<!-- وپ:پَرَگرَپہ -->
سَوالیگ آں، پَرچا جَوابے نَلۆٹاں
اگں ھَکّ نَداراں ھِسابے نَلۆٹاں
<!-- /وپ:پَرَگرَپہ -->
<!-- وپ:پَرَگرَپہ -->
بِکَنت نام ءُ دَپ گُڈِّ مَرگ ءَ مَن ءَ را
چُشێں وَشّێں وَنگ ءُ کَبابے نَلۆٹاں
<!-- /وپ:پَرَگرَپہ -->
<!-- وپ:پَرَگرَپہ -->
مَن ءَ بَسّ اَنت اِے دَرد ءُ مِہنَت جَہان ءِ
چِد ءُ دێم گێشێں اَزابے نَلۆٹاں
<!-- /وپ:پَرَگرَپہ -->
<!-- وپ:پَرَگرَپہ -->
تَباہیگ اگں بیت مُرادانی بۆجیگ
چُشێں بے پَکارێں تَیابے نَلۆٹاں
<!-- /وپ:پَرَگرَپہ -->
<!-- وپ:پَرَگرَپہ -->
مَنی دَرد ءِ دێمپاں کہ وار ءُ اَزاب اَنت
مَن سَردار ءُ میر ءُ نَوابے نَلۆٹاں
<!-- /وپ:پَرَگرَپہ -->
<!-- وپ:پَرَگرَپہ -->
اگں دِل ھُدۆک اِنت مُدام پہ گُناہ ءَ
بلے چۆ نَہ اِنت کہ سَوابے نَلۆٹاں
<!-- /وپ:پَرَگرَپہ -->
<!-- وپ:پَرَگرَپہ -->
کَسے شات بِکَنت کَدَّہاں شَکَّلانی
مَن ءَ وَلّاہ کَیپ ءُ شَرابے نَلۆٹاں
<!-- /وپ:پَرَگرَپہ -->
<!-- وپ:پَرَگرَپہ -->
بِپێچ پَتَّراں دُہل ءُ سُرنا مَکَن کہ
مَن چَنگ ءُ سُرۆز ءُ رَبابے نَلۆٹاں
<!-- /وپ:پَرَگرَپہ -->
<!-- وپ:پَرَگرَپہ -->
سَلامَت بِبات گُل گۆں کَنڈیگ ءُ ھاراں
نَلۆٹاں دِگِہ ٹَہل ءُ دابے نَلۆٹاں
<!-- /وپ:پَرَگرَپہ -->
<!-- وپ:پَرَگرَپہ -->
مَن دِلگۆش آں مُلا چَہ تَئی واز ءُ پَنتاں
پَمێشکا دِگِہ سۆج ءُ بابے نَلۆٹاں
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
Ji Ar Mollá