Sammi Tai Sáheg Koj Ent

<!-- وپ:پَرَگرَپہ -->

<!-- /وپ:پَرَگرَپہ -->

<!-- وپ:پَرَگرَپہ -->
اوستانی بے راہێں گَراں
واہَگ شِپاد اوشتاتَگ اَنت
مَہکاں چَنڈیت دامُن ءَ
دْرَچکانی تَہنائی سُریت
تاکانی زێمِر چَول جَنت
گْوات ءِ سَپَر دَزمۆش کَنت
تْرَکّ اَنت دِلانی تْراوَل اَنت
گْرَنچ اَنت کہ چَمّانی بُج اَنت
دَست ءِ دِل ءَ پَیم نَبَنت
سَمّی تَئی ساہِگ کُج اِنت
<!-- /وپ:پَرَگرَپہ -->

<!-- وپ:پَرَگرَپہ -->
ماں گْوانزَگێں اَدّیرَہاں
کَیپانی مۆسُم سَمبَریت
تَئی دْراہیانی مێتَگ ءَ
چۆکہ نَوائیں مَردُمے
ھۆش ءَ وَتی راہ گار کُتَگ
مُرگ داں کَدی ساچاں بَنت
آبرێشُمێں واہَگ دِل ءِ
رۆچ ءِ سَر ءَ چۆن اێر بیت
سَمّی تَئی ساہِگ کُج اِنت
<!-- /وپ:پَرَگرَپہ -->

<!-- وپ:پَرَگرَپہ -->
مَن وَ پہ تَو اوشتاتَگاں
زیکێن اِنت دْرَچکے کئێت مَنی
بالاد ءِ پُلّاں بَہر کَنت
تْرانیت دِگِہ گالوارے ءَ
تَہنایا سَد تَہر کَنت
اَرسانی تام ءَ ھَم پُلیت
گیرانی سَہتاں بال دَنت
سۆچیت زَیپێں باتِن ءَ
سَمّی تَئی ساہِگ کُج اِنت
<!-- /وپ:پَرَگرَپہ -->

<!-- وپ:پَرَگرَپہ -->
سَمّی تَیاب ءِ دامُن ءَ
مَن تُنّ ءِ جُوے بُرِّتَگ
آپ ءِ سَپَر ھۆشام دَنت
اَرمانیێں مُرگانی رَم
چۆ تَئی گْوَر ءِ ھار ءَ سِدیت
(چونایا کْوَنێں تْرانَگے)
گۆں تَو اگں دْرۆتی بِبیت
ماہ ءَ سَلام ءَ پَد بُگُش
وابانی ساہێل ءَ مَدُزّ
سَمّی تَئی ساہِگ کُج اِنت
<!-- /وپ:پَرَگرَپہ -->

<!-- وپ:پَرَگرَپہ -->
(دَریا چَنکے ھۆشام اِنت)
<!-- /وپ:پَرَگرَپہ -->