<!-- وپ:پَرَگرَپہ -->
کَوش مِسکانی بے گَہ ءِ شار اِنت
ماہ مَنی چَمّاں رۆچ ءِ دِشتار اِنت
<!-- /وپ:پَرَگرَپہ -->
<!-- وپ:پَرَگرَپہ -->
مِہلَباں مالیت چَندَنێں ڈیل ءَ
سَرجَمێں دُنیا مِسک ءُ آتار اِنت
<!-- /وپ:پَرَگرَپہ -->
<!-- وپ:پَرَگرَپہ -->
زێربار آں گۆں واہَگ ءِ دۆداں
سَر مَنی جِند ءِ کۆپَگاں بار اِنت
<!-- /وپ:پَرَگرَپہ -->
<!-- وپ:پَرَگرَپہ -->
دَر کَپ اَنت سَیل ءَ گَم پہ سَودایے
دِل زَہیرانی ھَلک ءُ بازار اِنت
<!-- /وپ:پَرَگرَپہ -->
<!-- وپ:پَرَگرَپہ -->
اَنچۆ زۆراک اِنت مَرچی بَنیادَم
وَت وَتی جِند ءِ گَردِن ءَ سْوار اِنت
<!-- /وپ:پَرَگرَپہ -->
<!-- وپ:پَرَگرَپہ -->
دْرۆگ چۆ رۆچ ءَ آزَگێں دْرَپشیت
راست شَپ ءِ دَنزانی تَہا گار اِنت
<!-- /وپ:پَرَگرَپہ -->
<!-- وپ:پَرَگرَپہ -->
مَن ھما تَہنا سال ءُ کَرنانی
کئے مَنی ھَمراہ، کئے مَنی یار اِنت
<!-- /وپ:پَرَگرَپہ -->
<!-- وپ:پَرَگرَپہ -->
تَو بِنِند تَہنا سال ءُ جَمّاراں
مَن رَواں کَمّێں دێمتِرا کار اِنت
<!-- /وپ:پَرَگرَپہ -->
<!-- وپ:پَرَگرَپہ -->
رۆچ ءَ ھَم اِستاراں ھِساب ءَ اِنت
تَو گُش ئے کازی اَنگَتا سار اِنت
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
Mobárek Kázi