<!-- وپ:پَرَگرَپہ -->
شَپ سَر ءَ لێٹِتَگ بام ءَ داتَگ
دِل وَتی دۆست ءِ سَلام ءَ داتَگ
<!-- /وپ:پَرَگرَپہ -->
<!-- وپ:پَرَگرَپہ -->
تَئی گَم ءِ جَمبَر ءَ بَشّێں چَمّاں
اێر دَردانی رَگام ءَ داتَگ
<!-- /وپ:پَرَگرَپہ -->
<!-- وپ:پَرَگرَپہ -->
تُرس ھُدا نێستِش گَریب ءِ ھَکّ ءِ
زانتَگِش زۆرێں مَلام ءَ داتَگ
<!-- /وپ:پَرَگرَپہ -->
<!-- وپ:پَرَگرَپہ -->
ٹیٹَلێں شِمشے دِل ءَ نۆکتامی
واد شَگام ءِ ءُ رَگام ءَ داتَگ
<!-- /وپ:پَرَگرَپہ -->
<!-- وپ:پَرَگرَپہ -->
اِے نِزۆریے نَہ اِنت مَردُمے ئے
اُمر ءِ بَہرے تَئی نام ءَ داتَگ
<!-- /وپ:پَرَگرَپہ -->
<!-- وپ:پَرَگرَپہ -->
آ سَپَر اَنگَتا دُورێں گَپّے
یَل مَن ءَ اَتکَگ دو گام ءَ داتَگ
<!-- /وپ:پَرَگرَپہ -->
<!-- وپ:پَرَگرَپہ -->
وَسَّرا گَپّے نَگُشتَگ زَہر ئے
مَن چُشێں دۆستی کَلام ءَ داتَگ
<!-- /وپ:پَرَگرَپہ -->
<!-- وپ:پَرَگرَپہ -->
شُگر اِنت اَلّاہ ءِ اُبَید یات ءَ اِنت
رَنج ءُ اَندۆہ ئِے مُدام ءَ داتَگ
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
<!-- وپ:پَرَگرَپہ -->
1 جَنوَری 2026
<!-- /وپ:پَرَگرَپہ -->
Obayd Árep