<!-- وپ:پَرَگرَپہ -->
<!-- /وپ:پَرَگرَپہ -->
<!-- وپ:پَرَگرَپہ -->
اُو ٹَلُو ٹالُو شَرسَر ءُ زَمزیلمَہپَرێں
تَو چِدان اَتک ئے، تَو گُلێں مِہرجان ءَ نَدیست
مَن گُلێں مِہرجاں دیستَگَت شَہجُوی سَرے
چَمّ شۆدیت ءُ دَست ءَ ماں گیوار ءَ مُشیت
پاد شۆدیت ءُ مَلمَلێں کْوَشاں کَیل کَنت
اُو بَچَکّ اِسپێچادَرێں، مَن ءَ دْرَنگ ءَ اێر بِکَن
مَن تَرا دْرَنگ ءَ اێر کَناں سُہرپَشکێں جِنِکّ
مَن تَرا دْرَنگ ءَ اێر کَناں، مَن ءَ مُزّ ءَ چے دَئے ئے
یا گْوَر ءِ ھار ءَ یا وَتی دَست ءِ سَنگَہاں
مَن چۆن کَناں ھار ءَ گۆں تَئی دَست ءِ سَنگَہاں
مَن لۆٹاں تَئی کُوشێں زانسَر ءُ دُکّانێں گْواراں
گُہ مَوَر گُہوارێں مَنی بابۆ ئے شِپانک
سالے گۆں مێشاں، شَش ماہ گۆں ھینارێں بۆزاں
مَن اَرزُنی دانے باں ھما پُلکاں رِچاں
مَن سَبزکَپُتے باں تَرا چُمباں چِناں
مَن تَلّی کَرگُشکے باں ھما سَرتَلّاں چَراں
مَن شِپانکے باں تَرا دَزلَٹّے جَناں
مَن زامُری ٹالے باں تَلاری لَمبے رُداں
مَن کُہگُرانڈے بان ءُ سَرہَجگاں چَراں
مَن ٹیٹلێں آسکے باں ھما گْیابان ءُ لَداں
مَن سَییادے باں کایاں تَئی گْوات ءَ رَد دَیاں
مَن تِہێپے بان ءُ ھما لُرداں لێٹ وَراں
مَن نئیگے بان ءُ تَرا لُرداں دَر کَناں
لَسَّہێں مارے باں ھما گْیابان ءُ لَداں
جۆگیے بان ءُ تَرا کاراں پہ دَمال
مَن بَیرَمێں پاگے باں ھما سالۆنک ءِ سَر ءَ
چَنگجَنێں ڈۆمبے باں تَرا داداں گِراں
مَن گْوانزَگی تِبلے بان ءُ شاگ ءَ لَیب کَناں
مَلکَمُوت جَور بان ءُ تَرا چُمباں چِناں
دِل مَنی کَشّیت دَئے وَتی شَہدێں لِزَّتاں
مَن تَئی بانۆر آں، بْیا مَنی سیری کِلَّہ ءَ
<!-- /وپ:پَرَگرَپہ -->
اُو ٹَلُو ٹالُو شَرسَر ءُ زَمزیلمَہپَرێں
تَو چِدان اَتک ئے، تَو گُلێں مِہرجان ءَ نَدیست
مَن گُلێں مِہرجاں دیستَگَت شَہجُوی سَرے
چَمّ شۆدیت ءُ دَست ءَ ماں گیوار ءَ مُشیت
پاد شۆدیت ءُ مَلمَلێں کْوَشاں کَیل کَنت
اُو بَچَکّ اِسپێچادَرێں، مَن ءَ دْرَنگ ءَ اێر بِکَن
مَن تَرا دْرَنگ ءَ اێر کَناں سُہرپَشکێں جِنِکّ
مَن تَرا دْرَنگ ءَ اێر کَناں، مَن ءَ مُزّ ءَ چے دَئے ئے
یا گْوَر ءِ ھار ءَ یا وَتی دَست ءِ سَنگَہاں
مَن چۆن کَناں ھار ءَ گۆں تَئی دَست ءِ سَنگَہاں
مَن لۆٹاں تَئی کُوشێں زانسَر ءُ دُکّانێں گْواراں
گُہ مَوَر گُہوارێں مَنی بابۆ ئے شِپانک
سالے گۆں مێشاں، شَش ماہ گۆں ھینارێں بۆزاں
مَن اَرزُنی دانے باں ھما پُلکاں رِچاں
مَن سَبزکَپُتے باں تَرا چُمباں چِناں
مَن تَلّی کَرگُشکے باں ھما سَرتَلّاں چَراں
مَن شِپانکے باں تَرا دَزلَٹّے جَناں
مَن زامُری ٹالے باں تَلاری لَمبے رُداں
مَن کُہگُرانڈے بان ءُ سَرہَجگاں چَراں
مَن ٹیٹلێں آسکے باں ھما گْیابان ءُ لَداں
مَن سَییادے باں کایاں تَئی گْوات ءَ رَد دَیاں
مَن تِہێپے بان ءُ ھما لُرداں لێٹ وَراں
مَن نئیگے بان ءُ تَرا لُرداں دَر کَناں
لَسَّہێں مارے باں ھما گْیابان ءُ لَداں
جۆگیے بان ءُ تَرا کاراں پہ دَمال
مَن بَیرَمێں پاگے باں ھما سالۆنک ءِ سَر ءَ
چَنگجَنێں ڈۆمبے باں تَرا داداں گِراں
مَن گْوانزَگی تِبلے بان ءُ شاگ ءَ لَیب کَناں
مَلکَمُوت جَور بان ءُ تَرا چُمباں چِناں
دِل مَنی کَشّیت دَئے وَتی شَہدێں لِزَّتاں
مَن تَئی بانۆر آں، بْیا مَنی سیری کِلَّہ ءَ
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
<!-- /وپ:پَرَگرَپہ -->