<!-- وپ:پَرَگرَپہ -->
اِے کۆہ!
مئے ڈێہ ءِ پاسپان اَنت
مئے زِمین اَنت ءُ آزمان اَنت
اِے گَٹّ ءُ گَر، اِے تَلار ءُ سَنگَر، اِے زێد ءُ کَہچَر
اِے مِسکێں مَیدان ءُ پَٹّ ءُ گْرێشَگ!!
اِے کَہن ءُ شَہجُو ءُ کَور ءُ کیلَگ، بَلۆچ ءِ شان اَنت!!
مئے راج ءِ آزاتی ءِ نِشان اَنت!!
مُدام اِے نارَہ ءَ جَنان اَنت!! داں یَکّ اِستالے ھَست مانیت
ماں آزمان ءَ !!!
داں رۆچ ءِ رُژنائی ھَستَگار اِنت!
ماں جَہان ءَ
داں ماہ رۆک اِنت!!
شَپچِراگێں!!
داں بام رُکشیت
گِرۆک شَہمیت!!
مَن سَدَّک آں!!
مَن دِل ءَ یَکین آں
بَلۆچ ءِ باریگ اَلَّما کئێت
بَلۆچ ءِ باریگ اَلَّما کئێت
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
<!-- وپ:پَرَگرَپہ -->
اَپرێل-1982 مَچّ
<!-- /وپ:پَرَگرَپہ -->
Mobárek Kázi