<!-- وپ:پَرَگرَپہ -->
<!-- /وپ:پَرَگرَپہ -->
<!-- وپ:پَرَگرَپہ -->
اِے آئی ءِ اَوَلی بالی سَپَر اَت۔ زِند ءِ بیست لاپمۆشێں سالانی اَوَلی بال اَت۔ آ شالکۆٹ ءِ بالی پَٹّ ءِ رَوانَگی لاُونجا نِشتَگَت ءُ وَدار ءَ اَت کہ کَدی تُربَت ءِ بالیگُراب ءَ سَوار بَیَگ ءِ جار جَنَگ بیت۔
<!-- /وپ:پَرَگرَپہ -->
اِے آئی ءِ اَوَلی بالی سَپَر اَت۔ زِند ءِ بیست لاپمۆشێں سالانی اَوَلی بال اَت۔ آ شالکۆٹ ءِ بالی پَٹّ ءِ رَوانَگی لاُونجا نِشتَگَت ءُ وَدار ءَ اَت کہ کَدی تُربَت ءِ بالیگُراب ءَ سَوار بَیَگ ءِ جار جَنَگ بیت۔
<!-- /وپ:پَرَگرَپہ -->
<!-- وپ:پَرَگرَپہ -->
آئی ءِ دِل ءَ وَشّی ءِ جَمبَراں بَستَگَت بلے یَکّ گۆریچێں ھَیالے ھَم نَرم نَرما سُرَگ ءَ اَت۔ آ گۆریچێں ھَیال اِش اَت کہ چۆ مَبیت کہ بال کَنَگ ءَ رَند بالیگُراب بِکَپیت ءُ ٹُکُّر ٹُکُّر بِبیت۔ وَشّی ءِ جَمبَر ءُ تُرس ئے گۆریچ دێم پہ دێم اَت اَنت ءُ آ سۆپَہ ءِ سَر ءَ اَنچۆ نِشتَگَت گُش ئے اِند نا اِندا پاد کئێت۔
<!-- /وپ:پَرَگرَپہ -->
آئی ءِ دِل ءَ وَشّی ءِ جَمبَراں بَستَگَت بلے یَکّ گۆریچێں ھَیالے ھَم نَرم نَرما سُرَگ ءَ اَت۔ آ گۆریچێں ھَیال اِش اَت کہ چۆ مَبیت کہ بال کَنَگ ءَ رَند بالیگُراب بِکَپیت ءُ ٹُکُّر ٹُکُّر بِبیت۔ وَشّی ءِ جَمبَر ءُ تُرس ئے گۆریچ دێم پہ دێم اَت اَنت ءُ آ سۆپَہ ءِ سَر ءَ اَنچۆ نِشتَگَت گُش ئے اِند نا اِندا پاد کئێت۔
<!-- /وپ:پَرَگرَپہ -->
<!-- وپ:پَرَگرَپہ -->
یَکّ دێمے گَریبی ءِ کَٹّ، دُمی دێم ءَ وانَگ ءِ ھَرچ، بالی سَپَر پَرایا وابے اَت۔ آئی ءَ مُدام بَس ءَ سَپَر کُت۔ تُربَت داں شالکۆٹ ءِ کَچّائیں دَگّ ءَ دَنز ءُ دیتّ کَناں، جَمپ ءُ جۆل جَناں، پَنچَر ءُ اَیرلاک بَیاں، ھۆٹَل ءُ مَسیتاں دارانا جَبزَگێں بَس ءَ 800 میلّ ئے پَند 40 کَلاک ءَ بُرِّت۔ مَستِرێں تَماشَہ بَس ءِ تَہا اَت۔ تَوامێں راہ ءَ دَنز، سِگرێٹ ءِ دیتّ، ژَندێں باڈی ءُ کَلَنڈێں ٹَیپ ئے شۆر ءُ شار، مُساپِرانی چِشَگ، کُلَّگ، ھۆکارَگ ءُ شانَگ۔ سَپَرے نَہ اَت، شِزایے اَت۔ زْیادَہێں نِندَگ ءَ پاد گْوات گِپت اَنت۔ نِندجاہ سُتک اَنت۔ شۆر، دَنز، دیتّ ءُ بے وابی ءَ سَر چَہ دَرد ءَ تْرَکَّگی بُوت بلے مِنزِل گار اَت۔
<!-- /وپ:پَرَگرَپہ -->
یَکّ دێمے گَریبی ءِ کَٹّ، دُمی دێم ءَ وانَگ ءِ ھَرچ، بالی سَپَر پَرایا وابے اَت۔ آئی ءَ مُدام بَس ءَ سَپَر کُت۔ تُربَت داں شالکۆٹ ءِ کَچّائیں دَگّ ءَ دَنز ءُ دیتّ کَناں، جَمپ ءُ جۆل جَناں، پَنچَر ءُ اَیرلاک بَیاں، ھۆٹَل ءُ مَسیتاں دارانا جَبزَگێں بَس ءَ 800 میلّ ئے پَند 40 کَلاک ءَ بُرِّت۔ مَستِرێں تَماشَہ بَس ءِ تَہا اَت۔ تَوامێں راہ ءَ دَنز، سِگرێٹ ءِ دیتّ، ژَندێں باڈی ءُ کَلَنڈێں ٹَیپ ئے شۆر ءُ شار، مُساپِرانی چِشَگ، کُلَّگ، ھۆکارَگ ءُ شانَگ۔ سَپَرے نَہ اَت، شِزایے اَت۔ زْیادَہێں نِندَگ ءَ پاد گْوات گِپت اَنت۔ نِندجاہ سُتک اَنت۔ شۆر، دَنز، دیتّ ءُ بے وابی ءَ سَر چَہ دَرد ءَ تْرَکَّگی بُوت بلے مِنزِل گار اَت۔
<!-- /وپ:پَرَگرَپہ -->
<!-- وپ:پَرَگرَپہ -->
ھَروَہدا کہ آئی ءَ اِے بَساں سَپَر کُت آئی ءَ ھَیال اَتک کہ مَن مَردُمے نَہ آں کِرمے آن ءُ لاپمۆشاں رَوَگ ءَ آں۔ بَرے بَرے کہ آئی ءَ وَتی سَنگَتانی بَئێگ ءُ شَنتایانی سَر ءَ بالی سَپَر ءِ ٹَئێگ ءُ ٹَپَّہ دیت اَنت، آئی ءِ دِل ءَ چۆ کَبَسّ ءَ بَندێں مُرگَئێگ ءَ پَرپَرُّکی جَت۔ آئی ءِ دِل ءَ لۆٹِت چَرایاں جُست بِکَنت کہ بال کَنَگ چۆن اِنت؟ چینچُک وَشّ اِنت؟ بلے آئی ءَ ھِمَّت نَبُوت۔ چۆنێں تِپلی جُست اَنت۔ ھَرکَس مَنی سَر ءَ کَندیت۔ مُپتا سُبَکّ بان ءُ گَریبی ءِ مانا اِے نَہ اِنت کہ چَہ وَتی نِزَراں ھَم بِکَپاں۔
<!-- /وپ:پَرَگرَپہ -->
ھَروَہدا کہ آئی ءَ اِے بَساں سَپَر کُت آئی ءَ ھَیال اَتک کہ مَن مَردُمے نَہ آں کِرمے آن ءُ لاپمۆشاں رَوَگ ءَ آں۔ بَرے بَرے کہ آئی ءَ وَتی سَنگَتانی بَئێگ ءُ شَنتایانی سَر ءَ بالی سَپَر ءِ ٹَئێگ ءُ ٹَپَّہ دیت اَنت، آئی ءِ دِل ءَ چۆ کَبَسّ ءَ بَندێں مُرگَئێگ ءَ پَرپَرُّکی جَت۔ آئی ءِ دِل ءَ لۆٹِت چَرایاں جُست بِکَنت کہ بال کَنَگ چۆن اِنت؟ چینچُک وَشّ اِنت؟ بلے آئی ءَ ھِمَّت نَبُوت۔ چۆنێں تِپلی جُست اَنت۔ ھَرکَس مَنی سَر ءَ کَندیت۔ مُپتا سُبَکّ بان ءُ گَریبی ءِ مانا اِے نَہ اِنت کہ چَہ وَتی نِزَراں ھَم بِکَپاں۔
<!-- /وپ:پَرَگرَپہ -->
<!-- وپ:پَرَگرَپہ -->
چُشێں ساہَتاں آئی ءَ وَتی گَریبی ءِ گْوَرجیگ ءَ گِپت۔ آکِر مَن داں کَدێنا چۆ کِرم ءَ لاپمۆش باں؟ مَنی کِسمَت ءَ زاناں چۆ شاہین ءَ بال کَنَگ نێست؟ بے زُبانێں گَریبے ءِ لُنٹ ھُشک ءُ چَمّ آپ بیت اَنت۔ پَسَّو بے وانکی اَت۔
