<!-- وپ:پَرَگرَپہ -->
<!-- /وپ:پَرَگرَپہ -->
<!-- وپ:پَرَگرَپہ -->
وَژبۆے ءِ ھَمراز ئے، پُلّانی دِل ءِ تران ئے
بْیا کہ مَنی مارِشت ءِ آبادێں گْیابان ئے
<!-- /وپ:پَرَگرَپہ -->
<!-- وپ:پَرَگرَپہ -->
مُرگانی دِلاں بْرَمشیت پادینک تَئی اوستانی
تَو آگَہێں اِمرۆز ءِ پُرزێمِرێں وابان ئے
<!-- /وپ:پَرَگرَپہ -->
<!-- وپ:پَرَگرَپہ -->
اِے نَوبَت ءِ بے ھاجَت دِلگۆش تاکَد داریت
اُو پْرُشتَگێں کانچ ءِ گَم نازُرکی ءِ دَستان ئے
<!-- /وپ:پَرَگرَپہ -->
<!-- وپ:پَرَگرَپہ -->
چَہ نْیاد ءِ شَپ ءِ دَستاں چۆ مِہلَب ءَ رُکسَت بَئے
چۆ مۆسُم ءِ اَرواہ ءَ تاکانی شَم ءَ مان ءِ
<!-- /وپ:پَرَگرَپہ -->
<!-- وپ:پَرَگرَپہ -->
نوں واہَگ ءِ ھَرد چَمّ بے اوستی ئے کُٹّ ءَ اَنت
نہ رۆچ ءِ کَش ءَ گۆن ئے، نہ رۆکێں چِراگان ئے
<!-- /وپ:پَرَگرَپہ -->
<!-- وپ:پَرَگرَپہ -->
اِے بَکمَلێں چاراہا ھۆشام ءِ سَپَر چَرکے
چۆ ھاجَت ءَ لُنٹانی ماں تاسے ءِ چَنکان ئے
<!-- /وپ:پَرَگرَپہ -->
<!-- وپ:پَرَگرَپہ -->
اَرسیگێں شَپ ءِ نَمب ءِ پادبرَمشے ءَ بے وانک ئے
چۆ رُکسَتی بِچکَند ءِ، چَہ دیدَگاں دِلگران ئے
<!-- /وپ:پَرَگرَپہ -->
<!-- وپ:پَرَگرَپہ -->
ھِچّ گۆں تَو گِلَگ نێست اِنت، بَلکێں اِے زُبان ءَ بْیَیت
مَن اَچ وَت ءَ دِلتَنگ آں، بَلکێں تَو دِل ءَ زان ئے
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
Monir Mómen