<!-- وپ:پَرَگرَپہ -->
گَم مَنی مَرگ بَنت اِنت تَرا ھِچّ نَبیت
تَو کہ بے ھال بَئے مئے دِل ءَ چے گْوَزیت!
<!-- /وپ:پَرَگرَپہ -->
<!-- وپ:پَرَگرَپہ -->
دُنیا مَرچی تَرا لۆٹَگ ءَ اِنت، بلے
چۆ مَنی ءَ سَپائیں دِلِش گۆں نَبیت
<!-- /وپ:پَرَگرَپہ -->
<!-- وپ:پَرَگرَپہ -->
تَو گُش ئے جَٹّی چَہ واریا شَرتِر اِنت
مَن گُشاں بے وَسی جَٹّیارا کُشیت
<!-- /وپ:پَرَگرَپہ -->
<!-- وپ:پَرَگرَپہ -->
مَن نَزانتکاری ئے واب ءَ پاد اَتکَگاں
مَن نَزانتَگ کہ دَست چینچو بُرز ءَ رَسیت
<!-- /وپ:پَرَگرَپہ -->
<!-- وپ:پَرَگرَپہ -->
زی تَئی واہَگ ءَ چَمّ مَنی نَزّ اَت اَنت،
مَرچی بایَد ھَمێش اِنت کہ جَنگے بِبیت
<!-- /وپ:پَرَگرَپہ -->
<!-- وپ:پَرَگرَپہ -->
ھِچّ پیلَہ نَبیت اِنت کَسّی واہَگے
داں بَدَل سَجَّہێں وارێں دُنیا مَبیت
<!-- /وپ:پَرَگرَپہ -->
<!-- وپ:پَرَگرَپہ -->
نَوَمبَر-1974، مَند
<!-- /وپ:پَرَگرَپہ -->
Hán Sáber