ:پَرَگرَپہ -->
یُونی ءِ وانَگ ءَ مَن ءَ باز سَنگَت ءَ کُمَکّ کُتَگ۔ داں زِندَگ آں آیانی کُتگێناں دَر نَیایاں۔
<!-- /وپ:پَرَگرَپہ -->
<!-- وپ:پَرَگرَپہ -->
یُونی ءِ وانَگ سَرجَم نَبُوت، بے زَرّی اَت، بلے واجَہ نُور مَہمَد اَنگاریَہ ئے جُہداں یُونی ءَ مَن ءَ اَدِ ڈِگریے دات۔ ھَمے ڈِگری ئے بَرکَت ءَ ماشٹَرے لَگِّتاں۔
<!-- /وپ:پَرَگرَپہ -->
<!-- وپ:پَرَگرَپہ -->
سئے سال ءَ بُرز اِنت کہ ماشٹَریا لَگِّتَگاں۔ وانَگجاہ ءَ پابَندی ءَ رَواں، سَکّ کَمّ رۆچ کَزا کَناں۔ بلے وانَگجاہ ءِ رَوَگ ءُ پابَند بَیَگ ءِ سَوَب تَہنا مَنی اِیمانداری یا چُکّانی وانێنَگ ءِ ھُبّ ءُ واہَگ نَہ اِنت! مَستِرێں سَوَب اِش اَنت:
<!-- /وپ:پَرَگرَپہ -->
<!-- وپ:لیست }"اُردِرِد":تْرُوِ{ -->
<اُل کْلَسّ="وپ-بْلُکک-لیست"><!-- وپ:لیست-اِیتِم -->
<لی>وانێنَگ ءَ مَرَواں مَردُم چے گُش اَنت! مَردُم شِگان ءُ پُگاں کَن اَنت، پُشت ءَ وَڈ وَڈێں گَپّ بیت۔</لی>
<!-- /وپ:لیست-اِیتِم -->
<!-- وپ:لیست-اِیتِم -->
<لی>اِسکۆل ءَ ھَرّۆچ ساڈی مَباں، سَرکاری اَپَسرے دَورَہ جَنت، تَنک ءَ دارَگ بیت۔</لی>
<!-- /وپ:لیست-اِیتِم -->
<!-- وپ:لیست-اِیتِم -->
<لی>وانَگجاہ ءِ مێتَگ ءِ مَردُم دَپتَر ءَ زَنگ جَن اَنت پہ مَن مَزَنێں جێڈَہ ءُ جَنجالے بیت کَنت۔</لی>
<!-- /وپ:لیست-اِیتِم --></اُل>
<!-- /وپ:لیست -->
<!-- وپ:پَرَگرَپہ -->
وانَگجاہ ءَ مُدام ساڈی بَیَگ ءِ مَستِرێں سَوَب ھَمێش اَنت، چُکّ ءُ چاگِردی گِہبُود ءِ گَم رَندیگ اَنت! پَمِشکا مَن سَرپَد باں کہ مَن اُستادے نَہ آں۔ شُما چے گُشِت؟
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
Amán Habib