آس ءِ بالاد تاب گِرَگ ءَ اِنت
نوں چِراگان ءَ واب گِرَگ ءَ اِنت
پێسَر ءَ گِپت ما شَراب ءَ را
مَرچاں مارا شَراب گِرَگ ءَ اِنت
تُنّ ءَ مَئێگ ءَ زُباں رۆدێنتَگ
نام ءَ تئیگ ءَ گُلاب گِرَگ ءَ اِنت
کِسَّہ ءَ مَرگ ءِ زانتکار نَہ آں
زِندَگی شَرّ ھِساب گِرَگ ءَ اِنت
چَول اوشتاتَگ اَنت تَئی چَمّاں
راہ تَچک ءَ تَیاب گِرَگ ءَ اِنت
اِے کہ اِرشاد اِے وَڈ ءَ کَندیت
چَہ دِل ءَ دَرد تاب گِرَگ ءَ اِنت
اِرشاد پَرواز
Ershád Parwáz