<!-- /وپ:پَرَگرَپہ -->
چُشێں ساہَتاں آئی ءَ وَتی گَریبی ءِ گْوَرجیگ ءَ گِپت۔ آکِر مَن داں کَدێنا چۆ کِرم ءَ لاپمۆش باں؟ مَنی کِسمَت ءَ زاناں چۆ شاہین ءَ بال کَنَگ نێست؟ بے زُبانێں گَریبے ءِ لُنٹ ھُشک ءُ چَمّ آپ بیت اَنت۔ پَسَّو بے وانکی اَت۔
<!-- /وپ:پَرَگرَپہ -->
<!-- وپ:پَرَگرَپہ -->
یَکّ رۆچے آئی ءِ وابێں کِسمَت پاد اَتک۔ سَرکار ءَ کالِجانی ھَکدارێں تالِبانی واست ءَ چَہ زَکات ءَ کَمُّک زَر دَیَگ ءِ جار جَت۔ آئی ءَ ھَم پَنچ ھَزار رَسِت۔ آئی ءَ زَرّانی نێم چَکّاس ءِ پیساں دات ءُ نێم زُرت ءُ بالیگُراب ءِ ٹِکِٹ کُت۔
<!-- /وپ:پَرَگرَپہ -->
یَکّ رۆچے آئی ءِ وابێں کِسمَت پاد اَتک۔ سَرکار ءَ کالِجانی ھَکدارێں تالِبانی واست ءَ چَہ زَکات ءَ کَمُّک زَر دَیَگ ءِ جار جَت۔ آئی ءَ ھَم پَنچ ھَزار رَسِت۔ آئی ءَ زَرّانی نێم چَکّاس ءِ پیساں دات ءُ نێم زُرت ءُ بالیگُراب ءِ ٹِکِٹ کُت۔
<!-- /وپ:پَرَگرَپہ -->
<!-- وپ:پَرَگرَپہ -->
آئی ءَ ٹێمب چارِت۔ اَنگَت وَہد ءَ ھَستَت۔ آئی ءَ نَزّیک ءَ اێرێں ھالتاک دَست ءَ کُت ءُ چارِت۔ ھالتاک ءِ سَرہال اَت: “اَمریکَہ ءِ مُساپِرکَشّێں بالیگُرابے کَپتَگ ءُ سَوارێں دْراہێں مَردُم مُرتَگ اَنت۔”
<!-- /وپ:پَرَگرَپہ -->
آئی ءَ ٹێمب چارِت۔ اَنگَت وَہد ءَ ھَستَت۔ آئی ءَ نَزّیک ءَ اێرێں ھالتاک دَست ءَ کُت ءُ چارِت۔ ھالتاک ءِ سَرہال اَت: “اَمریکَہ ءِ مُساپِرکَشّێں بالیگُرابے کَپتَگ ءُ سَوارێں دْراہێں مَردُم مُرتَگ اَنت۔”
<!-- /وپ:پَرَگرَپہ -->
<!-- وپ:پَرَگرَپہ -->
چَہ تُرسا گُش ئے آئی ءِ دِل چێرِ پُپّاں شُت۔ چِد ءُ دێم آئی ءَ وَنت نَکُت۔ دُنیا ءِ شَہزۆر ءِ نۆکێں بالیگُراب کَپ اَنت گُڈا پاکِستان ءِ اِے کَلَنڈ ئے ھال بارێں چے بیت؟ آئی ءَ ھالتاک پَدا اێر کُت۔
“یا اَلّاہ! تَئی لَکّ شُگر اِنت۔” یَکّے ءَ گۆں بُرزێں تَوارے ءَ اَلّاہ ءِ شُگر گِپت۔ آئی ءَ چَکّ جَت۔ یَکّ کَماشے کہ آئی ءِ پۆشاک، ریشّ ءُ کُلاہ دْراہ اِسپێت اَت اَنت، نَزّیک ءَ سۆپَہے ءِ سَر ءَ نِشتَگَت ءُ تَبزی جَنَگ ءَ اَت۔
<!-- /وپ:پَرَگرَپہ -->
چَہ تُرسا گُش ئے آئی ءِ دِل چێرِ پُپّاں شُت۔ چِد ءُ دێم آئی ءَ وَنت نَکُت۔ دُنیا ءِ شَہزۆر ءِ نۆکێں بالیگُراب کَپ اَنت گُڈا پاکِستان ءِ اِے کَلَنڈ ئے ھال بارێں چے بیت؟ آئی ءَ ھالتاک پَدا اێر کُت۔
“یا اَلّاہ! تَئی لَکّ شُگر اِنت۔” یَکّے ءَ گۆں بُرزێں تَوارے ءَ اَلّاہ ءِ شُگر گِپت۔ آئی ءَ چَکّ جَت۔ یَکّ کَماشے کہ آئی ءِ پۆشاک، ریشّ ءُ کُلاہ دْراہ اِسپێت اَت اَنت، نَزّیک ءَ سۆپَہے ءِ سَر ءَ نِشتَگَت ءُ تَبزی جَنَگ ءَ اَت۔
<!-- /وپ:پَرَگرَپہ -->
<!-- وپ:پَرَگرَپہ -->
لَکّ شُگر؟ یَکّے نہ، دو نہ، پُورَ لَکّ شُگر؟ ھمّم، سَرپَد بیتاں۔ اِشیا مَنی وَڈ ءَ بالیگُراب ءِ کَپَگ ءِ تُرس اِنت۔
<!-- /وپ:پَرَگرَپہ -->
لَکّ شُگر؟ یَکّے نہ، دو نہ، پُورَ لَکّ شُگر؟ ھمّم، سَرپَد بیتاں۔ اِشیا مَنی وَڈ ءَ بالیگُراب ءِ کَپَگ ءِ تُرس اِنت۔
<!-- /وپ:پَرَگرَپہ -->
<!-- وپ:پَرَگرَپہ -->
گۆں اِے ھَیال ءَ گُش ئے آئی ءِ دِل کَمّے سُبَکتِر بُوت ءُ پہ ھَمدَردی وَتی تُرس ئے ھَمراہ ءَ چارَگ ءَ لَگِّت بلے چَہ کَماش ءِ دێم ءَ ھِچّ وَڈێں تُرس یا پَرێشانی دَر ءَ نَہ اَت۔ آ آرام ءَ نِشتَگَت ءُ تَبزی ٹِکّێنَگ ءَ اَت۔ گُش ئے ھُدا ءِ شُگر ءِ گِرَگ آئی ءِ تُرس نَہ اَت۔ ھێل اَت، شُگُل اَت، وَہدتێلی اَت۔
<!-- /وپ:پَرَگرَپہ -->
گۆں اِے ھَیال ءَ گُش ئے آئی ءِ دِل کَمّے سُبَکتِر بُوت ءُ پہ ھَمدَردی وَتی تُرس ئے ھَمراہ ءَ چارَگ ءَ لَگِّت بلے چَہ کَماش ءِ دێم ءَ ھِچّ وَڈێں تُرس یا پَرێشانی دَر ءَ نَہ اَت۔ آ آرام ءَ نِشتَگَت ءُ تَبزی ٹِکّێنَگ ءَ اَت۔ گُش ئے ھُدا ءِ شُگر ءِ گِرَگ آئی ءِ تُرس نَہ اَت۔ ھێل اَت، شُگُل اَت، وَہدتێلی اَت۔
<!-- /وپ:پَرَگرَپہ -->
<!-- وپ:پَرَگرَپہ -->
آئی ءِ چَمّانی ھَمدَردی پَدا گار بُوت۔ آئی ءِ دِل ءَ اَتک کہ پیرمَرد ءَ بُگُشاں:
<!-- /وپ:پَرَگرَپہ -->
آئی ءِ چَمّانی ھَمدَردی پَدا گار بُوت۔ آئی ءِ دِل ءَ اَتک کہ پیرمَرد ءَ بُگُشاں:
<!-- /وپ:پَرَگرَپہ -->
<!-- وپ:پَرَگرَپہ -->
“مُلا! ھُدا ءِ شُگر ءَ ھما وَہد ءَ بِگِر کہ مَردُم ءَ مَکُشیت۔ یَکّێں دَمان ءَ بارێں چُنت کُشیت ءُ تَو اَنگَت نِشتَگ ءِ شُگر گِر ئے۔ پَدا شُگر ءَ کَئی گِر ئے؟ کُشۆک ءِ جِند ءِ! مُلا! بایَد اِنت تَو اِے گَپّ ءَ بِزان ئے کہ کُشۆک ءِ شُگر ءِ گِرَگ تاہَتے نَہ اِنت، کاسَگچَٹّیے، لَگۆریے۔”
<!-- /وپ:پَرَگرَپہ -->
“مُلا! ھُدا ءِ شُگر ءَ ھما وَہد ءَ بِگِر کہ مَردُم ءَ مَکُشیت۔ یَکّێں دَمان ءَ بارێں چُنت کُشیت ءُ تَو اَنگَت نِشتَگ ءِ شُگر گِر ئے۔ پَدا شُگر ءَ کَئی گِر ئے؟ کُشۆک ءِ جِند ءِ! مُلا! بایَد اِنت تَو اِے گَپّ ءَ بِزان ئے کہ کُشۆک ءِ شُگر ءِ گِرَگ تاہَتے نَہ اِنت، کاسَگچَٹّیے، لَگۆریے۔”
