Zishán

<!-- وپ:پَرَگرَپہ -->

<!-- /وپ:پَرَگرَپہ -->

<!-- وپ:پَرَگرَپہ -->
مَنی شان اِنت ءُ تَئی شان اِنت
بَلۆچ راج اِنت ءُ زیشان اِنت
بَرے گۆں تَو بَرے گۆں مَن
گُلێں بِچکَند ءُ دیوان اِنت
مَنی شان اِنت ءُ تَئی شان اِنت
بَلۆچ راج اِنت ءُ زیشان اِنت
<!-- /وپ:پَرَگرَپہ -->

<!-- وپ:پَرَگرَپہ -->
مَنی اوست ءُ اُمێت ئے تَو
مَنی واہِشت ءُ واہَگ تَو
مَنی ڈێہ اِنت ءُ راجمان اِنت
مَنی اَرمان ءُ اومان اِنت
مَنی شان اِنت ءُ تَئی شان اِنت
بَلۆچ راج اِنت ءُ زیشان اِنت
<!-- /وپ:پَرَگرَپہ -->

<!-- وپ:پَرَگرَپہ -->
اِے جُہد ءِ سَربُلَندێں بَچّ
اِے اَہد ءِ کُنگُرێں وَرنا
گُلێں پَنجگُور ءِ زَہرشان اِنت
گِہێں کێچ ءِ نِگَہپان اِنت
مَنی شان اِنت ءُ تَئی شان اِنت
بَلۆچ راج اِنت ءُ زیشان اِنت
<!-- /وپ:پَرَگرَپہ -->

<!-- وپ:پَرَگرَپہ -->
داں کَد گۆں بَداں نِند ئے
اِے بُرج ءُ ماڈیاں بَند ءِ
بَدێں پِگرانی پَرمان اِنت
مَنی کۆش ءَ تَئی دَست مان اِنت
مَنی شان اِنت ءُ تَئی شان اِنت
بَلۆچ راج اِنت ءُ زیشان اِنت
<!-- /وپ:پَرَگرَپہ -->

<!-- وپ:پَرَگرَپہ -->
مَکَن یَل مادَنێں راہاں
بِکَن کُرباں گُلێں ساہاں
دِل ءَ چاپ اِنت ءُ چَوگان اِنت
نَمیران اِنت نَمیران اِنت
مَنی شان اِنت ءُ تَئی شان اِنت
بَلۆچ راج اِنت ءُ زیشان اِنت
<!-- /وپ:پَرَگرَپہ -->

<!-- وپ:پَرَگرَپہ -->
<!-- /وپ:پَرَگرَپہ -->