گَنۆک پہ ماہِکاں شۆہاز مُرگاں
پہ بال ءِ نییَت ءَ اَمباز مُرگاں
پہ بال ءِ نییَت ءَ اَمباز مُرگاں
اێشاں پْرێشتَگ بِگِند اَنت پَہر بَند اَنت
مَکَن گۆں کێنَگ ءَ مِگراز مُرگاں
مَکَن گۆں کێنَگ ءَ مِگراز مُرگاں
کُدُو بَستَگ دَپ ءَ سْیَہمار ءِ لۆگ ءَ
گَنۆک ءُ سَرمَچارێں باز مُرگاں
گَنۆک ءُ سَرمَچارێں باز مُرگاں
ھَمے گَپّ ءَ اَجَب ھَیران اِنت سازگِر
کُجام دَردانی گۆن اِنت راز مُرگاں
کُجام دَردانی گۆن اِنت راز مُرگاں
اَگاں سازَگ بِبَنت کْیامَت وَدی بیت
کہ شِنگێنتَگ ھَمینچ ساز مُرگاں
کہ شِنگێنتَگ ھَمینچ ساز مُرگاں
تَو کَوشانی دِل ءِ جُوانی لَمب ءِ
بِجَن گْوانکے، بِدئے آواز مُرگاں
بِجَن گْوانکے، بِدئے آواز مُرگاں
سَدَپ اِمرۆز آدێنک اِنت بَہِشت ءِ
بِمَلّ تَو گۆں پہ ٹَہل ءُ ناز مُرگاں
بِمَلّ تَو گۆں پہ ٹَہل ءُ ناز مُرگاں
سَید سَدَپ