مَرگ تُرسے پہ بَنیادَم ءَ ، زِند اُمێتے
مَرگ اِنت دُوری ءُ سِدَگ، مُچّی ءُ یَجّاہی زِند
ھَرکَس ءَ مَرگ پِر اِنت، جار بِجَنت مَرگ ءِ کِتاب
ھَرکَس ءَ زِند رَسیت، مَرگ اِنت اُمێتانی زِند
زِند ءَ رَند زِند، پَدا زِند، نَہَلّیت اِنت زِند
مَرگ ھَرپَیم بُلۆٹیت بلے پَش(ت) کَپت نَکَنت
مَرگ وَت آۆکێں یَکّ زِندے ءِ رۆدێنۆک اِنت
زِند ءِ واہَگ کہ رُدیت آئی ءَ کَسّ کُشت نَکَنت
زِند ءِ شۆہاز کَنۆکانا اِد ءَ مَرگ رَسیت
ما ھَمے راج ءِ تَہا زِندے ءِ واہَگدار ایں
زِند رُژنے بلے مَرگ اِنت نَزانتکاری ئے نام
ما اگں زِندَگ ایں مَرگ ءَ وَتی پَجَّہ کارێں
ما وَتی مَرگ ءِ پَدا زِندے ءَ بُنگێج کَنێں
(بِزکہاں) ما ھما وَہد ءَ مِرێں پْرێشتَگ مَرگ ءِ بِمِریت
بْیاِت پہ زِند ءَ وَتی لێکَہاں دَرشاں کَنێں
بْیاِت ما جار جَنێں مَرگ مِریت، مَرگ مِریت
سَتَمبَر 1975، کێچ
ھاں سابِر
Hán Sáber