<!-- وپ:پَرَگرَپہ -->
بال بَستَگ اَنت ماہ ءِ گِندُک ءَ پہ سَر گِپتَگ
مُرگے ءَ دِل ءِ تۆک ءَ آزماں دَر گِپتَگ
<!-- /وپ:پَرَگرَپہ -->
<!-- وپ:پَرَگرَپہ -->
تَئی زَہیر اَرواہ ءِ سَنگَر ءَ سِلَہبَند اَنت
سێنَگ ءَ دِل ءَ چێرێں سَر وَتی سَتَر گِپتَگ
<!-- /وپ:پَرَگرَپہ -->
<!-- وپ:پَرَگرَپہ -->
اَبرَم ءِ مُلُوری ما ھۆن شانَگ ءَ دیستَگ
زَردُویا بیمارێں گێدی ءِ جَگَر گِپتَگ
<!-- /وپ:پَرَگرَپہ -->
<!-- وپ:پَرَگرَپہ -->
ماں رُوسِتَگ ھَرّۆ پہ دَرامَدێں داباں
جاہِلێں دِل ءَ زانا مَردُم ءِ ھَبَر گِپتَگ
<!-- /وپ:پَرَگرَپہ -->
<!-- وپ:پَرَگرَپہ -->
بے گَہے ءَ زێبائی ماں پَتاتَگ کَندیل ءَ
بالُوے گَل ءَ بال اِنت وَتکُشی ءَ سَر گِپتَگ
<!-- /وپ:پَرَگرَپہ -->
<!-- وپ:پَرَگرَپہ -->
پَد جَت اَنت دوێں دیدَگ گۆں بَباتَگێں واباں
بْیا کہ اِے کَلاتێں دِل مَن پہ تَو دُبَر گِپتَگ
<!-- /وپ:پَرَگرَپہ -->
<!-- وپ:پَرَگرَپہ -->
ما تَئی وارِس ایں، مارا چَہ تَرا پِر اِنت بۆگے
زِندَگی ھَمُک ما تَئی ھیلَہ ءُ ھُنَر گِپتَگ
<!-- /وپ:پَرَگرَپہ -->
<!-- وپ:پَرَگرَپہ -->
بێدِ جَنگ ءُ جَنجال ءَ کَسّ چی ءَ نَبیت سَرپَد
اێمِنی ءِ دامُن ما گِندَگ ءَ وَ شَرّ گِپتَگ
<!-- /وپ:پَرَگرَپہ -->
<!-- وپ:پَرَگرَپہ -->
داد ما نَدیستَگ آ پُلّ جَنگَل ءِ راہ ءَ
کُوکُواں کَپۆتانی نام باز بَر گِپتَگ
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
Aliján Dád