<!-- وپ:پَرَگرَپہ -->
<!-- /وپ:پَرَگرَپہ -->
<!-- وپ:پَرَگرَپہ -->
کَسّ پَہر مَبَندیت پہ دابانی گُلێں لالاں
مَن زَنڈێں رَدے وارتَگ بْیا چَہ مَن بِگِر ھالاں
<!-- /وپ:پَرَگرَپہ -->
<!-- وپ:پَرَگرَپہ -->
اَنگَت ھَم دِل ءَ کَہر اِنت کہ ھِچّ نَسَگّاں مَن
سۆچۆکێں شِگانانی دْرُشتَگ مَن ءَ دُمبالاں
<!-- /وپ:پَرَگرَپہ -->
<!-- وپ:پَرَگرَپہ -->
تَو ھَرچی گُش ئے کَرز ءِ مَہرَنگ اِے مَنی ھال اِنت
دَزبَندی ءُ اَرز ءَ آں گۆں کاسِد ءُ رَبّالاں
<!-- /وپ:پَرَگرَپہ -->
<!-- وپ:پَرَگرَپہ -->
دێر اِنت کہ یَکیم آں مَن دِل اَنگَت اومێتوار اِنت
بَتِّر مَن ءَ وَیراں کُت اِے نێک ءُ بَدێں پالاں
<!-- /وپ:پَرَگرَپہ -->
<!-- وپ:پَرَگرَپہ -->
دِل اَنگَرے سۆچۆکێں گُپتار چۆ آس ءَ اَنت
مَن آزَگێں ٹَپّانا پِر داراں وَتی گالاں
<!-- /وپ:پَرَگرَپہ -->
<!-- وپ:پَرَگرَپہ -->
بِہ مۆم نَبیت زاناں پہ مَن تَئی سِنگێں دِل
شَرّ زان ئے کہ سئے سال اِنت ھانُل پہ تَرا نالاں
<!-- /وپ:پَرَگرَپہ -->
<!-- وپ:پَرَگرَپہ -->
مَن جَزم آں پَدا کئێت اِنت یَکّ وَژدِلێں باریگے
ھَر رَنگ ءَ سَیَد گْوازێں اِے رَنج ءُ گَم ءِ سالاں
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
<!-- وپ:پَرَگرَپہ -->
کَلاکۆٹ، کَراچی
یَکشَمبِہ- 28- جُون- 1953
<!-- /وپ:پَرَگرَپہ -->
Sayad Háshomi