<!-- وپ:پَرَگرَپہ -->
(شَہید کَمبَر مُبارِک ءِ نام ءَ )
<!-- /وپ:پَرَگرَپہ -->
<!-- وپ:پَرَگرَپہ -->
ھۆن ءِ لۆہارێں ھار ءَ بِچار کَمبَرۆ
تَنگَہێں سَرڈَگارا بِچار کَمبَرۆ
<!-- /وپ:پَرَگرَپہ -->
<!-- وپ:پَرَگرَپہ -->
زَرد گَشتَگ چۆ ھَلدارا باوَر بِکَن
دَزگُہار ءِ گُہار ءَ بِچار کَمبَرۆ
<!-- /وپ:پَرَگرَپہ -->
<!-- وپ:پَرَگرَپہ -->
ساربان ءِ سَر ءِ ھۆش سَیل ءَ شُتَگ
مَہری ءِ سَرمَہار ءَ بِچار کَمبَرۆ
<!-- /وپ:پَرَگرَپہ -->
<!-- وپ:پَرَگرَپہ -->
جِند ءِ بْرات ءَ وَتی تیرباراں کَنت
مَرچیێں سَرمَچار ءَ بِچار کَمبَرۆ
<!-- /وپ:پَرَگرَپہ -->
<!-- وپ:پَرَگرَپہ -->
کۆدِکا بِلّ پِت ءِ زێرپاداں بیت
کۆپَگ ءَ سۆچ، بار ءَ بِچار کَمبَرۆ
<!-- /وپ:پَرَگرَپہ -->
<!-- وپ:پَرَگرَپہ -->
نادراہ ءَ چَہ ھَم گێش بَزَّگتِر اِنت
یَکّ نِگاہے اَنار ءَ بِچار کَمبَرۆ
<!-- /وپ:پَرَگرَپہ -->
<!-- وپ:پَرَگرَپہ -->
مَیزَران اَنت پَدا نێمَرگێں کِشار
پُلبَہِشتێں لِوار ءَ بِچار کَمبَرۆ
<!-- /وپ:پَرَگرَپہ -->
<!-- وپ:پَرَگرَپہ -->
چۆ مَبیت سیوی گَیرانی دَست ءَ بُرَوت
چاکَر ءِ یاتگار ءَ بِچار کَمبَرۆ
<!-- /وپ:پَرَگرَپہ -->
<!-- وپ:پَرَگرَپہ -->
مَن تَئی نام گِپت ءُ دو گُٹّ نۆشِتَگ
چارپاس ئے ھُمارا بِچار کَمبَرۆ
<!-- /وپ:پَرَگرَپہ -->
<!-- وپ:پَرَگرَپہ -->
کازی ءَ را دو گَپّ راہِ دُنیا بُگُش
پاکێں پَروَردِگار ءَ بِچار کَمبَرۆ
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
Mobárek Kázi