زِندے مَبات بے زِندیا
آسے کَپات جَہنِندیا
آسے کَپات جَہنِندیا
ھَمبَل مَنی ھَمبَل یَلێں
بْیا کہ پَدا پێداک کَنێں
بْیا کہ پَدا پێداک کَنێں
میر کَمبَر ءُ میر چاکَرے
یا ھَمَّل ءُ میر اومَرے
یا ھَمَّل ءُ میر اومَرے
کارُن نَبَنت پیتاریا
پہ گُرَّگ ءُ بے کاریا
پہ گُرَّگ ءُ بے کاریا
لانکاں کہ بَندێں دِل دِل ءَ
جَزم آں رَسێں ما مِنزِل ءَ
جَزم آں رَسێں ما مِنزِل ءَ
تا کَد گَم ءِ اولاک بے ن
بے ھِمَّت ءُ بے واک بے ن
بے ھِمَّت ءُ بے واک بے ن
اوپار بلے کَچّ ءُ کِساس
پادانی مئے سِست اَنت سَواس
پادانی مئے سِست اَنت سَواس
چَمّاں اگں بَند کَنێں
(پہ) گَپّاں دَپ ءَ ژَند کَنێں
(پہ) گَپّاں دَپ ءَ ژَند کَنێں
پُلّێں وَتَن شات نَبیت
شاتکام گُلێں مات نَبیت
شاتکام گُلێں مات نَبیت
گُلامُسێں شۆہاز