<!-- وپ:پَرَگرَپہ -->
زِرکَوش ءِ بَہِشت ءَ اِنت نہ پُلّانی دَر ءَ اِنت
اِے زِندَگی بے تئیگ ءَ زَہیرانی چَر ءَ اِنت
<!-- /وپ:پَرَگرَپہ -->
<!-- وپ:پَرَگرَپہ -->
تَئی دُوریا سَکّ گْرێتَگ اِے چَمّاں کہ تَو گِند ئے
مُروارِدێں اَرسانی مَن ءَ ھارے گْوَر ءَ اِنت
<!-- /وپ:پَرَگرَپہ -->
<!-- وپ:پَرَگرَپہ -->
ھَر آشِک ءِ اَرمان اِنت، ھَمُک شاِر ءِ جان اِنت
اِے شیرکِنێں بِچکَند کہ تَئی لُنٹانی سَر ءَ اِنت
<!-- /وپ:پَرَگرَپہ -->
<!-- وپ:پَرَگرَپہ -->
تَئی مَہپَر ءِ ساچان ءِ شَلاں سَبزِتَگ مۆسُم
تَئی مَلَّگ ءِ ھَمراہی ءَ وَژبُو سَپَر ءَ اِنت
<!-- /وپ:پَرَگرَپہ -->
<!-- وپ:پَرَگرَپہ -->
مَن پَہر بِبَنداں اگں دۆست ءَ پہ چُشێن ءَ
وادَہ گۆں مَن ءَ اِنت ءُ وَپا گۆں دِگِرا اِنت
<!-- /وپ:پَرَگرَپہ -->
<!-- وپ:پَرَگرَپہ -->
شَپ رۆچ پَمِشکا چۆ کَپۆتَئێگ ءَ مَن نالاں
تَئی واہَگ ءِ یَکّ شِلسَرێں تیرے جَگَر ءَ اِنت
<!-- /وپ:پَرَگرَپہ -->
<!-- وپ:پَرَگرَپہ -->
تَہنائی ئے نیمۆن ءَ مَن دیدار کَناں تَئی
زێبائی ئے تَئی اَکس مَن ءَ گۆں ھَبَر ءَ اِنت
<!-- /وپ:پَرَگرَپہ -->
<!-- وپ:پَرَگرَپہ -->
مۆسُمتَبێں دُنیا ءَ کَدی ماں نیار ئے
تَو زان ئے کہ ھَر ھال ءَ تَئی زامِن گۆں تَرا اِنت
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
Zámen Morád