<!-- /وپ:پَرَگرَپہ -->
<!-- وپ:پَرَگرَپہ -->
“یا اَلّاہ! تَئی لَکّ شُگر اِنت۔ تَو مَن ءَ گَنج داتَگ۔” ھَمے سَہت ءَ مُلا ءَ پَدا اَلّاہ ءِ شُگر گِپت۔ اِینچُک شُگر ءِ گِرَگ؟ اِے مُلا اَنچۆ ھُدا ءِ شُگر ءَ گِرَگ ءَ اِنت گُش ئے ھُدا ءَ اِشیارا نِبِشتَہ کُتَگ ءُ داتَگ کہ مَن تَرا نَکُشان ءُ پَدا گُشیت تَو مَن ءَ گَنج داتَگ۔ تَرا چے ھاک ئِے داتَگ؟ شَرّێں مال زِند اِنت۔ وَہدے تَئی زِند ءَ پَچ گیپت، گَنج ءَ چے کن ئے، سَر ءَ جن ئے؟
<!-- /وپ:پَرَگرَپہ -->
“یا اَلّاہ! تَئی لَکّ شُگر اِنت۔ تَو مَن ءَ گَنج داتَگ۔” ھَمے سَہت ءَ مُلا ءَ پَدا اَلّاہ ءِ شُگر گِپت۔ اِینچُک شُگر ءِ گِرَگ؟ اِے مُلا اَنچۆ ھُدا ءِ شُگر ءَ گِرَگ ءَ اِنت گُش ئے ھُدا ءَ اِشیارا نِبِشتَہ کُتَگ ءُ داتَگ کہ مَن تَرا نَکُشان ءُ پَدا گُشیت تَو مَن ءَ گَنج داتَگ۔ تَرا چے ھاک ئِے داتَگ؟ شَرّێں مال زِند اِنت۔ وَہدے تَئی زِند ءَ پَچ گیپت، گَنج ءَ چے کن ئے، سَر ءَ جن ئے؟
<!-- /وپ:پَرَگرَپہ -->
<!-- وپ:پَرَگرَپہ -->
نی آ پَدا بے آرام بَیان اَت۔ آ پَدا اێوک اَت۔ پہ وَتی پَرێشانێں ھَیالانی تاچێنَگ ءَ آئی ءَ نادِلگۆشی ءَ پَدا ھما ھالتاک دَست ءَ کُت بلے گۆں سَرہال ءِ گِندَگ ءَ ھالتاک ئِے دَور دات ءُ چَہ کیسَّگ ءَ بالیگُراب ءِ ٹِکِٹ ئِے کَشِّت ءُ بے مَکسَدا پَٹَّگ ءَ لَگِّت۔
<!-- /وپ:پَرَگرَپہ -->
نی آ پَدا بے آرام بَیان اَت۔ آ پَدا اێوک اَت۔ پہ وَتی پَرێشانێں ھَیالانی تاچێنَگ ءَ آئی ءَ نادِلگۆشی ءَ پَدا ھما ھالتاک دَست ءَ کُت بلے گۆں سَرہال ءِ گِندَگ ءَ ھالتاک ئِے دَور دات ءُ چَہ کیسَّگ ءَ بالیگُراب ءِ ٹِکِٹ ئِے کَشِّت ءُ بے مَکسَدا پَٹَّگ ءَ لَگِّت۔
<!-- /وپ:پَرَگرَپہ -->
<!-- وپ:پَرَگرَپہ -->
وَہدے ٹِکِٹ ءِ پَتَّہگا دَم ئِے بُرت گُڈا نِشتَگێں اێدِگِ مُساپِرانی نێمَگ ءَ چارَگ ءَ لَگِّت۔ مَردُم اَنچۆ آرام ءَ نِشتَگ ءُ گَپّ ءُ رَپّ ءَ اَت اَنت گُش ئے آ دِل ءَ جَزم اَت اَنت کہ اِے بالیگُراب نَکَپیت۔ آئی ءِ دِل ءَ لۆٹِت کہ اَمریکَہ ءِ بالیگُراب ءِ کَپَگ ءِ ھال ءَ کُوکّار ءَ بْواناں دانکہ دْراہ بِشکُن اَنت ءُ چَہ تُرسا بِلَرز اَنت ءُ اَنچۆ دِلترَکّ بِبَنت کہ دِگِہ پَر ءَ بالی سَپَر ءَ تَوبَہ بِکَن اَنت۔
<!-- /وپ:پَرَگرَپہ -->
وَہدے ٹِکِٹ ءِ پَتَّہگا دَم ئِے بُرت گُڈا نِشتَگێں اێدِگِ مُساپِرانی نێمَگ ءَ چارَگ ءَ لَگِّت۔ مَردُم اَنچۆ آرام ءَ نِشتَگ ءُ گَپّ ءُ رَپّ ءَ اَت اَنت گُش ئے آ دِل ءَ جَزم اَت اَنت کہ اِے بالیگُراب نَکَپیت۔ آئی ءِ دِل ءَ لۆٹِت کہ اَمریکَہ ءِ بالیگُراب ءِ کَپَگ ءِ ھال ءَ کُوکّار ءَ بْواناں دانکہ دْراہ بِشکُن اَنت ءُ چَہ تُرسا بِلَرز اَنت ءُ اَنچۆ دِلترَکّ بِبَنت کہ دِگِہ پَر ءَ بالی سَپَر ءَ تَوبَہ بِکَن اَنت۔
<!-- /وپ:پَرَگرَپہ -->
<!-- وپ:پَرَگرَپہ -->
چیزّے مِلِٹّ ءَ رَند بالی ءَ سَوار بَیَگ ءِ جار جَنَگ بُوت۔ دێم پہ ھَمانگُر رَوان ءَ آئی ءِ چَمّ بالیگُراب ءَ سَکّ اَت اَنت۔ آ اَوَلی رَند ءَ اِینچُک نَزّیک ءَ بالیے گِندَگ ءَ اَت۔ چَمّ اَنچێں دْرۆگ بَند اَنت کہ دَپ گُنگ بیت۔ ھما کہ آزمان ءِ دێم ءَ مُرگے ءِ کَدّ ءَ اَت نَزّیک ءَ چۆ کۆہ ءَ اَت۔ اِے بَلاہ بال بِکَنت نَکَپیت؟ تُرس ئے گۆریچ ءَ شیکَّگے جَت بلے آ نی بالیگُراب ءِ پَدانک ءَ سَر کَپان اَت۔
<!-- /وپ:پَرَگرَپہ -->
چیزّے مِلِٹّ ءَ رَند بالی ءَ سَوار بَیَگ ءِ جار جَنَگ بُوت۔ دێم پہ ھَمانگُر رَوان ءَ آئی ءِ چَمّ بالیگُراب ءَ سَکّ اَت اَنت۔ آ اَوَلی رَند ءَ اِینچُک نَزّیک ءَ بالیے گِندَگ ءَ اَت۔ چَمّ اَنچێں دْرۆگ بَند اَنت کہ دَپ گُنگ بیت۔ ھما کہ آزمان ءِ دێم ءَ مُرگے ءِ کَدّ ءَ اَت نَزّیک ءَ چۆ کۆہ ءَ اَت۔ اِے بَلاہ بال بِکَنت نَکَپیت؟ تُرس ئے گۆریچ ءَ شیکَّگے جَت بلے آ نی بالیگُراب ءِ پَدانک ءَ سَر کَپان اَت۔
<!-- /وپ:پَرَگرَپہ -->
<!-- وپ:پَرَگرَپہ -->
اَنچۆ کہ آئی ءَ بالی ءِ دَروازَگ ءَ پاد اێر کُت چَہ نَزّیک ءَ جَنێنی تَوارے آئی ءِ گۆشاں کَپت۔
<!-- /وپ:پَرَگرَپہ -->
اَنچۆ کہ آئی ءَ بالی ءِ دَروازَگ ءَ پاد اێر کُت چَہ نَزّیک ءَ جَنێنی تَوارے آئی ءِ گۆشاں کَپت۔
<!-- /وپ:پَرَگرَپہ -->
<!-- وپ:پَرَگرَپہ -->
“سَلام اَلَیکُم۔”
<!-- /وپ:پَرَگرَپہ -->
“سَلام اَلَیکُم۔”
<!-- /وپ:پَرَگرَپہ -->
<!-- وپ:پَرَگرَپہ -->
