<!-- وپ:پَرَگرَپہ -->
رَکّاں مَلارێں بِبیت بِچکَند
بِچکَند، بِچکَند سال بِبیت
<!-- /وپ:پَرَگرَپہ -->
<!-- وپ:پَرَگرَپہ -->
دیر چَہ کَست ءِ مانگیشاں
دۆستی ءُ مِہر ءِ شال بِبیت
<!-- /وپ:پَرَگرَپہ -->
<!-- وپ:پَرَگرَپہ -->
رۆک تَئی چۆ دِلبَند ءَ
بَہت ءِ مَنی اِستال بِبیت
<!-- /وپ:پَرَگرَپہ -->
<!-- وپ:پَرَگرَپہ -->
بِلّ ئِے شَہدێں لُنٹ رِچ اَنت
بے نَگ، بے نَگ گال بِبیت
<!-- /وپ:پَرَگرَپہ -->
<!-- وپ:پَرَگرَپہ -->
مِہر ءِ نَمیرێں تاچ ءُ تَگ ءَ
جیگ ءِ مِنزِل ھال بِبیت
<!-- /وپ:پَرَگرَپہ -->
<!-- وپ:پَرَگرَپہ -->
مِکّ زَہیر ءِ اێرێچا
نْیاد ءِ ھَر دیوال بِبیت
<!-- /وپ:پَرَگرَپہ -->
<!-- وپ:پَرَگرَپہ -->
چۆ وَس ءِ نَنگ ءَ لَیب مَکَن
باندات بیت تَئی زال بِبیت
<!-- /وپ:پَرَگرَپہ -->
<!-- وپ:پَرَگرَپہ -->
اِشک ءِ دَئے ءُ زیر شَرّ بلے
کَسے ءَ کہ بُنمال بِبیت
<!-- /وپ:پَرَگرَپہ -->
<!-- وپ:پَرَگرَپہ -->
مۆلُم ءِ کَوش ءَ مَست ءُ مَلار
چێتک ءُ ھَر چیہال بِبیت
<!-- /وپ:پَرَگرَپہ -->
<!-- وپ:پَرَگرَپہ -->
مَہشَر ءِ واہَگ پُہلِ سِرات
مید ءِ مِسکێں ٹال بِبیت
<!-- /وپ:پَرَگرَپہ -->
<!-- وپ:پَرَگرَپہ -->
وَہاگ ئے گَنجێں دَشت ءَ نِسار
دِل چۆ کَپۆت ءَ بال بِبیت
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
Nesár Isop