Hmmm

<!-- وپ:پَرَگرَپہ -->
“ئے! ھِچّ نَگُش ئے تَو؟”
<!-- /وپ:پَرَگرَپہ -->

<!-- وپ:پَرَگرَپہ -->
“چے بُگُشاں؟”
<!-- /وپ:پَرَگرَپہ -->

<!-- وپ:پَرَگرَپہ -->
“ھِچّ مَگُش۔”
<!-- /وپ:پَرَگرَپہ -->

<!-- وپ:پَرَگرَپہ -->
“زان ئے مَن چی ءَ ھِچّ نَگُشاں؟”
<!-- /وپ:پَرَگرَپہ -->

<!-- وپ:پَرَگرَپہ -->
“اِنّاں۔”
<!-- /وپ:پَرَگرَپہ -->

<!-- وپ:پَرَگرَپہ -->
“مَن کِسَّہے نِبِشتَہ کَنَگ ءَ بیتَگاں بلے نی یَکّ جاہے گَٹِّتَگاں۔”
<!-- /وپ:پَرَگرَپہ -->

<!-- وپ:پَرَگرَپہ -->
“گُڈا مَن چۆن کَناں؟”
<!-- /وپ:پَرَگرَپہ -->

<!-- وپ:پَرَگرَپہ -->
“تَو… تَو مَنی کِسَّہ ءَ گۆش دار، بَلکێں راہے دَر بْیَیت۔”
<!-- /وپ:پَرَگرَپہ -->

<!-- وپ:پَرَگرَپہ -->
“ھمّم، شَرّ اِنت، بْیار کِسَّہ ءَ ۔”
<!-- /وپ:پَرَگرَپہ -->

<!-- وپ:پَرَگرَپہ -->
“اِس اِم اِس ئے سَر ءَ کِسَّہ آرَگ نَبیت۔ مَن تَرا پَون کَناں۔”
<!-- /وپ:پَرَگرَپہ -->

<!-- وپ:پَرَگرَپہ -->
“کَمُّک سَبر کَن۔ دَزگُہارے نِشتَگ۔ رَوت گُڈا تَرا ھال دَیاں۔”
<!-- /وپ:پَرَگرَپہ -->

<!-- وپ:پَرَگرَپہ -->
………………
<!-- /وپ:پَرَگرَپہ -->

<!-- وپ:پَرَگرَپہ -->
“ھَلَو۔ دَزگُہار شُت؟”
<!-- /وپ:پَرَگرَپہ -->

<!-- وپ:پَرَگرَپہ -->
“ھَو۔ مَن دْرۆگے بَست ءُ گَلّێنت۔ ھاہاہا۔”
<!-- /وپ:پَرَگرَپہ -->

<!-- وپ:پَرَگرَپہ -->
“تَو دْرۆگ ءِ بَندَگ ءَ کَسّی ھَدّ ءَ نا ئِے۔ ماشَلّا!”
<!-- /وپ:پَرَگرَپہ -->

<!-- وپ:پَرَگرَپہ -->
“یِس بُسّ۔”
<!-- /وپ:پَرَگرَپہ -->

<!-- وپ:پَرَگرَپہ -->
“اَرّر! تَو مَن ءَ دۆنت وَ۔ مَن ءَ دْرۆگبَندانی مَستِر کُت۔”
<!-- /وپ:پَرَگرَپہ -->

<!-- وپ:پَرَگرَپہ -->
“ھَو۔ تَرا کِلّاں۔ مَنی دْرۆگ تَو بَنداێنت۔”
<!-- /وپ:پَرَگرَپہ -->

<!-- وپ:پَرَگرَپہ -->
“ساد بارَگێں جاگَہ ءَ سِدیت۔ شَرّ، گُڈا کِسَّہ ءَ گۆش دار۔”
<!-- /وپ:پَرَگرَپہ -->

<!-- وپ:پَرَگرَپہ -->
“ھَو بُگُش۔”
<!-- /وپ:پَرَگرَپہ -->

<!-- وپ:پَرَگرَپہ -->
“کِسَّہ چُش اِنت کہ بَچَکّے ءَ جِنِکّے دۆست بیت۔ مێتَگ ءِ دۆد ءُ رَبێدَگ ءِ رِد ءَ بَچَکّ وَتی لۆگ ءِ مَردُماں جِنِکّ ءِ پِت ءِ کِرّا راہ دَنت۔ جِنِکّ ءِ پِت آئی ءَ زامات کَنت۔ چیزّے مُدَّت ءَ رَند سیر بیت۔ سالۆنک لۆٹیت کہ گۆں بانۆر ءَ رِتک ءُ رێچ بِباں بلے بانۆر وَت ءَ دیر دیر داریت۔ سالۆنک گُشیت بَلکێں نۆک اِنت، لَجّ ئِے کَنت۔ کَمّ کَمّا شَرّ بیت…”
<!-- /وپ:پَرَگرَپہ -->