آئی ءَ ھَمے نێمَگ ءَ چارِت۔ بالیگُراب ءِ ڈَولدارێں جِنِکّے دَروازَگ ءِ نَزّیک ءَ اوشتاتَگَت ءُ ھَریَکّ مُساپِرے ءَ گۆں بِچکَند سَلام دیَگ ءَ اَت۔ آ بَس ءِ چَرسیێں، چِلّیێں کِلینڈَر ءُ مُنشیانی تْرانَگ ءَ کَپت کہ نہ وَتی اِزَّتِش زانت، نہ مُساپِرانی۔ دُمی نێمَگ ءَ اِے جَلوَناکێں جِنِکّ اَت کہ گۆں مُساپِراں پێشسَلام اَت۔ آئی ءِ بِچکَند دِل ءِ نَہ اَت اێوک ءَ لُنٹانیگ اَت بلے آئی ءِ پُلّێں لُنٹانی چارَگ وَشّ اَت۔ آئی ءِ شَہدێں تَوار ءِ گۆش دارَگ وَشّ اَت۔ چَہ بَس ءِ ھَکّ ءُ دِلێں بے اِزَّتی ءَ بالیگُراب ءِ وَسّاچێں اِزَّت دێماتِر اَت۔
<!-- /وپ:پَرَگرَپہ -->
آئی ءَ ھَمے نێمَگ ءَ چارِت۔ بالیگُراب ءِ ڈَولدارێں جِنِکّے دَروازَگ ءِ نَزّیک ءَ اوشتاتَگَت ءُ ھَریَکّ مُساپِرے ءَ گۆں بِچکَند سَلام دیَگ ءَ اَت۔ آ بَس ءِ چَرسیێں، چِلّیێں کِلینڈَر ءُ مُنشیانی تْرانَگ ءَ کَپت کہ نہ وَتی اِزَّتِش زانت، نہ مُساپِرانی۔ دُمی نێمَگ ءَ اِے جَلوَناکێں جِنِکّ اَت کہ گۆں مُساپِراں پێشسَلام اَت۔ آئی ءِ بِچکَند دِل ءِ نَہ اَت اێوک ءَ لُنٹانیگ اَت بلے آئی ءِ پُلّێں لُنٹانی چارَگ وَشّ اَت۔ آئی ءِ شَہدێں تَوار ءِ گۆش دارَگ وَشّ اَت۔ چَہ بَس ءِ ھَکّ ءُ دِلێں بے اِزَّتی ءَ بالیگُراب ءِ وَسّاچێں اِزَّت دێماتِر اَت۔
<!-- /وپ:پَرَگرَپہ -->
<!-- وپ:پَرَگرَپہ -->
وَہدے بالیگُراب تَگراہ ءِ سَر ءَ تێزیا تَچانا بال گِپت، آئی ءَ اَنچۆ گُماں بُوت کہ مَن وَت گۆں وَتی جِند ءِ پاداں تَچاں تَچانا بال کُتَگ ءُ آزمان ءَ رَواں آن ءُ وَسَّرا وَت آئی ءَ ھَیال اَتک کہ بِگِند ئے یَکّ زَمانگے بُرز ءِ ھُدا ھَم زِمین ءِ سَر ءَ آباد بیتَگ ءُ یَکّ رۆچے بالیگُراب ءِ پَیم ءَ تَچانا بالی کُتَگ ءُ نی اَنچۆ بُرز شُتَگ کہ گِندَگ نَبیت۔
<!-- /وپ:پَرَگرَپہ -->
وَہدے بالیگُراب تَگراہ ءِ سَر ءَ تێزیا تَچانا بال گِپت، آئی ءَ اَنچۆ گُماں بُوت کہ مَن وَت گۆں وَتی جِند ءِ پاداں تَچاں تَچانا بال کُتَگ ءُ آزمان ءَ رَواں آن ءُ وَسَّرا وَت آئی ءَ ھَیال اَتک کہ بِگِند ئے یَکّ زَمانگے بُرز ءِ ھُدا ھَم زِمین ءِ سَر ءَ آباد بیتَگ ءُ یَکّ رۆچے بالیگُراب ءِ پَیم ءَ تَچانا بالی کُتَگ ءُ نی اَنچۆ بُرز شُتَگ کہ گِندَگ نَبیت۔
<!-- /وپ:پَرَگرَپہ -->
<!-- وپ:پَرَگرَپہ -->
بالیگُراب چَہ زِمین ءَ دیر بَیان اَت ءُ آ وانگ اَت ءُ آزمان ءَ چارَگ ءَ اَت۔ گُش ئے اَوَلی رَند ءَ گِندَگ ءَ اَت ئِے۔ وَتی زِند ءَ اَوَلی بَر ءَ آئی ءَ سَما بُوت کہ آزماں چَہ زِمین ءَ باز وَشتِر اِنت۔ اِے پَرک پاسِلَہَئێگ اَت یا چَمّانی؟ آئی ءَ زانت نَکُت بلے اَنچۆ مارِت ئِے کہ نیلّێں آزماں ھَمے واست ءَ وَشّ اِنت کہ ھُدا ءِ لۆگ اِنت ءُ اَبَدمانی ءِ مارِشتے دَنت ءُ زِمین گۆں وَتی بے شُمارێں رَنگاں اِے واست ءَ دِل ءَ گران اِنت کہ اِد ءَ کَبرِستاں آباد اَنت… ءُ آئی ءَ زانت کہ ھُدا پَدا چی ءَ زِمین ءَ نَیَیت۔
<!-- /وپ:پَرَگرَپہ -->
بالیگُراب چَہ زِمین ءَ دیر بَیان اَت ءُ آ وانگ اَت ءُ آزمان ءَ چارَگ ءَ اَت۔ گُش ئے اَوَلی رَند ءَ گِندَگ ءَ اَت ئِے۔ وَتی زِند ءَ اَوَلی بَر ءَ آئی ءَ سَما بُوت کہ آزماں چَہ زِمین ءَ باز وَشتِر اِنت۔ اِے پَرک پاسِلَہَئێگ اَت یا چَمّانی؟ آئی ءَ زانت نَکُت بلے اَنچۆ مارِت ئِے کہ نیلّێں آزماں ھَمے واست ءَ وَشّ اِنت کہ ھُدا ءِ لۆگ اِنت ءُ اَبَدمانی ءِ مارِشتے دَنت ءُ زِمین گۆں وَتی بے شُمارێں رَنگاں اِے واست ءَ دِل ءَ گران اِنت کہ اِد ءَ کَبرِستاں آباد اَنت… ءُ آئی ءَ زانت کہ ھُدا پَدا چی ءَ زِمین ءَ نَیَیت۔
<!-- /وپ:پَرَگرَپہ -->
<!-- وپ:پَرَگرَپہ -->
وَہدے بالیگُراب چَہ جَمبَراں بُرز بُوت، آئی ءَ دیت کہ چَہ بُرز ءَ جَمبَرانی چارَگ سَکّ وَشّ اِنت۔ زِمین ءِ سَر ءَ اوشتَگ ءُ جَمبَرانی چارَگ اِینچُک وَشّ نَہ اِنت چۆ کہ جَمبَرانی سَر ءَ اوشتَگ ءُ آیانی نِدارَہ کَنَگ۔ جَمبَر آزمان ءِ دێم ءَ پُٹَّہ پُٹَّہ ءَ اَنچۆ شِنگ اَت اَنت، چۆ کہ آبدارێں زِمینے آپ ءِ ھُشک بَیَگ ءَ رَند تَل تَل بیت۔ پُٹَّہ پُٹَّہێں جَمبَر ءُ تَلکارێں زِمین ھَمرَنگ اَت اَنت۔ یَکّے آپ اَت ءُ یَکّے ھاک۔ آپ ءُ ھاک ءِ نْیام ءَ اِے ھَمرَنگی بَسّ نِزَرَئێگ اَت ءُ گۆں اَرش ءُ پَرش ءِ یَکّ کَنَگ ءَ آئی ءَ زانت کہ چَمّ دْرۆگ بَندَگ ءَ اَنت بلے آ ھَیران اَت کہ چَمّ ءِ بَستَگێں دْرۆگ ءَ دِل چی ءَ باوَر کَنت؟
<!-- /وپ:پَرَگرَپہ -->
وَہدے بالیگُراب چَہ جَمبَراں بُرز بُوت، آئی ءَ دیت کہ چَہ بُرز ءَ جَمبَرانی چارَگ سَکّ وَشّ اِنت۔ زِمین ءِ سَر ءَ اوشتَگ ءُ جَمبَرانی چارَگ اِینچُک وَشّ نَہ اِنت چۆ کہ جَمبَرانی سَر ءَ اوشتَگ ءُ آیانی نِدارَہ کَنَگ۔ جَمبَر آزمان ءِ دێم ءَ پُٹَّہ پُٹَّہ ءَ اَنچۆ شِنگ اَت اَنت، چۆ کہ آبدارێں زِمینے آپ ءِ ھُشک بَیَگ ءَ رَند تَل تَل بیت۔ پُٹَّہ پُٹَّہێں جَمبَر ءُ تَلکارێں زِمین ھَمرَنگ اَت اَنت۔ یَکّے آپ اَت ءُ یَکّے ھاک۔ آپ ءُ ھاک ءِ نْیام ءَ اِے ھَمرَنگی بَسّ نِزَرَئێگ اَت ءُ گۆں اَرش ءُ پَرش ءِ یَکّ کَنَگ ءَ آئی ءَ زانت کہ چَمّ دْرۆگ بَندَگ ءَ اَنت بلے آ ھَیران اَت کہ چَمّ ءِ بَستَگێں دْرۆگ ءَ دِل چی ءَ باوَر کَنت؟
