<!-- وپ:پَرَگرَپہ -->
اِشک ءِ اَندێم اِنت کِساس! کَمّ کُج ءَ ؟ باز کُج ءَ ؟
آپسَرے بیت؟ کہ بیت کَچّ کُج ءَ ؟ گْواز کُج ءَ ؟
<!-- /وپ:پَرَگرَپہ -->
<!-- وپ:پَرَگرَپہ -->
مِہر بے مِہر ءَ نَبیت آشِکی بے اِشک ءَ نَبیت
مئے گَنۆکانی دِل ءَ اوشتیت چُشێں واز کُج ءَ ؟
<!-- /وپ:پَرَگرَپہ -->
<!-- وپ:پَرَگرَپہ -->
مَن تَئی دَرد ءِ سَر ءَ مَرچاں ھُدا ءِ پَیم ءَ
بے تَوار آں کہ کُتَگ گار دِلَمباز کُج ءَ ؟
<!-- /وپ:پَرَگرَپہ -->
<!-- وپ:پَرَگرَپہ -->
ھَلک ءِ میر ءَ پَدا ھَمسَنگ کُت اَنت مِہر ءُ بیمّ
تَلوَسَگ دَرد ءِ کُج ءَ ؟ مِہر کُج ءَ ؟ ناز کُج ءَ ؟
<!-- /وپ:پَرَگرَپہ -->
<!-- وپ:پَرَگرَپہ -->
کَرن ءِ سَیل ءَ وَت ءَ نادان ءَ کُج ءَ گار کُتَگ
تَو آ دێوانَگێں ھان ءَ کن ئے شۆہاز کُج ءَ ؟
<!-- /وپ:پَرَگرَپہ -->
<!-- وپ:پَرَگرَپہ -->
17 اَکتۆبَر 1981، تُربَت
<!-- /وپ:پَرَگرَپہ -->
Hán Sáber