<!-- وپ:پَرَگرَپہ -->
مِہر ءِ زِمِستاں زۆر ءِ سَر ءَ اِنت آسے لۆٹیت
گَرماگی کَیپانی زَگرێں تاسے لۆٹیت
<!-- /وپ:پَرَگرَپہ -->
<!-- وپ:پَرَگرَپہ -->
سَرگَردان اِنت دَرد ھَیال ءِ کۆہ ءُ تَلاراں
زِرد پَدا یَکّ نۆکتِرێں چَکّاسے لۆٹیت
<!-- /وپ:پَرَگرَپہ -->
<!-- وپ:پَرَگرَپہ -->
مئے یاتانی آہِن گِپتَگ واہَگ ءِ زَنگاں
پہ مئے دَرداں بُرِّناکێں اَلماسے لۆٹیت
<!-- /وپ:پَرَگرَپہ -->
<!-- وپ:پَرَگرَپہ -->
دُنیا اَنچۆ تێز رَوان اِنت بے ل ءُ یَلاں کہ
مئے اُرجین ئے تْرانَگ وَہد ءُ پاسے لۆٹیت
<!-- /وپ:پَرَگرَپہ -->
<!-- وپ:پَرَگرَپہ -->
بُن گِپتَگ گُلباگ چَہ آسێں تَبد ءُ لِواراں
مِہر ءِ سَمین چَہ سُہرێں پُلّاں باسے لۆٹیت
<!-- /وپ:پَرَگرَپہ -->
<!-- وپ:پَرَگرَپہ -->
1985-سَتَمبَر، شال
<!-- /وپ:پَرَگرَپہ -->
Mobárek Kázi