<!-- /وپ:پَرَگرَپہ -->
<!-- وپ:پَرَگرَپہ -->
نی بالیگُراب ءَ وَتی بُرزی گِپتَگَت۔ آزمان ءِ دێم ءَ جَمبَراں بُرز بال بَیَگ ءِ مارِشت ءَ آئی ءِ جان ءِ پُٹ پُونژَرت اَنت۔ گُمان ءُ یَکین ئے نْیام ءَ آئی ءَ اَنچۆ سَما بُوت کہ مَن اَہدی داستاںے ءِ شَہزادَگے آن ءُ اِے بالیگُراب دار ءَ جۆڈ بیتَگێں جادُوی اَپسے کہ راستێں گۆش ءِ تاب دیَگ ءَ بال کَنت ءُ چَپّێں گۆش ءِ تاب دیَگ ءَ کۆہِ کاپ ئے شَرَّنگتِرێں پَریگ ءِ ماڈی ءِ سَر ءَ نِندیت۔
<!-- /وپ:پَرَگرَپہ -->
نی بالیگُراب ءَ وَتی بُرزی گِپتَگَت۔ آزمان ءِ دێم ءَ جَمبَراں بُرز بال بَیَگ ءِ مارِشت ءَ آئی ءِ جان ءِ پُٹ پُونژَرت اَنت۔ گُمان ءُ یَکین ئے نْیام ءَ آئی ءَ اَنچۆ سَما بُوت کہ مَن اَہدی داستاںے ءِ شَہزادَگے آن ءُ اِے بالیگُراب دار ءَ جۆڈ بیتَگێں جادُوی اَپسے کہ راستێں گۆش ءِ تاب دیَگ ءَ بال کَنت ءُ چَپّێں گۆش ءِ تاب دیَگ ءَ کۆہِ کاپ ئے شَرَّنگتِرێں پَریگ ءِ ماڈی ءِ سَر ءَ نِندیت۔
<!-- /وپ:پَرَگرَپہ -->
<!-- وپ:پَرَگرَپہ -->
“اِکسکیُوز می (اِایکسکُوسِ مِ)…”
<!-- /وپ:پَرَگرَپہ -->
“اِکسکیُوز می (اِایکسکُوسِ مِ)…”
<!-- /وپ:پَرَگرَپہ -->
<!-- وپ:پَرَگرَپہ -->
بالیگُراب ءِ جِنِکّێں تاکِم ءِ تَوار ءَ آ چَہ ھَیالاں کَشِّت۔ زێبائیں جِنِکّ گۆں دِلکَشّێں بِچکَندے آئی ءِ کِرّا اوشتاتَگَت ءُ وَرَگانی سینی آئی ءِ دَست ءَ اَت۔ کۆہِ کاپ ئے پَریگ شَہزادَگ ءِ سَر ءَ مِہرَباں بیتَگَت ءُ دار ئے اَپس بُرزبال اَت۔ آئی ءَ پَریرَنگێں جِنِکّ ءِ نێمَگ ءَ چارانا وَتی شَہزادگێں ھَیال ءِ سَر ءَ بِچکَندِت۔
<!-- /وپ:پَرَگرَپہ -->
بالیگُراب ءِ جِنِکّێں تاکِم ءِ تَوار ءَ آ چَہ ھَیالاں کَشِّت۔ زێبائیں جِنِکّ گۆں دِلکَشّێں بِچکَندے آئی ءِ کِرّا اوشتاتَگَت ءُ وَرَگانی سینی آئی ءِ دَست ءَ اَت۔ کۆہِ کاپ ئے پَریگ شَہزادَگ ءِ سَر ءَ مِہرَباں بیتَگَت ءُ دار ئے اَپس بُرزبال اَت۔ آئی ءَ پَریرَنگێں جِنِکّ ءِ نێمَگ ءَ چارانا وَتی شَہزادگێں ھَیال ءِ سَر ءَ بِچکَندِت۔
<!-- /وپ:پَرَگرَپہ -->
<!-- وپ:پَرَگرَپہ -->
وَہدے آئی ءَ چَہ وَرَگاں اَوَلی دَپار زُرت ءُ دَپ ءَ کُت، آئی ءَ گُماں بُوت کہ زِمین ءِ وَردِن اگں آزمان ءِ دێم ءَ وَرَگ بِبیت، اَنچێں تامے کاریت کہ جَنَّت ءِ گَلَّہ ءِ بیتَگ۔ ھما وَشتامێں گَلَّہ کہ پَرایا آدَم ءُ ھَوا ءَ ھُدا ءِ پابَندی پْرۆشت ءُ شَہدێں زِندار ءَ مَرگ ءِ جَورێں تام نَسیب ءَ دات۔
<!-- /وپ:پَرَگرَپہ -->
وَہدے آئی ءَ چَہ وَرَگاں اَوَلی دَپار زُرت ءُ دَپ ءَ کُت، آئی ءَ گُماں بُوت کہ زِمین ءِ وَردِن اگں آزمان ءِ دێم ءَ وَرَگ بِبیت، اَنچێں تامے کاریت کہ جَنَّت ءِ گَلَّہ ءِ بیتَگ۔ ھما وَشتامێں گَلَّہ کہ پَرایا آدَم ءُ ھَوا ءَ ھُدا ءِ پابَندی پْرۆشت ءُ شَہدێں زِندار ءَ مَرگ ءِ جَورێں تام نَسیب ءَ دات۔
<!-- /وپ:پَرَگرَپہ -->
<!-- وپ:پَرَگرَپہ -->
وَرَگان ءُ رَند تاکِم ءَ شَربَت ءُ چاہ آُرت۔ آئی ءَ شَربَت پَسُند کُت۔ وَشتامێں شَربتاں آ زِنداپ ءِ تْرانَگ ءَ پِرّێنت ءُ آئی ءِ دِل ءَ گُنگێں دْوایے لۆٹِت کہ اِے سَہت اَبَدماں بِبات۔ مَن داِم ھَمے پَیم آزمان ءَ باتاں۔ چَہ ھُوراں شَرَّنگتِرێں اِے جِنِکّ گۆں پُرلِزَّتێں وَرَگاں ھَمے پَیم مَنی دێم ءَ بات۔ بلے اِے تامانی تَہا جَنَّت ءِ گَلَّہ ماں مَبات ءُ نہ کہ مئے تَہا آدَم ءُ ھَوا ءِ دۆزِہێں ناپَرمانی۔
<!-- /وپ:پَرَگرَپہ -->
وَرَگان ءُ رَند تاکِم ءَ شَربَت ءُ چاہ آُرت۔ آئی ءَ شَربَت پَسُند کُت۔ وَشتامێں شَربتاں آ زِنداپ ءِ تْرانَگ ءَ پِرّێنت ءُ آئی ءِ دِل ءَ گُنگێں دْوایے لۆٹِت کہ اِے سَہت اَبَدماں بِبات۔ مَن داِم ھَمے پَیم آزمان ءَ باتاں۔ چَہ ھُوراں شَرَّنگتِرێں اِے جِنِکّ گۆں پُرلِزَّتێں وَرَگاں ھَمے پَیم مَنی دێم ءَ بات۔ بلے اِے تامانی تَہا جَنَّت ءِ گَلَّہ ماں مَبات ءُ نہ کہ مئے تَہا آدَم ءُ ھَوا ءِ دۆزِہێں ناپَرمانی۔
<!-- /وپ:پَرَگرَپہ -->
<!-- وپ:پَرَگرَپہ -->
وَرَگ ءُ چَرَگ ءَ رَند آئی ءَ تِکَہ دات ءُ گێگ نِشت۔ سیٹّ ءِ کیسَّگ ءَ کِتابُکے ماں جَتَگَت۔ آئی ءَ زُرت ءُ پَٹَّگ ءَ لَگِّت۔ کِتابُک ءِ تَہا بازێں سَر ءُ سۆجے نِبِشتَہ اَت۔ آیانی تَہا یَکّے اِش اَت کہ کَزا ءِ وَہد ءَ مَردُم لاِپ جَیکِٹ ءَ چۆن گْوَر ءَ بِکَنت۔ آ پَدا بالیگُراب ءِ کَپَگ ءِ ھَیال ءَ کَپت۔
