اِے زَمانَگ تَئی زَہیر ءِ وابجاہ ءَ آگَہ اِنت
دِل مُساپِر، آکِبَت اِمرۆز ءِ راہ ءَ آگَہ اِنت
کَمّێں مَہتَل بُو مَن چَمّاں بَند کَناں، ھالے گِراں
کئے ماں زِرد ءَ واب کَپتَگ، کئے نِگاہ ءَ آگَہ اِنت
کَدَّہ اوں تَلکارێں لُنٹانی ھَزار رَند ءَ پْرُش اَنت
داں مَنی ھۆشام ءِ تْرَمپے دَہر ءِ چاہ ءَ آگَہ اِنت
وابێں زِند ءِ کَترَہانا جَنَّتی گۆناپ دَنت
اَندَر ءَ زِرد ءِ ھَیالے چۆ گُناہ ءَ آگَہ اِنت
بَلکێں رۆچے جۆڈ بیت داں مِنزِل ءَ ما سَر بِبێں
واہَگانی اِے چِراگێں گَم کہ راہ ءَ آگَہ اِنت
دۆشی شۆہاز ءَ دِل ءِ دَر کَپتَگاں گِنداں مُنیر
چۆ تَہاری ءَ سُچان اِنت، چۆ کہ ماہ ءَ آگَہ اِنت
مُنیر مۆمِن
Monir Mómen