<!-- وپ:پَرَگرَپہ -->
<!-- /وپ:پَرَگرَپہ -->
<!-- وپ:پَرَگرَپہ -->
پادشَپادا گۆلان اِنت
دَریا دَمکاں پۆلان اِنت
<!-- /وپ:پَرَگرَپہ -->
<!-- وپ:پَرَگرَپہ -->
آسَر بارێں چے بیت اِنت
ھَرکَس مَرچاں شۆلان اِنت
<!-- /وپ:پَرَگرَپہ -->
<!-- وپ:پَرَگرَپہ -->
زَنگ نَجَنت اِنت دَریادِل
تَہنا دَرداں تۆلان اِنت
<!-- /وپ:پَرَگرَپہ -->
<!-- وپ:پَرَگرَپہ -->
پَد نَکِنزیت نێمراہ ءَ
مُہکَم چۆ کہ بۆلان اِنت
<!-- /وپ:پَرَگرَپہ -->
<!-- وپ:پَرَگرَپہ -->
مَردُم تَہنا نۆکێن اَنت
دُنیا پێشی ڈَولان اِنت
<!-- /وپ:پَرَگرَپہ -->
<!-- وپ:پَرَگرَپہ -->
باجُو جِست اَنت نێمراہ ءَ
یاگی کۆہاں گۆلان اِنت
<!-- /وپ:پَرَگرَپہ -->
<!-- وپ:پَرَگرَپہ -->
لێپَگ بیت اِنت بازێں سَر
جُہد ءِ دَریا چَولان اِنت
<!-- /وپ:پَرَگرَپہ -->
<!-- وپ:پَرَگرَپہ -->
شَہر ءِ شَرَّنگاں دْراہێں
اَکسے تَئی پَندۆلان اِنت
<!-- /وپ:پَرَگرَپہ -->
<!-- وپ:پَرَگرَپہ -->
لاپ ءَ سِنگے زُوت مَبَند
چانَگ گُڈّی کۆلان اِنت
<!-- /وپ:پَرَگرَپہ -->
<!-- وپ:پَرَگرَپہ -->
مَٹّ اِنت ھَرکَس اِے وَہد ءَ
ھَمَّل پێشی ڈَولان اِنت
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
Salmán Hammal