<!-- وپ:پَرَگرَپہ -->
تَئی وَدار ءِ نَوبَت ءَ
شَراب مَشکے ءَ بِبَنت
کَہیری ساہِگے بِبیت
کَپۆت کُوکُو ءَ بِبَنت
پُرانیگے پُراں بِبیت
شِنِکُّوے جَلاں بِبیت
ءُ شیک اِشکِراں بِبیت
رۆچ جَمبَراں بِبیت
نۆد شیمُراں بِبَنت
کَوش ءِ شَرّ دِل ءَ بِبیت
پہ شات کَشَّگ ءَ بِبیت
تَئی گِدان ءِ کِرّ ءُ کَش
چَہ مَردُمانی مُچّی ءَ
چۆ سیرے ءِ سَر ءَ بِبیت
مَلَنگێں شَئے مُرید وَت ءَ
پہ ناز ساڈَگ ءَ بِبیت
مُلُوکێں زِرد ھانی ءِ
چۆ باگی گْواڈَگ ءَ بِبیت
مَنی کَرُتکَگێں نَپَس
ھَمے نِدارَگ ءَ بِبیت
مَن ءَ را آپ گۆں بِبَنت
ءُ آ سُبارِگ ءَ بِبیت
کَسے مَن ءَ بِگیپت جُست!
بِچار چۆنێں مۆسُمے
چِتَور وَشّێں لِزَّتے
بِبیت تَئی وَدار ءِ شَپ
ءُ تَو مَیا ئے ساہ ءِ کَپّ
مَن ھِچّ وَڈ ءَ رَزا نَباں
اِے کُلّ مَنی تَماہ نَہ اَنت
<!-- /وپ:پَرَگرَپہ -->
تَئی وَدار ءِ نَوبَت ءَ
شَراب مَشکے ءَ بِبَنت
کَہیری ساہِگے بِبیت
کَپۆت کُوکُو ءَ بِبَنت
پُرانیگے پُراں بِبیت
شِنِکُّوے جَلاں بِبیت
ءُ شیک اِشکِراں بِبیت
رۆچ جَمبَراں بِبیت
نۆد شیمُراں بِبَنت
کَوش ءِ شَرّ دِل ءَ بِبیت
پہ شات کَشَّگ ءَ بِبیت
تَئی گِدان ءِ کِرّ ءُ کَش
چَہ مَردُمانی مُچّی ءَ
چۆ سیرے ءِ سَر ءَ بِبیت
مَلَنگێں شَئے مُرید وَت ءَ
پہ ناز ساڈَگ ءَ بِبیت
مُلُوکێں زِرد ھانی ءِ
چۆ باگی گْواڈَگ ءَ بِبیت
مَنی کَرُتکَگێں نَپَس
ھَمے نِدارَگ ءَ بِبیت
مَن ءَ را آپ گۆں بِبَنت
ءُ آ سُبارِگ ءَ بِبیت
کَسے مَن ءَ بِگیپت جُست!
بِچار چۆنێں مۆسُمے
چِتَور وَشّێں لِزَّتے
بِبیت تَئی وَدار ءِ شَپ
ءُ تَو مَیا ئے ساہ ءِ کَپّ
مَن ھِچّ وَڈ ءَ رَزا نَباں
اِے کُلّ مَنی تَماہ نَہ اَنت
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
<!-- /وپ:پَرَگرَپہ -->