<!-- وپ:پَرَگرَپہ -->
“بَلکێں مَرد ئِے دۆست نَبیت؟”
<!-- /وپ:پَرَگرَپہ -->

<!-- وپ:پَرَگرَپہ -->
“تَو تَہا دَور مَکَن۔ یَکّ بَرے سَرجَمی ءَ گۆش ئِے دار۔”
<!-- /وپ:پَرَگرَپہ -->

<!-- وپ:پَرَگرَپہ -->
“گۆش نَداراں!”
<!-- /وپ:پَرَگرَپہ -->

<!-- وپ:پَرَگرَپہ -->
“پَرچا؟”
<!-- /وپ:پَرَگرَپہ -->

<!-- وپ:پَرَگرَپہ -->
“تَو مَردُم ءَ دَپ جن ئے۔”
<!-- /وپ:پَرَگرَپہ -->

<!-- وپ:پَرَگرَپہ -->
“ھاہاہا۔ شَرّ اِنت بابا! دَپ نَجَناں، دَست جَناں۔”
<!-- /وپ:پَرَگرَپہ -->

<!-- وپ:پَرَگرَپہ -->
“ھاہاہا۔ شَیتاں!”
<!-- /وپ:پَرَگرَپہ -->

<!-- وپ:پَرَگرَپہ -->
“شَرّ گُڈا نی دێم ءَ گۆش دار۔”
<!-- /وپ:پَرَگرَپہ -->

<!-- وپ:پَرَگرَپہ -->
“ھَل کِسَّہ۔”
<!-- /وپ:پَرَگرَپہ -->

<!-- وپ:پَرَگرَپہ -->
“سیر ءِ دو سئے ھَپتَگ ءَ رَند یَکّ شَپے کہ بانۆر واب اِنت ءُ سالۆنک اَنگَت آگَہ اِنت، بانۆر ءِ گْرێوَگ ءُ ھیسکارَگ ءِ تَوار کئێت۔ گْرێوَگ ءِ تَہا آ بَچَکّے ءِ نام ءَ گیپت۔ سالۆنک چاریت داں بانۆر واب اِنت۔ آ زانت کہ وابے دیستَگ ئِے بلے ھَمے گَپّ ءَ پَرێشاں بیت کہ بانۆر ءَ اِے بَچَکّ ءِ نام چی ءَ گِپت۔ سالۆنک بَچَکّ ءَ پَجّاہ کاریت۔ ھَمے بَچَکّ بانۆر ءِ سْیادے۔ اِندِگِ رۆچ ءَ سالۆنک بانۆر ءِ کِرّا نام گیپت کہ تَو دۆشی واب ءِ تَہا گْرێتَگ ءُ پِلاں بَچَکّ ءِ نام گِپتَگ۔ بانۆر اِے گَپّ ءِ اِشکُنَگ ءَ پَرێشاں بیت بلے ھِچّ نَگُشیت۔ وَہدے سالۆنک باز چُنڈیت ئِے گُڈا بانۆر ھَمے اَنت ءَ پَدَّر کَنت کہ مَن ءَ ھَمے بَچَکّ دۆست بیتَگ بلے پِت ءَ مَن ءَ گۆں تَو سیر دات…”
<!-- /وپ:پَرَگرَپہ -->

<!-- وپ:پَرَگرَپہ -->
“اُہ۔ اِے کِسَّہ راستے، دْرۆگے؟”
<!-- /وپ:پَرَگرَپہ -->

<!-- وپ:پَرَگرَپہ -->
“اِے آزمانکے۔ اِشی ئے تَہا دْرۆگ ءُ راست دوێں ھَوار۔”
<!-- /وپ:پَرَگرَپہ -->

