<!-- وپ:پَرَگرَپہ -->
کَیپ ءِ گَپّ ءَ کن ئے، اِشک ءِ نام ءَ گِر ئے، جَنگ بِندات بیت
دَرد نۆش ئے تا کَد، واب چینچو گْوَپ ئے، جَنگ بِندات بیت
<!-- /وپ:پَرَگرَپہ -->
<!-- وپ:پَرَگرَپہ -->
زێمِراں گۆں چَم ئے، یا گۆں نَکشاں بَل ءِ، جَنگ بِندات بیت
اِزم ءِ زێبائی ئے دامُن ءَ نِشتَگ ءِ، جَنگ بِندات بیت
<!-- /وپ:پَرَگرَپہ -->
<!-- وپ:پَرَگرَپہ -->
اَچ کئے ءَ جِستَگ ءِ، تَو وَتی باتِن ءَ ، پۆلَگ ءَ ئے کئے ءَ
نوں تَو بال ءِ دِل ءَ یا چِراگ ءَ کُش ئے، جَنگ بِندات بیت
<!-- /وپ:پَرَگرَپہ -->
<!-- وپ:پَرَگرَپہ -->
جَنگ بِندات بیت گۆں مَلاراں وَتی دَست ءُ دْرۆتے بِکَن
واب گِند ئے اگں دَرد مانا کن ئے، جَنگ بِندات بیت
<!-- /وپ:پَرَگرَپہ -->
<!-- وپ:پَرَگرَپہ -->
جَنگ ءِ مۆسُم کہ بیت زِرد ءِ بے چاڈیا، وَہد ءِ نازُرکی ءَ
کاگَدے ءِ سَر ءَ ھَم نِبِشتَہ کن ئے، جَنگ بِندات بیت
<!-- /وپ:پَرَگرَپہ -->
<!-- وپ:پَرَگرَپہ -->
کِسَّہانی ھَتَم دَہر ءِ دَمکاں گْوَزیت، آس باہَند کَنت
زێمِر ءِ مِہلَب ءَ وَہد ءِ جیگ ءَ مُش ئے، جَنگ بِندات بیت
<!-- /وپ:پَرَگرَپہ -->
<!-- وپ:پَرَگرَپہ -->
سِلکێں وَسواسے ءِ دامُن ءَ گۆں اَڈ ءِ، جَنگ بِندات بیت
جێڈَگانی وَتی آزمانے گْوَپ ئے، جَنگ بِندات بیت
<!-- /وپ:پَرَگرَپہ -->
<!-- وپ:پَرَگرَپہ -->
زِند داوایے ساچان ئِے کُرتَگ دْرَہێں ھَلک ءُ ڈَنّ ءُ دَمَگ
تَو اگں مُرتَگ ءِ، تَو اگں زِندَگ ئے، جَنگ بِندات بیت
<!-- /وپ:پَرَگرَپہ -->
<!-- وپ:پَرَگرَپہ -->
مارے بیت شێپ گیپت، جِنگُلے ءِ وَڈ ءَ ناگَت ءَ بال کَنت
تَو کَبَسّ ءِ تَہا کَمُّکێں ھَم سُر ئے، جَنگ بِندات بیت
<!-- /وپ:پَرَگرَپہ -->
<!-- وپ:پَرَگرَپہ -->
مَن اوں رَد کَپتَگاں، تَو اوں رَد کَپتَگ ءِ، دَرد آسَر نَبُوت
مَن پَدا رَد کَپاں، تَو پَدا رَد کَپ ئے، جَنگ بِندات بیت
<!-- /وپ:پَرَگرَپہ -->
<!-- وپ:پَرَگرَپہ -->
جَنگ بِندات بیت وَہدے چَمّ ءِ تَہا شُونز بَندیت گَمے
تَو کہ اَکس ءِ وَتی چارَگ ءَ دَم بَر ئے، جَنگ بِندات بیت
<!-- /وپ:پَرَگرَپہ -->
<!-- وپ:پَرَگرَپہ -->
تُرس پہ تالِہ ءَ اِسپَرے تَ نَہ اِنت، جَنگ زێبائیے
کَسّ سَلامَت مَبیت، تَو مَلامَت مَب ئے، جَنگ بِندات بیت
<!-- /وپ:پَرَگرَپہ -->
<!-- وپ:پَرَگرَپہ -->
جَنگ ءَ سَر گِپتَگ ءِ چارَگ ءَ اَنت تَرا زیک ءُ باندات مئے
یَکّ دَمانے اوں تَو چَمّاں اَندَر بِب ئے، جَنگ بِندات بیت
<!-- /وپ:پَرَگرَپہ -->
<!-- وپ:پَرَگرَپہ -->
کَدِّ اێشاں نَبَئے، اِے چِرِتّاں مُنیر زێمِرێنتَگ شَپے
یار گَپّے بِکَن، اِینچ ھامۆش بَئے، جَنگ بِندات بیت
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
Monir Mómen