Chincho Tahnái Ent

<!-- وپ:پَرَگرَپہ -->
آستینک ءَ نہ مارے نہ زِرد ءَ گَمے، چینچو تَہنائی اِنت، چینچو تَہنائی اِنت
نێست یَکّ دُژمِنے، نێست یَکّ مَہرَمے، چینچو تَہنائی اِنت، چینچو تَہنائی اِنت
<!-- /وپ:پَرَگرَپہ -->

<!-- وپ:پَرَگرَپہ -->
اَچ مَن جُست ءَ مَکَن چۆن گْوَستَگ مَنی اێوکی ءِ سَپَر جَنگَلاں دَر پہ دَر
دُور گِنداں زَہیرانی شێنکی شَمے، چینچو تَہنائی اِنت، چینچو تَہنائی اِنت
<!-- /وپ:پَرَگرَپہ -->

<!-- وپ:پَرَگرَپہ -->
بُلبُل ءَ گِند دَرد ءِ مَنی چُنت چیہال جَنت، چُنت پِریات کَنت، زِندَگی اِنت مَنی
یَکّ کَلێرے کَہیرے نہ پیرێں جَمے، چینچو تَہنائی اِنت، چینچو تَہنائی اِنت
<!-- /وپ:پَرَگرَپہ -->

<!-- وپ:پَرَگرَپہ -->
ما جَساں گۆں جَتَگ، مَہپَراں گۆں جَتَگ، دِلبَراں گۆں جَتَگ، آپ ءُ آس ءَ جَتَگ
نہ گِترانگێں اَنارکے نہ چَمّی چَمے، چینچو تَہنائی اِنت، چینچو تَہنائی اِنت
<!-- /وپ:پَرَگرَپہ -->

<!-- وپ:پَرَگرَپہ -->
کازی ھَمراہ ءُ یارانی جُست ءَ مَکَن کئے بِزانت کہ کُجام مِنزِل ءَ رَپتَگ اَنت، زِندَگ ءَ مُرتَگ اَنت
رازدارے نہ کُونجانی گارێں رَمے، چینچو تَہنائی اِنت، چینچو تَہنائی اِنت
<!-- /وپ:پَرَگرَپہ -->

<!-- وپ:پَرَگرَپہ -->
<!-- /وپ:پَرَگرَپہ -->