<!-- وپ:پَرَگرَپہ -->
“ھاہاہا۔ باز زان ئے تَو۔”
<!-- /وپ:پَرَگرَپہ -->

<!-- وپ:پَرَگرَپہ -->
“چینچُک زاناں؟”
<!-- /وپ:پَرَگرَپہ -->

<!-- وپ:پَرَگرَپہ -->
“مَن چے زاناں؟”
<!-- /وپ:پَرَگرَپہ -->

<!-- وپ:پَرَگرَپہ -->
“ھاہاہا۔ نَزان ئے گُڈا دێم ءَ گۆش دار… سالۆنک اِے گَپّ ءِ اِشکُنَگ ءَ گَمیگ بیت بلے مَزَندِلے بیت۔ آئی ءَ بانۆر ءِ سَر ءَ بَزَّگ کَنت۔ گُشیت ئِے اگں تَو ھما بَچَکّ ءَ گِرَگ لۆٹ ئے، مَن تَئی یَلَہ دَیَگ ءَ تَیار آں۔ بلے بانۆر گُشیت آ بَچَکّ زَہر ءَ دِگِہ جاگَہے زامات بیتَگ ءُ دو رۆچ ءَ رَند سیر اِنت ئِے۔ سالۆنک نَزانت کہ چۆن بِکَناں۔ بانۆر ءَ جُست کَنت۔ نی شَور چے اِنت؟ بانۆر ھِچّ نَگُشیت۔ بَسّ گْرێت…”
<!-- /وپ:پَرَگرَپہ -->

<!-- وپ:پَرَگرَپہ -->
“بے چارگێں بانۆر۔”
<!-- /وپ:پَرَگرَپہ -->

<!-- وپ:پَرَگرَپہ -->
“چۆن، تَرا بانۆر ءِ سَر ءَ بَزَّگ کَنت؟ سالۆنک ءِ سَر ءَ نَکَنت؟”
<!-- /وپ:پَرَگرَپہ -->

<!-- وپ:پَرَگرَپہ -->
“سالۆنک بَچَکّے۔ آزاتِّر اِنت۔ راہے دَر گێجیت۔ پہ بَزَّگێں بانۆر ءَ دْراہێں راہ ءُ دَر بَند اَنت۔”
<!-- /وپ:پَرَگرَپہ -->

<!-- وپ:پَرَگرَپہ -->
“یَکّ راہے وَ پَچ اِنت۔”
<!-- /وپ:پَرَگرَپہ -->

<!-- وپ:پَرَگرَپہ -->
“کُجام؟”
<!-- /وپ:پَرَگرَپہ -->

<!-- وپ:پَرَگرَپہ -->
“مَرد ءَ دۆست بِداریت۔”
<!-- /وپ:پَرَگرَپہ -->

<!-- وپ:پَرَگرَپہ -->
“ھمّم۔ دۆستی زۆر نَبیت۔”
<!-- /وپ:پَرَگرَپہ -->

<!-- وپ:پَرَگرَپہ -->
“ھَیر۔ شَرّ، نی دێم ءَ گۆش دار۔ اِے مَرد ءُ جَن نادِلانکَشّی یَکّ ءُ دُمیگ ءِ ھَمراہی ءَ چیزّے سال گْوازێن اَنت۔ آیاں چُکّے ھَم بیت۔ یَکّ رۆچے مَرد گۆں دِگِہ جِنِکّے ءَ ڈیکّ دَنت۔ چیزّے رۆچ ءِ تَہا آیانی پَجّارۆکی مِہر ءِ تَہا بَدَل بیت۔ بَچَکّ ءَ اَنچۆ سَما بیت کہ مَنی زِند ءِ ھَکّێں ھَمسَپَر ھَمِش اِنت۔ آ جِنِکّ ءَ گُشیت تَو مَن ءَ دۆست بَئے بلے اِے گَپّ ءَ جَت نَکَنت کہ مَن ءَ جَن ءُ چُکّ ھَست۔ آئی ءَ تُرسیت کہ چۆ مَبیت ھَپۆگی ئے تُرسا جِنِکّ چَہ دَست ءَ بُرَوت۔ نی کِسَّہ ھَمِد ءَ اَتکَگ ءُ اوشتاتَگ۔”
<!-- /وپ:پَرَگرَپہ -->

<!-- وپ:پَرَگرَپہ -->
“گُڈا؟”
<!-- /وپ:پَرَگرَپہ -->

<!-- وپ:پَرَگرَپہ -->
“گُڈا چے؟ مَن نَزاناں کہ اِے دْراہێں گَپّانی زانَگ ءَ رَند جِنِکّ گۆں اِے مَرد ءَ سیر بِکَنت یا مَکَنت۔ نَزاناں کُجام وَڈ ءَ کِسَّہ شَرتِر بیت۔ مَن ھَمِد ءَ گَٹِّتَگاں … تَو چے گُش ئے؟”
<!-- /وپ:پَرَگرَپہ -->

<!-- وپ:پَرَگرَپہ -->
“ھمّمّم۔”

<!-- /وپ:پَرَگرَپہ -->

<!-- وپ:پَرَگرَپہ -->
<!-- /وپ:پَرَگرَپہ -->