<!-- /وپ:پَرَگرَپہ -->
وَرَگ ءُ چَرَگ ءَ رَند آئی ءَ تِکَہ دات ءُ گێگ نِشت۔ سیٹّ ءِ کیسَّگ ءَ کِتابُکے ماں جَتَگَت۔ آئی ءَ زُرت ءُ پَٹَّگ ءَ لَگِّت۔ کِتابُک ءِ تَہا بازێں سَر ءُ سۆجے نِبِشتَہ اَت۔ آیانی تَہا یَکّے اِش اَت کہ کَزا ءِ وَہد ءَ مَردُم لاِپ جَیکِٹ ءَ چۆن گْوَر ءَ بِکَنت۔ آ پَدا بالیگُراب ءِ کَپَگ ءِ ھَیال ءَ کَپت۔
<!-- /وپ:پَرَگرَپہ -->
<!-- وپ:پَرَگرَپہ -->
سَوار بَیَگ ءَ پێش آ ھَمے تُرسا بے وار کُتَگَت بلے نی اِے پُرکَیپێں ساہَتاں کہ آ آزمان ءِ دێم ءَ بال اَت، آئی ءَ ھَیال اَتک کہ بالیگُراب ءِ کَپَگ، زِمینی زِند ءِ اِے آزمانی آسَر، چَہ مَرگ ءِ دْراہێں دْرۆشُماں ڈَولدارتِر اِنت۔ نادراہی، گاڈی، تیر، آس، آپ، زَہر، پاہُو… چَہ کُلّاں جِدا، چَہ دْرُستاں بُستِر۔
<!-- /وپ:پَرَگرَپہ -->
سَوار بَیَگ ءَ پێش آ ھَمے تُرسا بے وار کُتَگَت بلے نی اِے پُرکَیپێں ساہَتاں کہ آ آزمان ءِ دێم ءَ بال اَت، آئی ءَ ھَیال اَتک کہ بالیگُراب ءِ کَپَگ، زِمینی زِند ءِ اِے آزمانی آسَر، چَہ مَرگ ءِ دْراہێں دْرۆشُماں ڈَولدارتِر اِنت۔ نادراہی، گاڈی، تیر، آس، آپ، زَہر، پاہُو… چَہ کُلّاں جِدا، چَہ دْرُستاں بُستِر۔
<!-- /وپ:پَرَگرَپہ -->
<!-- وپ:پَرَگرَپہ -->
ھَمے وَہد ءَ اَناگَہا بالیگُراب لُلُّرِت ءُ آ پَچ لَرزِت۔ آئی ءِ سرێن ءَ گُش ئے کَرَنٹے تَتک۔ اِے تُرس ئے مارِشت اَت۔ آئی ءَ اێدِگِرانی نێمَگ ءَ چارِت۔ دْرُستانی رَنگ بَر گَشتَگَت۔ ھَمے وَہد ءَ جار جَنَگ بُوت کہ بالیگُراب ءَ کۆہے ءِ سَر ءَ گْوَزگ ئے سَوَب ءَ سَمبَکے جَتَگ۔ “پَرێشاں مَبِت۔” مَردُماں سارتێں گینّے کَشِّت۔
<!-- /وپ:پَرَگرَپہ -->
ھَمے وَہد ءَ اَناگَہا بالیگُراب لُلُّرِت ءُ آ پَچ لَرزِت۔ آئی ءِ سرێن ءَ گُش ئے کَرَنٹے تَتک۔ اِے تُرس ئے مارِشت اَت۔ آئی ءَ اێدِگِرانی نێمَگ ءَ چارِت۔ دْرُستانی رَنگ بَر گَشتَگَت۔ ھَمے وَہد ءَ جار جَنَگ بُوت کہ بالیگُراب ءَ کۆہے ءِ سَر ءَ گْوَزگ ئے سَوَب ءَ سَمبَکے جَتَگ۔ “پَرێشاں مَبِت۔” مَردُماں سارتێں گینّے کَشِّت۔
<!-- /وپ:پَرَگرَپہ -->
<!-- وپ:پَرَگرَپہ -->
بالیگُراب ءِ یَکّێں چَنڈَگ ءَ ڈَولدارێں مَرگ ءِ نِشَہ پْرۆشت۔ نی آ ھَیال کَنَگ ءَ اَت کہ مَرگ ھَر دْرۆشُم ءَ بِبیت، تُرسناک اِنت۔ نہ بُرز اِنت نہ پَست۔ مَرگ بَسّ مَرگ اِنت۔ زِمینی زِند ءِ آزمانی آسَر! اِے ھُشکێں لَبز اَنت۔ لَبزانی وَشّێں رِد ءُ بَند اَنت۔ مَرگ ءِ زێبدارێں بَیاں مَرگ ءَ بْرَہدار نَکَنت۔
<!-- /وپ:پَرَگرَپہ -->
بالیگُراب ءِ یَکّێں چَنڈَگ ءَ ڈَولدارێں مَرگ ءِ نِشَہ پْرۆشت۔ نی آ ھَیال کَنَگ ءَ اَت کہ مَرگ ھَر دْرۆشُم ءَ بِبیت، تُرسناک اِنت۔ نہ بُرز اِنت نہ پَست۔ مَرگ بَسّ مَرگ اِنت۔ زِمینی زِند ءِ آزمانی آسَر! اِے ھُشکێں لَبز اَنت۔ لَبزانی وَشّێں رِد ءُ بَند اَنت۔ مَرگ ءِ زێبدارێں بَیاں مَرگ ءَ بْرَہدار نَکَنت۔
<!-- /وپ:پَرَگرَپہ -->
<!-- وپ:پَرَگرَپہ -->
“یا اَلّاہ! تَئی لَکّ شُگر اِنت، پَروَردِگار!” پیرێں مُلا ءِ تَوار ءَ آ پَدا چَہ ھَیالاں کَشِّت۔ آئی ءَ چَکّ جَت ءُ چارِت۔ مُلا نَزّیک ءَ سیٹّے ءِ سَر ءَ نِشتَگَت ءُ وَتی دَستی بَئێگ ءِ تَہا چیزّے پَٹَّگ ءَ اَت۔ مُلا ءَ چَہ بَئێگ ءَ دو پَتّا گۆلی دَر کُت۔ چَہ ھَریَکّ پَتّاے ءَ یَکّ ءُ یَکّ گۆلیے زُرت ءُ گۆں گِلاسے آپ ءَ وارت اَنت۔ دْراجێں گینّے کَشِّت ئِے۔ چَہ ریشّاں پِٹّۆکێں آپ ئِے پَہک کُت اَنت۔ یَکّ بَرے پَدا اَلّاہ ءِ شُگر ئِے گِپت ءُ شُرُو بُوت تَبزی جَنَگ ءَ۔
<!-- /وپ:پَرَگرَپہ -->
“یا اَلّاہ! تَئی لَکّ شُگر اِنت، پَروَردِگار!” پیرێں مُلا ءِ تَوار ءَ آ پَدا چَہ ھَیالاں کَشِّت۔ آئی ءَ چَکّ جَت ءُ چارِت۔ مُلا نَزّیک ءَ سیٹّے ءِ سَر ءَ نِشتَگَت ءُ وَتی دَستی بَئێگ ءِ تَہا چیزّے پَٹَّگ ءَ اَت۔ مُلا ءَ چَہ بَئێگ ءَ دو پَتّا گۆلی دَر کُت۔ چَہ ھَریَکّ پَتّاے ءَ یَکّ ءُ یَکّ گۆلیے زُرت ءُ گۆں گِلاسے آپ ءَ وارت اَنت۔ دْراجێں گینّے کَشِّت ئِے۔ چَہ ریشّاں پِٹّۆکێں آپ ئِے پَہک کُت اَنت۔ یَکّ بَرے پَدا اَلّاہ ءِ شُگر ئِے گِپت ءُ شُرُو بُوت تَبزی جَنَگ ءَ۔
<!-- /وپ:پَرَگرَپہ -->
<!-- وپ:پَرَگرَپہ -->
اِے پیرمَرد ءَ چَہ نادراہی ءَ تُرسیت۔ آئی ءِ دِل ءَ پَرے کَماشێں مُلا ءَ پَدا ھَمدَردیے پێدا بُوت۔ تُرس ناسَلامتی ئے بِبیت یا بالیگُراب ءِ کَپَگ ءِ، مانا یَکّ اِنت۔ ھَردێں راہانی مِنزِل یَکّ اِنت، مَوت ءِ مِنزِل۔ ءُ چَہ مَوت ءَ ھَرکَس تَچیت۔ دْراہ زِند ءِ لۆٹۆک اَنت۔ ھما زِند ءِ کہ آئی ءَ مَرگ پِر مَبیت۔ بے مَرگێں زِند کہ ھُدائی چیزّے، ھَرکَسی دِل ءِ اَرمان اِنت۔ دْراہ چۆ ھُدا ءَ داِمی زِند لۆٹ اَنت۔ ھُدائی لۆٹ اَنت، ھُدائی!
