<!-- وپ:پَرَگرَپہ -->
وَشَّتک ئے جی بات اِنت تَرا مَجلِس ءِ گُلپۆش
گۆں پْرێشتَگاں ھاوَند کُتَگ گالاں مَنی دِلگۆش
<!-- /وپ:پَرَگرَپہ -->
<!-- وپ:پَرَگرَپہ -->
اَنچا وَت ءَ سۆچ اَنت، وَت ءَ بْرێج اَنت ھَسَدّیگ
گالانی مَراگاہاں نَبیت باجبَری چۆش
<!-- /وپ:پَرَگرَپہ -->
<!-- وپ:پَرَگرَپہ -->
بے سۆبی ءِ تُرسا کُت اَنت کَستانی اَبێلی
شَہگوَشتِنێں شَہماتاں، واب گِپتَگ کَلاگۆش
<!-- /وپ:پَرَگرَپہ -->
<!-- وپ:پَرَگرَپہ -->
کاینت پہ مَنی مَجلِس ءُ دیواناں اَمیری
آریپێں شَکَرگال پہ شیمۆش، پہ دِلمۆش
<!-- /وپ:پَرَگرَپہ -->
<!-- وپ:پَرَگرَپہ -->
زۆربُردی ئے شُومجَنگانی ٹَپّ آزَگ اَنت اَنگَت
مَچِّت پَدا گُڈّ کُرتَگێں مَچّانی سَر ءَ کۆش
<!-- /وپ:پَرَگرَپہ -->
<!-- وپ:پَرَگرَپہ -->
نۆکیسَگ ءُ کَمکیسَگ ءُ دَرکیسَگ ءُ اوستیگ
زَرجۆش ءُ ھَبَرجۆش ءُ کَپَرجۆش ءُ سَپَرجۆش
<!-- /وپ:پَرَگرَپہ -->
<!-- وپ:پَرَگرَپہ -->
باہۆٹی ءَ نِہِنگام ئے نَرَوت زِرد ءِ تَہاری
رَہدَربَرێں بامانی گُلێں چادِرے ماں پۆش
<!-- /وپ:پَرَگرَپہ -->
<!-- وپ:پَرَگرَپہ -->
کَسّے کہ اِے رَہدَربَرێں گالاں چَہ زِبَہر اِنت
وَتکۆش اِنت ءُ وَتکۆش اِنت ءُ وَتکۆش اِنت ءُ وَتکۆش
<!-- /وپ:پَرَگرَپہ -->
<!-- وپ:پَرَگرَپہ -->
ماں *پانزدَہ سَدی ءَ تَو پہ سَرداری ءَ مِنّ ءِ
زار پہ چۆشێں ھۆش ءَ مَزَنہۆشانی مَزَنہۆش
<!-- /وپ:پَرَگرَپہ -->
<!-- وپ:پَرَگرَپہ -->
مۆرے ھَم نَوارت گۆش ءَ تَئی گۆش کَپت اَنت شِلِنگ ءِ
بیشکُرِّت اَنت پہ بے بُنێں باوَستے کَئی گۆش
<!-- /وپ:پَرَگرَپہ -->
<!-- وپ:پَرَگرَپہ -->
گَزّانی نِوان ءَ ئے، گِدرۆشانی مَیار ئے
گار بُوت گُلێں گِدرۆشیا، مَنت بے گُلێں گِدرۆش
<!-- /وپ:پَرَگرَپہ -->
<!-- وپ:پَرَگرَپہ -->
سَنٹ اِنت تَئی سَما گۆرُم ءُ سَسّا ءِ رَمَگ رُنگ
ھُشک اِنت تَئی گالکاسَگ ءِ نُکّ، دۆش سَتَر دۆش
<!-- /وپ:پَرَگرَپہ -->
<!-- وپ:پَرَگرَپہ -->
لُوڈانی جَکێں رَہت ءِ مَیار اِنت تَئی بُنبار
سۆبانی گُلێں زێداں نَبیت مَہری تَئی شیمۆش
<!-- /وپ:پَرَگرَپہ -->
<!-- وپ:پَرَگرَپہ -->
کَمزانتی ءُ کَمدیدی ءُ بَدگِندی ءُ ھێزی
بے گْواہی ءِ پێژراہ اَنت اِے ھێلاں چَہ وَت ءَ پْرۆش
<!-- /وپ:پَرَگرَپہ -->
<!-- وپ:پَرَگرَپہ -->
کَئی مِنَّت اِنت سَرکُنڈاں گۆں مان اَتکَگ اَنت سینَگ
کَئی کُنّتا سَکّ اَنت مَنی پَہناتاں تَئی سْرۆش
<!-- /وپ:پَرَگرَپہ -->
<!-- وپ:پَرَگرَپہ -->
تْرَمپے پہ تَو زِنداپ، چَہ آریپی ئے تاساں
کَستانی زِراں تِنگ ئے نَرَوت اِنت تَئی ھَلاہۆش
<!-- /وپ:پَرَگرَپہ -->
<!-- وپ:پَرَگرَپہ -->
چَہ گَندَگێں سَسّایاں تَئی زِرد ءَ زِہێنیت
بْیا پْیالَہے چَہ کیہَوێں گالانی زِر ءَ نۆش
<!-- /وپ:پَرَگرَپہ -->
<!-- وپ:پَرَگرَپہ -->
ھِچّ باج نَبارت اَچ مَن ءَ گُپتار ءِ سِکَندَر
مَن کۆرۆشاں گالانی، نَہ آں پْرُشتَگێں داریۆش
<!-- /وپ:پَرَگرَپہ -->
<!-- وپ:پَرَگرَپہ -->
بۆہێرێں سَیَد اَنگَرێں گالاں وَتی گْوَنڈ گِر
بَدزِرد ئے جَگَر بْرِتکَگ، سَما سُتکَگ ءُ پیلۆش
<!-- /وپ:پَرَگرَپہ -->
<!-- وپ:پَرَگرَپہ -->
………………………………………۔۔
*پانزدَہ سَدی ءَ = چاردَہُمی سَدی بِزاں 1394 کُٹَّگ ءَ اِنت ءُ پانزدَہُمی سَدی اِنت۔
<!-- /وپ:پَرَگرَپہ -->
<!-- وپ:پَرَگرَپہ -->
24-اَگَست-1974، کَراچی
(شَکَّلێں شَہجُو)
<!-- /وپ:پَرَگرَپہ -->
Sayad Háshomi