Razá! Mardom Ham Namerit

<!-- وپ:پَرَگرَپہ -->

<!-- /وپ:پَرَگرَپہ -->

<!-- وپ:پَرَگرَپہ -->
مَنَ زَمانَگے ءَ رَزا جَہانگیر ءَ جُست کُت کہ راجی جُنز چۆن دێم ءَ شُت کَنت۔
<!-- /وپ:پَرَگرَپہ -->

<!-- وپ:پَرَگرَپہ -->
مَن پَسَّو دات: ھَرکَس جُنز ءَ وَتی بِکَنت، چۆکہ مَنی مات، مَنی پِت، مَنی بْرات، ھَمے رَنگ ءَ مَنی جُنز۔
<!-- /وپ:پَرَگرَپہ -->

<!-- وپ:پَرَگرَپہ -->
رَزا ءَ مَن ءَ جُست کُت کہ اِے رَنگ ءَ جُنز مَہدُود نَبیت؟
<!-- /وپ:پَرَگرَپہ -->

<!-- وپ:پَرَگرَپہ -->
مَن ءَ یاد اِنت مَن پَسَّو دات کہ اِنّاں۔ پَرسنَل (پِرسُنَل) بیت۔ مَردُمے ءِ مِرَگ ءَ آئی ءِ ھانداں ھَلاس نَبیت۔ آئی ءِ بْرات، گُہار، چُکّ، نُماسَگ، سْیاد، سانگبَند، سَنگَت، دْراہ دێم ءَ رَواں کَن اَنت۔ جُنز ھَمے رَنگ ءَ دێم ءَ رَواں کَنت
<!-- /وپ:پَرَگرَپہ -->

<!-- وپ:پَرَگرَپہ -->
رَزا ءَ مَن ءَ جُست کُتَگَت: پہ مَردُمے ءَ جُنز کَدی ھَلاس بیت؟
<!-- /وپ:پَرَگرَپہ -->

<!-- وپ:پَرَگرَپہ -->
مَن پَسَّو داتَگَت: ھما وَہد ءَ کہ آ مِریت۔
<!-- /وپ:پَرَگرَپہ -->

<!-- وپ:پَرَگرَپہ -->
تَو کہ مُرت ئے بِزاں پہ تَرا جُنز ھَلاس؟
<!-- /وپ:پَرَگرَپہ -->

<!-- وپ:پَرَگرَپہ -->
مَن گُشت ھَو۔
<!-- /وپ:پَرَگرَپہ -->

<!-- وپ:پَرَگرَپہ -->
بِزاں مَردُمے ءِ مِرَگ ءَ جُنز نَمِریت؟ رَزا ءَ بِچکَندِت ءُ جُست کُت۔
<!-- /وپ:پَرَگرَپہ -->

<!-- وپ:پَرَگرَپہ -->
مَن ھَم بِچکَندِت۔
<!-- /وپ:پَرَگرَپہ -->

<!-- وپ:پَرَگرَپہ -->
رَزا مَنی چارَگ ءَ بَلۆچِستاں اَکَیڈَمی تُربَت ءَ اَتکَگَت۔ ما دێراں نِشت، گَپّ جَت ءُ پَدا آئی ءَ گۆں مَن اَکسے کَشِّت ءُ شُت۔
<!-- /وپ:پَرَگرَپہ -->

<!-- وپ:پَرَگرَپہ -->
مَرچی کہ رَزا ءِ جِند شُتَگ ءُ وَتی جُنز ءِ بَہر ئِے پہ مَردُماں اێر کُتَگ ءُ دێم ءَ جُنزِتَگ، مَن رَزا ءَ گَپّ ھال دَیَگ لۆٹاں، مَن آئی ءَ گُشَگ لۆٹاں، رَزا! اِے راستے مَردُم ءِ مِرَگ ءَ رَند جُنز نَمِریت۔ ءُ بلے رَزا! مَردُم ھَم نَمِریت۔
<!-- /وپ:پَرَگرَپہ -->

<!-- وپ:پَرَگرَپہ -->
ھَمے دَمان ءَ یَکّے ءَ دَروازَگ ٹُکِّت ءُ مَن کَلَم اێر کُت۔
<!-- /وپ:پَرَگرَپہ -->

<!-- وپ:پَرَگرَپہ -->
دَروازَگ پَچ کُت۔ چارِت کَسّ نێست اَت۔
<!-- /وپ:پَرَگرَپہ -->

<!-- وپ:پَرَگرَپہ -->
<!-- /وپ:پَرَگرَپہ -->