<!-- /وپ:پَرَگرَپہ -->
اِے پیرمَرد ءَ چَہ نادراہی ءَ تُرسیت۔ آئی ءِ دِل ءَ پَرے کَماشێں مُلا ءَ پَدا ھَمدَردیے پێدا بُوت۔ تُرس ناسَلامتی ئے بِبیت یا بالیگُراب ءِ کَپَگ ءِ، مانا یَکّ اِنت۔ ھَردێں راہانی مِنزِل یَکّ اِنت، مَوت ءِ مِنزِل۔ ءُ چَہ مَوت ءَ ھَرکَس تَچیت۔ دْراہ زِند ءِ لۆٹۆک اَنت۔ ھما زِند ءِ کہ آئی ءَ مَرگ پِر مَبیت۔ بے مَرگێں زِند کہ ھُدائی چیزّے، ھَرکَسی دِل ءِ اَرمان اِنت۔ دْراہ چۆ ھُدا ءَ داِمی زِند لۆٹ اَنت۔ ھُدائی لۆٹ اَنت، ھُدائی!
<!-- /وپ:پَرَگرَپہ -->
<!-- وپ:پَرَگرَپہ -->
پَدا اَناگَہا آئی ءِ آزمانێں دِل ءَ گِرۆکێں ھَیالے ءَ شَہم کُت۔ ھُدا دار ئے اَپسے کہ مَردُم ءَ تْراشتَگ۔ زیکّێں دار ئے اَپس مَرچیگێں بالیگُراب اِنت ءُ مَرچیگێں ھُدا باندات ءِ اِنسان اِنت۔
<!-- /وپ:پَرَگرَپہ -->
پَدا اَناگَہا آئی ءِ آزمانێں دِل ءَ گِرۆکێں ھَیالے ءَ شَہم کُت۔ ھُدا دار ئے اَپسے کہ مَردُم ءَ تْراشتَگ۔ زیکّێں دار ئے اَپس مَرچیگێں بالیگُراب اِنت ءُ مَرچیگێں ھُدا باندات ءِ اِنسان اِنت۔
<!-- /وپ:پَرَگرَپہ -->
<!-- وپ:پَرَگرَپہ -->
گۆں اِے ھَیال ءِ آیَگ ءَ آئی ءِ جان ءِ پُٹ پُونژَرت اَنت ءُ آ، سَر داں پاد لَرزَگ ءَ لَگِّت۔ آ اَنچۆ جۆش ءَ اَت، اَنچۆ گَل اَت گُش ئے ھَزانَگے دَست ئِے کَپتَگ۔ آئی ءِ دِل ءَ لۆٹِت کہ کُوکّار بِکَنان ءُ بُگُشاں: “اُو دُنیا ءِ مَردُماں! مَن ھُدا ءَ زاناں۔ شَرّی ءِ سَر ءَ پَجّاہ ئِے کاراں۔ وَتی دۆستێں ھُدا ءَ ۔ مِہرَبانێں ھُدا ءَ ۔ ھُدا یَکّ وابے کہ مَردُم ءِ دِل ءِ آگَہێں چَمّاں دیتَگ۔ اِے واب رۆچے نہ رۆچے وَت ءَ ھَم مانا دَنت ءُ مَردُم ءِ بے ماںائیں زِند ءَ ھَم۔
<!-- /وپ:پَرَگرَپہ -->
گۆں اِے ھَیال ءِ آیَگ ءَ آئی ءِ جان ءِ پُٹ پُونژَرت اَنت ءُ آ، سَر داں پاد لَرزَگ ءَ لَگِّت۔ آ اَنچۆ جۆش ءَ اَت، اَنچۆ گَل اَت گُش ئے ھَزانَگے دَست ئِے کَپتَگ۔ آئی ءِ دِل ءَ لۆٹِت کہ کُوکّار بِکَنان ءُ بُگُشاں: “اُو دُنیا ءِ مَردُماں! مَن ھُدا ءَ زاناں۔ شَرّی ءِ سَر ءَ پَجّاہ ئِے کاراں۔ وَتی دۆستێں ھُدا ءَ ۔ مِہرَبانێں ھُدا ءَ ۔ ھُدا یَکّ وابے کہ مَردُم ءِ دِل ءِ آگَہێں چَمّاں دیتَگ۔ اِے واب رۆچے نہ رۆچے وَت ءَ ھَم مانا دَنت ءُ مَردُم ءِ بے ماںائیں زِند ءَ ھَم۔
<!-- /وپ:پَرَگرَپہ -->
<!-- وپ:پَرَگرَپہ -->
چۆن وَشّ اِنت مَنی زِند ءِ اِے دَماں! چۆنێں اَبَدی رَنگے اِے سَہت ءَ ماں! چۆن وَشّ اِنت ھُدا ءِ سَرپَد بَیَگ ءِ مارِشت! نی مَن بِمِراں ھَم مَن ءَ رَنج نَبیت۔ مَن وَتی ھُدا زانتَگ۔ وَتی ھَمراہ ءُ سَنگَتێں ھُدا۔”
<!-- /وپ:پَرَگرَپہ -->
چۆن وَشّ اِنت مَنی زِند ءِ اِے دَماں! چۆنێں اَبَدی رَنگے اِے سَہت ءَ ماں! چۆن وَشّ اِنت ھُدا ءِ سَرپَد بَیَگ ءِ مارِشت! نی مَن بِمِراں ھَم مَن ءَ رَنج نَبیت۔ مَن وَتی ھُدا زانتَگ۔ وَتی ھَمراہ ءُ سَنگَتێں ھُدا۔”
<!-- /وپ:پَرَگرَپہ -->
<!-- وپ:پَرَگرَپہ -->
آئی ءِ سێنَگ ءَ زَگرێں وَشّی ءِ بے گْوازێں زِرے چَول جَنان اَت ءُ مَرگ ءِ تُرس چۆ پْرُشتَگێں بۆجیگ ءَ وَشّی ءِ اِے مَستێں زِر ءَ زێراپ بیتَگَت۔ وَشّی… زَگرێں، نَگدێں وَشّی۔ ھما وَشّی کہ آئی ءِ تَہا ھِچّ تُرس، ھِچّ بَندِش، ھِچّ کَمّی نێستَت۔ اَنچێں آزات، سَرجَم ءُ اَبَدی وَشّی کہ تَہنا ھُدا ءِ نَسیب ءَ بیت کہ مَرگ ءِ تُرس ئِے نێست۔
وَشّی ءِ تُوپّانے آئی ءِ دِل ءَ چِست اَت۔ آئی ءَ اَنچۆ گُماں بُوت کہ وَشّی ءِ اِے تُوپّاں آئی ءِ دِل ءَ دِرّان ءُ سێنَگ ءَ پْرۆشانا دَر کئێت ءُ تَوامێں جَہان ءَ ماں پَتا ایت۔ چَہ بے کِساسێں وَشّی ءَ آئی ءِ چَمّ ھُمار اَت اَنت۔
<!-- /وپ:پَرَگرَپہ -->
آئی ءِ سێنَگ ءَ زَگرێں وَشّی ءِ بے گْوازێں زِرے چَول جَنان اَت ءُ مَرگ ءِ تُرس چۆ پْرُشتَگێں بۆجیگ ءَ وَشّی ءِ اِے مَستێں زِر ءَ زێراپ بیتَگَت۔ وَشّی… زَگرێں، نَگدێں وَشّی۔ ھما وَشّی کہ آئی ءِ تَہا ھِچّ تُرس، ھِچّ بَندِش، ھِچّ کَمّی نێستَت۔ اَنچێں آزات، سَرجَم ءُ اَبَدی وَشّی کہ تَہنا ھُدا ءِ نَسیب ءَ بیت کہ مَرگ ءِ تُرس ئِے نێست۔
