<!-- وپ:پَرَگرَپہ -->
مئے دِل ءَ ھُلّے سَمبَہێنتَگ تَرا
بارێں نَکّاش چۆن گْوَپیت سَر ءَ
<!-- /وپ:پَرَگرَپہ -->
<!-- وپ:پَرَگرَپہ -->
تَرا بانۆری ءَ بِگِنداں، تُری
مَن ءَ مارے بْوارت ماں جَگَر ءَ
<!-- /وپ:پَرَگرَپہ -->
<!-- وپ:پَرَگرَپہ -->
مَرا اود ءِ چَہ نیوَگاں پِرّێنت
تَئی لُنٹانی مِسریێں شَکَر ءَ
<!-- /وپ:پَرَگرَپہ -->
<!-- وپ:پَرَگرَپہ -->
مَن وَتی کَدّ ءَ چَہ نَہ آں بے ھال
کئێت دَپ ءَ نام ماناِ ھَبَر ءَ
<!-- /وپ:پَرَگرَپہ -->
<!-- وپ:پَرَگرَپہ -->
تَو وَ ھۆش ءَ ئے مَن گَنۆک آں اگں
مَن وَت ءَ کُشتَگ تَو چی ءَ پہ گْوَر ءَ
<!-- /وپ:پَرَگرَپہ -->
<!-- وپ:پَرَگرَپہ -->
بْیا بُچُکّاں سَمین ءِ دَستان ءَ
ھَر سَباہ رَندیت مَہپَری ءِ سَر ءَ
<!-- /وپ:پَرَگرَپہ -->
<!-- وپ:پَرَگرَپہ -->
5 اَکتۆبَر، 1983
دِہلی، ھِندُستاں
<!-- /وپ:پَرَگرَپہ -->
Karim Dashti