<!-- وپ:پَرَگرَپہ -->
بِلّ یار جَنگَلانی تَہا گار بُوتَگ اَنت
بازار جَنگَلانی تَہا گار بُوتَگ اَنت
<!-- /وپ:پَرَگرَپہ -->
<!-- وپ:پَرَگرَپہ -->
سَہرا کہ وَہدے بُوتَگ مَنی گُلزِمین ءِ گَم
اِستار جَنگَلانی تَہا گار بُوتَگ اَنت
<!-- /وپ:پَرَگرَپہ -->
<!-- وپ:پَرَگرَپہ -->
چَمّانی شیشَگانی تَہا سَنج بُتکَگ اَنت
ءُ شار جَنگَلانی تَہا گار بُوتَگ اَنت
<!-- /وپ:پَرَگرَپہ -->
<!-- وپ:پَرَگرَپہ -->
تُرسے کہ ما کَبَسّ ءَ کُت ءُ دێما ئِے نِشتَگێں
پَجّار جَنگَلانی تَہا گار بُوتَگ اَنت
<!-- /وپ:پَرَگرَپہ -->
<!-- وپ:پَرَگرَپہ -->
دیدَگ تَئی زێبناکی ئے آواز ءَ دَر کَپ اَنت
رَہچار جَنگَلانی تَہا گار بُوتَگ اَنت
<!-- /وپ:پَرَگرَپہ -->
<!-- وپ:پَرَگرَپہ -->
اِے رَہسَرانی کَپتَگێں مُہرَگ چَگۆگ اَت اَنت
ءُ مار جَنگَلانی تَہا گار بُوتَگ اَنت
<!-- /وپ:پَرَگرَپہ -->
<!-- وپ:پَرَگرَپہ -->
چُنت وار چَمّ واہَگ ءِ پُلّاں شُہازِت اَنت
چُنت وار جَنگَلانی تَہا گار بُوتَگ اَنت
<!-- /وپ:پَرَگرَپہ -->
<!-- وپ:پَرَگرَپہ -->
شاہێں نَسیب دْرۆہِت اَنت رُژنائیں دامُناں
دَربار جَنگَلانی تَہا گار بُوتَگ اَنت
<!-- /وپ:پَرَگرَپہ -->
<!-- وپ:پَرَگرَپہ -->
تالان اِنت بے تَواریے دَمک ءُ دَراں دِل ءِ
کُوکار جَنگَلانی تَہا گار بُوتَگ اَنت
<!-- /وپ:پَرَگرَپہ -->
<!-- وپ:پَرَگرَپہ -->
کۆہانی دَرد جُنزِت اَنت دَریا ءِ نێمَگ ءَ
آچار جَنگَلانی تَہا گار بُوتَگ اَنت
<!-- /وپ:پَرَگرَپہ -->
<!-- وپ:پَرَگرَپہ -->
اوستانی دُشتَگێں اِے نِگاہاں نوں ماں چے
دیدار جَنگَلانی تَہا گار بُوتَگ اَنت
<!-- /وپ:پَرَگرَپہ -->
<!-- وپ:پَرَگرَپہ -->
ما کْوَہن ءُ نۆکێں زَیم وَتی زُرت ءُ اَتکَگێں
کاٹار جَنگَلانی تَہا گار بُوتَگ اَنت
<!-- /وپ:پَرَگرَپہ -->
<!-- وپ:پَرَگرَپہ -->
آ رۆشنائیں شَہر ءِ تَبیباں بُرَو بُگُش
بیمَر جَنگَلانی تَہا گار بُوتَگ اَنت
<!-- /وپ:پَرَگرَپہ -->
<!-- وپ:پَرَگرَپہ -->
بَسّ یار گۆں نَبُوتَگ اَنت ما شَہر یَل کُتَگ
بَسّ یار جَنگَلانی تَہا گار بُوتَگ اَنت
<!-- /وپ:پَرَگرَپہ -->
<!-- وپ:پَرَگرَپہ -->
سَکرات وَہد ءِ چَول جَنان اِنت ماں کَدَّہ ءَ
ھینار جَنگَلانی تَہا گار بُوتَگ اَنت
<!-- /وپ:پَرَگرَپہ -->
<!-- وپ:پَرَگرَپہ -->
ھَرچی گِسَر کَپان اِنت چِراگانی ساہِگ ءَ
شَپدار جَنگَلانی تَہا گار بُوتَگ اَنت
<!-- /وپ:پَرَگرَپہ -->
<!-- وپ:پَرَگرَپہ -->
چے گۆں تَرا مُنیر کہ واتَرِّت ئے پَدا
آزار جَنگَلانی تَہا گار بُوتَگ اَنت
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
Monir Mómen