وَشّی ءِ تُوپّانے آئی ءِ دِل ءَ چِست اَت۔ آئی ءَ اَنچۆ گُماں بُوت کہ وَشّی ءِ اِے تُوپّاں آئی ءِ دِل ءَ دِرّان ءُ سێنَگ ءَ پْرۆشانا دَر کئێت ءُ تَوامێں جَہان ءَ ماں پَتا ایت۔ چَہ بے کِساسێں وَشّی ءَ آئی ءِ چَمّ ھُمار اَت اَنت۔
<!-- /وپ:پَرَگرَپہ -->
<!-- وپ:پَرَگرَپہ -->
“شُما زانِت ھُدا چےے؟” اَناگَہا آئی ءِ بُرزێں تَوار ماں بالیگُراب ءَ جَکسِت۔ آ پاد اَتکَگ ءُ اوشتاتَگَت۔ ھَریَکّے ءَ چَکّ جَت ءُ اَجَکَّہی آئی ءِ نێمَگ ءَ چارِت۔
<!-- /وپ:پَرَگرَپہ -->
“شُما زانِت ھُدا چےے؟” اَناگَہا آئی ءِ بُرزێں تَوار ماں بالیگُراب ءَ جَکسِت۔ آ پاد اَتکَگ ءُ اوشتاتَگَت۔ ھَریَکّے ءَ چَکّ جَت ءُ اَجَکَّہی آئی ءِ نێمَگ ءَ چارِت۔
<!-- /وپ:پَرَگرَپہ -->
<!-- وپ:پَرَگرَپہ -->
“مَن شُمارا گُشاں گۆں ھُدا چےے،” آ وَتی جۆش ءَ گُشَگ ءَ اَت۔ “ھُدا دار ئے اَپسے کہ مَردُم ءَ تْراشتَگ۔”
<!-- /وپ:پَرَگرَپہ -->
“مَن شُمارا گُشاں گۆں ھُدا چےے،” آ وَتی جۆش ءَ گُشَگ ءَ اَت۔ “ھُدا دار ئے اَپسے کہ مَردُم ءَ تْراشتَگ۔”
<!-- /وپ:پَرَگرَپہ -->
<!-- وپ:پَرَگرَپہ -->
مَردُمانی گۆش مِکّ بیت اَنت ءُ دِلانی کْرِچک پێشانیگ ءَ اَتک اَنت بلے آ چَرِشاں بے سَما گُشَگ ءَ اَت۔
<!-- /وپ:پَرَگرَپہ -->
مَردُمانی گۆش مِکّ بیت اَنت ءُ دِلانی کْرِچک پێشانیگ ءَ اَتک اَنت بلے آ چَرِشاں بے سَما گُشَگ ءَ اَت۔
<!-- /وپ:پَرَگرَپہ -->
<!-- وپ:پَرَگرَپہ -->
“مَردُم ءَ اِے دار ئے اَپس اِے واست ءَ تْراشتَگ کہ آ کۆہِ کاپا رَوَگ لۆٹیت، کۆہِ کاپ ئے شَرَّنگتِرێں پَریگ ءَ گِرَگ لۆٹیت۔ زان ئے کاپ ئے مانا چے اِنت؟ کاپ ئے مانا اِنت: کُدرَت، کُووَت۔ تَو کۆہِ کاپ گِپت گُڈا بِزاں ھَر چیزّ ءِ سَر ءَ کادِر بیت ئے۔ کۆہِ کاپ کَراماتانی سَرزِمین اِنت۔ اود ءَ ھِچّی نابُوتِنی نَہ اِنت۔ ھَرچے دِل بُلۆٹیت، بیت۔ مُوسّا ئے اَسا، سُلَیمان ءِ تَہتِ رَواں، اَلَّدین ئے جِنّ… دْراہ ھَمۆدا اَنت۔ شُما سَہی نَہ اِت بلے اِے بالیگُراب دێم پہ کۆہِ کاپا رَوان اِنت۔”
<!-- /وپ:پَرَگرَپہ -->
“مَردُم ءَ اِے دار ئے اَپس اِے واست ءَ تْراشتَگ کہ آ کۆہِ کاپا رَوَگ لۆٹیت، کۆہِ کاپ ئے شَرَّنگتِرێں پَریگ ءَ گِرَگ لۆٹیت۔ زان ئے کاپ ئے مانا چے اِنت؟ کاپ ئے مانا اِنت: کُدرَت، کُووَت۔ تَو کۆہِ کاپ گِپت گُڈا بِزاں ھَر چیزّ ءِ سَر ءَ کادِر بیت ئے۔ کۆہِ کاپ کَراماتانی سَرزِمین اِنت۔ اود ءَ ھِچّی نابُوتِنی نَہ اِنت۔ ھَرچے دِل بُلۆٹیت، بیت۔ مُوسّا ئے اَسا، سُلَیمان ءِ تَہتِ رَواں، اَلَّدین ئے جِنّ… دْراہ ھَمۆدا اَنت۔ شُما سَہی نَہ اِت بلے اِے بالیگُراب دێم پہ کۆہِ کاپا رَوان اِنت۔”
<!-- /وپ:پَرَگرَپہ -->
<!-- وپ:پَرَگرَپہ -->
شَہزادَگێں مُساپِر ھَیران ءُ پَرێشانێں زِمینزاتانی دێم ءَ کۆہِ کاپ ئے کِسَّہاں آران اَت ءُ دار ئے اَپس بُرز بال اَت۔
<!-- /وپ:پَرَگرَپہ -->
شَہزادَگێں مُساپِر ھَیران ءُ پَرێشانێں زِمینزاتانی دێم ءَ کۆہِ کاپ ئے کِسَّہاں آران اَت ءُ دار ئے اَپس بُرز بال اَت۔
<!-- /وپ:پَرَگرَپہ -->
<!-- وپ:پَرَگرَپہ -->
دار ئے اَپس بُرزبال اَت ءُ رَپتار ئِے ھَم تێز اَت بلے اِشیا یَکّ بَلاہێں اَیبے مان اَت۔ دار ئے اَپس ءِ چَپّێں گۆش گار اَت، ءُ اِے اَیب ءِ نێمَگ ءَ نہ سَرجۆشێں گُشتانک دیۆک ئے ھَیال گْوَر اَت ءُ نہ کہ وانگێں گۆش دارۆکانی!
<!-- /وپ:پَرَگرَپہ -->
دار ئے اَپس بُرزبال اَت ءُ رَپتار ئِے ھَم تێز اَت بلے اِشیا یَکّ بَلاہێں اَیبے مان اَت۔ دار ئے اَپس ءِ چَپّێں گۆش گار اَت، ءُ اِے اَیب ءِ نێمَگ ءَ نہ سَرجۆشێں گُشتانک دیۆک ئے ھَیال گْوَر اَت ءُ نہ کہ وانگێں گۆش دارۆکانی!
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->