<!-- وپ:پَرَگرَپہ -->
مَنی بے لی مَمُونجا مۆلُمے ءَ
نَواں تَو گیر کا ئے مَردُمے ءَ
<!-- /وپ:پَرَگرَپہ -->
<!-- وپ:پَرَگرَپہ -->
گُلاب ءِ پُلّ سَرجاہے رَواں دَئے
زَہیر تَئی کُنٹَگے پہ دْرۆشُمے ءَ
<!-- /وپ:پَرَگرَپہ -->
<!-- وپ:پَرَگرَپہ -->
سِچێں شێنکاں چِتَگ اَمبازاں ماہے
پَکیرے گۆں کَپتَگ تۆرُمے ءَ
<!-- /وپ:پَرَگرَپہ -->
<!-- وپ:پَرَگرَپہ -->
مَن ھَست آں دْراہجاں شُگر اِنت ھُدا ءِ
کَلاتے چۆن رُجیت پہ مَردُمے ءَ
<!-- /وپ:پَرَگرَپہ -->
<!-- وپ:پَرَگرَپہ -->
اَجَب اِے نَوبَت ءِ زێبائیں آس اِنت
چۆ کُونشا سَنج ماہ ءُ مۆسُمے ءَ
<!-- /وپ:پَرَگرَپہ -->
<!-- وپ:پَرَگرَپہ -->
دو اَنگَر کَشِّت ءُ سُجدَہ بِنا کُت
اَگاں تَئی نام ءَ سَر کَپت کُورُمے ءَ
<!-- /وپ:پَرَگرَپہ -->
<!-- وپ:پَرَگرَپہ -->
بِلِپّیت پاتُو ءِ اَمبازَگ ءَ سرێں
آ پُلّ ءِ چُوڈ چۆ آبرێشُمے ءَ
<!-- /وپ:پَرَگرَپہ -->
<!-- وپ:پَرَگرَپہ -->
ھَمے گُلباگ پانێں دِل مَنی اِنت
بَدَل بیت رۆچے رَنگ ءُ دْرۆشُمے ءَ
<!-- /وپ:پَرَگرَپہ -->
<!-- وپ:پَرَگرَپہ -->
مَن ءُ تَو یَکّێں مار ءِ وارتَگێں ایں
مَن ءَ مَنزُور گُشتَگ مَردُمے ءَ
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
Manzur Besmel