<!-- وپ:پَرَگرَپہ -->
چاہَڈێں زِند مَنی تَئی سَر ءَ ساہێل بِبات
تَئی مَلگۆر بِشِنگات مَنی ھاتِر جَم بات
<!-- /وپ:پَرَگرَپہ -->
<!-- وپ:پَرَگرَپہ -->
تَو پہ بْرِچکَندَگے زِندے پہ جَہان ءَ بَکش ءِ
زِندَگ بات ئے ءُ کَسے ماں تَئی دَور ءَ مَمِرات
<!-- /وپ:پَرَگرَپہ -->
<!-- وپ:پَرَگرَپہ -->
تَئی دێم پہ مَن ءَ چۆ پاکێں کُران اِنت مینُل
رِہل اِے رُژن ءِ کِتاب ءِ مَنی دِلبَند بِبات
<!-- /وپ:پَرَگرَپہ -->
<!-- وپ:پَرَگرَپہ -->
تَو مَنی بَرّ ءِ کَہیر ئے، مَنی اِیمان ءِ بُن ئے
ھار ءُ ھێرۆپ بِبات اَنت تَئی تاکے مَسُرات
<!-- /وپ:پَرَگرَپہ -->
<!-- وپ:پَرَگرَپہ -->
مَنی دِلبَر، یَکّ دَمانے ماں شَکَروابا اِنت
اَلَّہ آمین کہ جَہان ءِ گَم ءُ رَنجے بِسِرات
<!-- /وپ:پَرَگرَپہ -->
<!-- وپ:پَرَگرَپہ -->
اِے تَبیبانی نَسیب ءَ اِنت اَگاں کَمشَرَپی
نادَوائیں مَنی رَنج تَئی دَستاں دْرَہ بات
<!-- /وپ:پَرَگرَپہ -->
<!-- وپ:پَرَگرَپہ -->
زِند ءَ گَندَگ کُتَگ مارا اُو کَریم اِے چیے
اگں مِہرے کہ بْیایات، اگں کَہرے کہ کَپات
<!-- /وپ:پَرَگرَپہ -->
<!-- وپ:پَرَگرَپہ -->
12-سَتَمبَر-1983
بَمبَئی، اِنڈیا
(دِل زَریت بۆلاں)
<!-- /وپ:پَرَگرَپہ -->
Karim Dashti