<!-- وپ:پَرَگرَپہ -->
تَئی گَم دِل ءِ تَوار اِنت، چَہ دِل ءَ جِتا نَبیت اِنت
مَنی وَژدِلی ھَمێش اِنت کہ پہ ھَرکَس ءَ نَبیت اِنت
<!-- /وپ:پَرَگرَپہ -->
<!-- وپ:پَرَگرَپہ -->
پہ نَزانتکاری وارتَت چُشێں بیرَگێں رَدے مَن
اَگاں سَد ھَزار رَند ءَ تَو بُگُش پَدا نَبیت اِنت
<!-- /وپ:پَرَگرَپہ -->
<!-- وپ:پَرَگرَپہ -->
بَئے بے اُمێت پَرچا تَو بَیاں کَن مَن بِزاناں
کہ کُجام کار ھانُل تَئی ھاتِر ءَ نَبیت اِنت
<!-- /وپ:پَرَگرَپہ -->
<!-- وپ:پَرَگرَپہ -->
مَنی کَول ءُ نَدراں لۆٹیت، مَنی جی ءُ جاناں لۆٹیت
کہ پہ کاسِد ءُ کُلۆہ ءَ کَدی گُل رَزا نَبیت اِنت
<!-- /وپ:پَرَگرَپہ -->
<!-- وپ:پَرَگرَپہ -->
مَن نَزُوراں اێشی ئے دێم ءَ تَئی کُلّ ءِ وَژدِلیا
دِل ءِ دَرد بے بَہا اِنت کہ پہ بِہ دَوا نَبیت اِنت
<!-- /وپ:پَرَگرَپہ -->
<!-- وپ:پَرَگرَپہ -->
پہ کَس ءَ نَبیت پادار اِے بَہارگَہ دُرۆچی
مَنی گَم تَئی سَر ءَ اِنت، تَئی گَم کئے ءَ نَبیت اِنت
<!-- /وپ:پَرَگرَپہ -->
<!-- وپ:پَرَگرَپہ -->
چَہ اَمُلّ ءَ ناِلاج آں اَگاں ناں سَیَد مَن گُشتَت
مَن ءَ چۆ نَگُش ئے اَزابا کہ پہ تَو رَوا نَبیت اِنت
<!-- /وپ:پَرَگرَپہ -->
<!-- وپ:پَرَگرَپہ -->
چارشَمبِہ، 12-اَگَست-1953
کَلاکۆٹ، کَراچی
<!-- /وپ:پَرَگرَپہ -->
Sayad Háshomi