<!-- وپ:پَرَگرَپہ -->
زَگرێں ھۆناں گۆں ھِنّیاں مێنێں
گْواڈَگێں کِشکاں جَور رۆدێنێں
<!-- /وپ:پَرَگرَپہ -->
<!-- وپ:پَرَگرَپہ -->
چَمّ ءُ دِل مئے سَدَکَّہ اَنت پہ تَو
گُش، تَرا ما کُج ءَ بِنادێنێں
<!-- /وپ:پَرَگرَپہ -->
<!-- وپ:پَرَگرَپہ -->
مارا ھَست اَژدِہائیں دَریایے
مَرکَبێں راچِناں بِنازێنێں
<!-- /وپ:پَرَگرَپہ -->
<!-- وپ:پَرَگرَپہ -->
آہِنێں رَنج زَنگ بُوان اَنت
شیشَگێں دِل گُبار ءُ دَنزێن اِنت
<!-- /وپ:پَرَگرَپہ -->
<!-- وپ:پَرَگرَپہ -->
بَشّ ءَ گِپتَگ کہ ساہِجیا سَنگَر
زاناں دێمپاں کێچ ءِ ھامێن اِنت
<!-- /وپ:پَرَگرَپہ -->
<!-- وپ:پَرَگرَپہ -->
شۆرَہی تْراک پُلّ سْراپێن اَنت
مێتَگ اِنت مئے، ھَمے مئے ھَنکێن اِنت
<!-- /وپ:پَرَگرَپہ -->
<!-- وپ:پَرَگرَپہ -->
شیر ماتی گْوَرانی ھُشک بِبَنت
مَلّێں بَچّاں ما ھۆن مێچێنێں
<!-- /وپ:پَرَگرَپہ -->
<!-- وپ:پَرَگرَپہ -->
بَسّ ھَمے ھاکُمێں مَڈاہ اِنت مئے
گْرێتَگێں گْواڈَگاں نَکَندێنێں
<!-- /وپ:پَرَگرَپہ -->
<!-- وپ:پَرَگرَپہ -->
چارێں کُنڈاں تَہارماہی اِنت
شَپچِراگے کُج ءَ بِبالێنێں
<!-- /وپ:پَرَگرَپہ -->
<!-- وپ:پَرَگرَپہ -->
ھُشک ءُ ھَیراں مَنتَگێں، نوں ما
زِندَگی ءَ چِہ وَڈ بُگوازێنێں
<!-- /وپ:پَرَگرَپہ -->
<!-- وپ:پَرَگرَپہ -->
آجِز ءَ بِلّ، گار ءُ گُمراہ اِنت
جِند مئے دانکہ گَردِن ءَ مێن اِنت
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
Majid Ájez