Tompay Bánadhi

<!-- وپ:پَرَگرَپہ -->
رێچاں رَہسَراں سُہرێں پُلّ
سَوتے پہ تَرا گُشاں بُلبُل
پہ تَو دِل زَریت بْیا اُو بْیا
تُمپ ءِ بانَڈی بْیا اُو بْیا
<!-- /وپ:پَرَگرَپہ -->

<!-- وپ:پَرَگرَپہ -->
لاڈی لَیلَڈی گۆدی بْیا
سُہب ءِ شَنزَگاں نۆدی بْیا
پہ تَو ھَرکُجا ساڈی ما
تُمپ ءِ بانَڈی بْیا اُو بْیا
<!-- /وپ:پَرَگرَپہ -->

<!-- وپ:پَرَگرَپہ -->
بُرتَگ باج تَئی دَزگُہاراں
سَبیہَہ مِہلَبێں کِرداراں
بْیا تَئی کارَواں جُنزان اِنت
دُژمِن ھَر دَماں رَنجان اِنت
<!-- /وپ:پَرَگرَپہ -->

<!-- وپ:پَرَگرَپہ -->
گۆں، گۆں تَرا مَہرَنگ اِنت
داِم دُژمِناں گۆں جَنگ اِنت
پہ تَو گُلزِمین شَیدا اِنت
بَیرَک تَئی گُش ئے رَنگ ءَ اِنت
رَنگ ءَ پێسَری بْیا اُو بْیا
تُمپ ءِ بانَڈی بْیا اُو بْیا
<!-- /وپ:پَرَگرَپہ -->

<!-- وپ:پَرَگرَپہ -->
اێر آ کَمبَر ءِ آبَند ءَ
تُمپ ءِ مَیزَرێں دِلبَند ءَ
نازێنکے جَتَگ اِستاراں
دێر اِنت چَمّ تَئی رَہچار اَنت
شَہیدانی سَری بْیا اُو بْیا
تُمپ ءِ بانَڈی بْیا اُو بْیا
<!-- /وپ:پَرَگرَپہ -->

<!-- وپ:پَرَگرَپہ -->
ھارے رُمبِتَگ تَئی نام ءَ
اَرسے شَنزِتَگ گْوَربام ءَ
کُلّێں ھَستی ءِ شاہی تَب
وابانی مُلُوکێں مِہلَب
رُژن ءِ آجُوی بْیا اُو بْیا
تُمپ ءِ بانَڈی بْیا اُو بْیا
<!-- /وپ:پَرَگرَپہ -->

<!-- وپ:پَرَگرَپہ -->
جَنگی مۆسُماں پَر رێچ اَنت
گیر مئے دِل ءَ سَرّێچ اَنت
شِنگ ھَرکُجا تَئی نام اِنت
کِشکاں پُلّ چِتَگ ھَزّام اِنت
<!-- /وپ:پَرَگرَپہ -->

<!-- وپ:پَرَگرَپہ -->
<!-- /وپ:پَرَگرَپہ -->