تَو مَنی جِند ءُ زِند ءِ واہُند ئے
چَہ مَن ءَ یاتانی پُلۆک زِند ءِ
چَہ مَن ءَ یاتانی پُلۆک زِند ءِ
واہَگ ءِ ساپ ءُ سَلَّہێں آدێنک
شانک پہ مَن چامّاں تَو وَت ءَ گِند ئے
شانک پہ مَن چامّاں تَو وَت ءَ گِند ئے
مَن دِگِہ دُنیایے سَر ءَ کَشّاں
سَہتُکے گۆں مَن تَو اگں نِند ئے
سَہتُکے گۆں مَن تَو اگں نِند ئے
مُرتَگێں دِل مئے گَرک جَنت سَد بَر
بۆشت دَمانے بْیا تاکچَہا زِند ءِ
بۆشت دَمانے بْیا تاکچَہا زِند ءِ
مَن پہ تَو بَندیگ آں اَمُل ھَنچۆش
پُنُّو اَت چۆ پہ سَسّی ءَ سِند ئے
پُنُّو اَت چۆ پہ سَسّی ءَ سِند ئے
پہ تَئی بِچکَندے کَناں کُرباں!
سَد ھَزار شَرَّنگێں جِنِکّ ھِند ءِ
سَد ھَزار شَرَّنگێں جِنِکّ ھِند ءِ
مَن تَئی شۆہاز ءَ بِکَن باوَر
گار کُتَگ باوَست بْیا وَتی جِند ءِ
گار کُتَگ باوَست بْیا وَتی جِند ءِ
گُلامُسێں شۆہاز